30нчы гыйнвар көнне  мәктәбебездә  Ильяс  Халиков  белән очрашу  булды. Әлеге  очрашу  чын  тәрбия  дәресе  буларак  үткәрелде.  Укучыларга  матур  итеп  җырлавы, өздереп гармунда  уйнавы, итәгатьле сөйләве  бик ошады. Әти-  әниләргә, укытучыларга, өлкәннәргә  карата  ихтирам  хисләре  турында  әңгәмә  оештырылды.

Мәктәбебез   укучылары  Бөек Җиңүнең  70  еллыгына  багышланган  "Сәламәтлек  спартакиадасы"  кысаларында  уздырылган  көрәш  бәйгесендә  уңышка  ирештеләр. 70 кг  кадәр  авырлыкта  Сираҗиев  Азат  III  урын,  75 кг  югары  авырлыкта  Шәмсетдинов  Ранис    II  урын  яуладылар.

  Шул  ук  көнне  Фәнил  Гәрәфиев  истәлегенә  багышланган  пневматик  винтовкадан  ату  ярышында  Йосыпов  Илназ  I  урынга  лаек  булды.Җиңүчеләрне  тәбриклибез!

28январь- 6 февраль көннәрендә  мәктәбездә  физика- математика  атналыгы  үткәрелә. Әлеге  атналыкка  күп  кенә  чаралар  планлаштырыла.бүген физика  укытучысы  Гайфуллин Р.Ф. 7-11 нче  сыйныф укучылары  арасында "Физик марафон"үткәрде.

26 нчы  декабрь  көнне  башлангыч  класс  укытучыларының  методик  берләшмә  утырышы  узды.Утырышта  балалар  бакчасы  тәрбиячесе  дә  катнашты.Ул  балалар  бакчасында  ФГОС  буенча  алып  барылган  эшләр  белән  таныштырды, башлангыч  класс  укытучысы  Рәфыйкова Г.Д.  укучылар  сөйләмендәге  кимчелекләр  һәм  аларны  кисәтү  алымнары  турында  чыгыш  ясады.

26 январь  көнне  мәктәбебез  укучылары  Яңа Кырлайда үткәрелгән  чаңгы ярышында  уңышлы  чыгыш  ясадылар.

"Туган телем язмышы"  исеме  астында  барлык  классларда  да  тәрбия  дәресләре  үткәрелде. Укучыларга туган  телнең   ни  дәрәҗәдә  якын, кадерле  булуы аңлатылды.

Мәктәбебездә  башлангыч  класс  укучылары  технология  дәресләрен  көтеп  алалар. Бигрәк  тә  үзләре  ясаган  эшләрне якыннарына бүләк  итәргә  яраталар.

16 нчы гынвар  көнне  Яңа Кенәрдә   район  хакимияте  призына үткәрелгән көрәш  бәйгесендә  8 класс укучысы  Хөснетдинов  Дамир 2000-2001 нче  елгы  яшүсмерләр  арасында  65  кг-нан  югарырык үлчәүдә  1  нче  урынны  яулады. Афәрин, Дамир!!!! Алга  таба  да  уңышлар  телибез!

Бүген мәктәбебездә  ата- аналар  җыелышы  булды. Көн  тәртибе  буенча  түбәндәге  чыгышлар  тыңланды:

1."Бердәм  дәүләт  имтиханнарына  әзерлек." Рус  теле  һәм  әдәбияты  укытучысы Кашапова Л.М. чыгышы

2  I яртыеллык  нәтиҗәләре Мостафин Д.Ф. чыгышы.

3. "Спайслар, наркотик  матдәләрнең  зыяны." Йолдыз  Рөстәмовна чыгышы.

4.Участок  инспекторы  Зөбәеров И.И. чыгышы.

Җыелышның  икенче  өлешендә  әти-әниләр класс җыелышларында  булдылар.

Соңыннан ата-  аналар  комитеты  утырышы  үткәрелде.

Наласа  урта  мәктәбеннән барысы 11 бала Мари Иленә  "Кооператор" санаториясенә ял итәргә китте .Әйбәт итеп ял итеп, белем туплап, яңа дуслар табып, сәламәтлекләрен ныгытып кайтсыннар, дип телибез.