Татар халкының Бөек шагыйре Габдулла Тукай тууына 136 ел тулу  уңаеннан мәктәбебездә “Кечкенә Апушның тылсымлы төшләре” дип исемләнгән әдәби – музыкаль кичә үткәрелде. Укучыларыбыз шагыйрьнең иҗаты белән таныштылар, әсәрләрен  сәнгатьле укыдылар, шигырьләренә язылган җырларны башкардылар.

Зәңгәр күк йөзендә кояш балкыган чакта, шаулап-гөрләп яз ае апрель килгәндә, моннан 136 ел элек, 1886 елның 26 апрелендә нәни Апуш -Габдулла - мәшһүр Тукай дөньяга килә. Ятим Апушның балачагы узган Кырлай авылында, Габдулла-Апушны мәшһүр Тукай иткән шәһре Казанда һәм илебезнең төрле төбәкләрендә бу көнне олуг шагыйребезне зур хөрмәт белән искә алалар.

        Бүген мәктәптә шагыйрьнең туган көн бәйрәме уңаеннан “Тамчы-шоу” интеллектуаль уены үткәрдек. Уенда 8-9 нчы класс укучылары катнашты. Укучылар Габдулла Тукайның тормыш юлын һәм иҗатын белү буена көч сынаштылар. Нәтиҗәдә, “Җилкән” командасы I урынга, “Тукай оныклары” командасы II урынга лаек булды. Әфәрин, укучылар!

Мәктәбебез коллективы бу уку атнасын РФ, РТ дәүләт флагларын тантаналы күтәрү һәм дәүләт гимннарын күмәк җырлау белән башланды.

«Җиңүнең яшь геройлары» бәйгесенең мәктәп этабы үтте. 8 класс укучылары райондаш язучы Мөхәммәт Мәһдиевнең «Без – кырык беренче ел балалары» әсәрен сәхнәләштереп күрсәттеләр һәм җиңү яуладылар.

  Арча укучылар сараенда "Мин Арча баласы" проекты кысаларында "Мин Арчаны беләм" квесты оештырылды. Әлеге күңелле чарада мәктәбебезнең иң актив укучылары Вәлиуллин Р. һәм Төхфәтуллин Ә. катнашып, истәлекле бүләкләргә лаек булдылар.