Бүген  8 нче  сыйныф  укучылары  тыл  ветераны  Хөснетдинова  Хәтимә  апа  белән  очраштылар. Хәтимә  апа  укучыларга  сугыш  еллары  турындагы  хатирәләре, күргән  авырлыклары, гыйбрәтле  хәлләр  турында  сөйләде. Соңыннан  барысы  бергә  фотога  төштеләр.

Инглиз  теле  атналыгы  дәвам  итә. Чит  телләр  укытучысы  Зарипова Р.Ф.  һәм  практикант  студент   Вахитова  Л.М.  Дисней  мультфильмы  геройларын  сурәтләгән  рәсемнәр  күргәзмәсе  оештырдылар. Күргәзмәдә  1- 5  сыйныф  укучылары  катнашты.

Бүген  "Җилкәннәр"  отряды  варислары (5 класс)  тыл  ветераны  Мөхетдинова  Рәшидә  апа  белән  очрашуга  бардылар. Ул  укучыларга  сугыш  вакытында  күргән  авырлыклар, гыйбрәтле  хәлләр, шул  чордагы  тормыш, башкарган  хезмәтләре  турында  сөйләде, үзенең  теләкләрен  җиткерде. Соңыннан  варислар  Рәшидә  апа  белән  фотога  төштеләр.

Мәктәптә инглиз теле атналыгы башланды. Бүген  инглиз теле укытучысы Зарипова Р.Ф. 4 нче классларда ачык дәрес үткәрде.

8 нче  феврвль  Яшь  геройларны  искә  алу  көне  буларак  билгеләп  үтелә. Шул  уңайдан   бүген  мәктәбебездә  герой - пионерларга  багышланган  чара  узды. 5 нче  класс  варислары    яшь   пионерлар, аларның  сугыш  вакытында  күрсәткән  батырлыклары  турында  сөйләделәр.

Күренекле мәгърифәтче, галим Ибраһим Хәлфин исемендәге X Республика фәнни- эзләнү  конферециясендә Бөек Ватан сугышында катнашкан язучылар иҗатына багышланган сыйныфтан тыш чаралар һәм дәрес эшкәртмәләре бәйгесендә  физика укытучыбыз Гайфуллин Рашат Фәгалович I урынга лаек булды. Чыш күңелдән котлыйбыз, киләчәктә дә эшегездә зур уңышлар, сәламәтлек телибез.

Көрәшче  егетләребез  кабат  җиңүче! 7  февральдә  " Акбарс  агрокомплексы"  җитәкчесе  призына  яшүсмерләр  арасында  уздырылган  татар-башкорт  көрәш  бәйгесендә  75 кг  кадәр  авырлыкта  Сираҗиев  Азат, 80  кг  югары  авырлыкта  Шәмсетдинов   Ранис   I  урынны  яуладылар. Аларга  киләчәктә  дә  уңышлар  телибез!

  6 нчы  февральдә  "Кошлар - безнең  дуслар"  исеме  астында  кош  ояларына  һәм  җимлекләргә  конкурс  узды. Конкурска  барысы  51  эш  килде. Укучыларның  эшләре  бай  фантазия  белән  башкарылган. Жюри  членнарына  җиңүчеләрне  билгеләү  бик  кыен  булды.

  Математика  атналыгына  багышланган  чаралар  дәвам  итә. Бүген  математика  укытучысы  Галиуллин  Г.М. 8-11  класс  укучылары  арасында  "Математик  башваткыч  уздырды. Чара  бик  мавыктыргыч  һәм  күңелле  үтте.

Район  мәшгульлек  үзәге  "Киләчәккә  билет"  дигән  исем  астында  мәктәп  укучылары  арасында  иншалар  конкурсы  уздырган  иде. Конкурсның  нәтиҗәләре  билгеле  булды.Алар  бик  куанычлы: мәктәбебез  укучылары  призлы  урыннарга  лаек  булып, грамоталар  һәм  рәхмәт  хаты  белән  бүләкләнделәр. Габдрахманов  Рафил, Хәсәнова  Алия, Шагисламов  Илсаф  һәм  Нәҗметдинов  Ниязны  чын  күңелдән  тәбрик  итәбез, киләчәктә  уңышлар  телибез.