Һәр дүшәмбе саен “Мөһим әйберләр турында сөйләшү” исеме астында әңгәмә дәресләре үткәрәбез. Бүген без Әниләребез турында сөйләштек.

Проводилось очередное внеурочное  занятие в 9 классе “Разговоры о важном” по теме “Мама – главное слово в каждой судьбе”. С учащимися поговорили  о материнстве, о подвигах, присущих женщинам, о любви и заботе мам к своим детям. Тема получила огромный отзыв среди  учащихся, так как мама — это самый близкий, родной человек! 

Внеурочное занятие  в 5 классе "Разговоры о важном" по теме " Мама - главное слово в каждой судьбе"

Бердәм юл хәрәкәте куркынычсызлыгы көне уңаеннан Казиле башлангыч мәктәбендә “Юл билгеләре илендә”исемле чара үткәрелде.  Укучылар юлда куркынычсызлык  кагыйдәләрен, светофор сигналларын, җәмәгать транспортында һәм юлда үз-үзеңне тоту кагыйдәләрен белү буенча ярышларда  катнаштылар.

Кар яву һәм салкыннар башлану белән балаларга игътибарны тагын да арттырырга кирәк. Бүген 5 нче класста “Сак бул, бозлавык! Сак бул, юка боз!” темасына класс сәгате үткәрелде. Укучылар бозлавык вакытында үз-үзеңне ничек тотарга кирәклеген искә төшерделәр, юка бозның кеше тормышы өчен куркыныч булуын ачыкладылар. Һәркем үз сәламәтлеген сакласын, иминлеге өчен җаваплы булсын иде.

“Бердәм юл хәрәкәте куркынычсызлыгы” атналыгы кысаларында Мөндеш башлангыч мәктәбенең 3 Г сыйныф укучылары өчен “Адымнар нык, юллар имин булсын!” дигән темага рәсем бәйгесе үтте. Максаты: укучыларның юл йөрү кагыйдәләре буенча белемнәрен тикшерү, светофордан һәм юл билгеләреннән дөрес итеп файдалана белү күнекмәсен ныгыту, активлык, игътибарлылык тәрбияләү. Укучылар юлда килеп чыгарга мөмкин булган мәсьәләләрне үзләренең рәсемнәрендә яктырттылар.

1Г класс укучылары белән "Дуслык" темасына класс сәгате уздырылды. Класс сәгатендә дуслык кадере, дус яшәү серләре турында сөйләшенде. Дуслык турында мәкальләрне укучылар дәвам итте.

Бүген 2а классы укучылары "Карлыгачлар" сафына кабул ителде. Карлыгачларның  тырыш кош булуы аңлатылды. Укучыларга карлыгачлар кебек тырыш, тәрбияле, ярдәмчел, игелекле, үз Ватанын сөя торган чын кешеләр булып үсегез, дигән теләкләр әйтелде. Аларны чын күңелдән котлыйбыз.

  Тышта алтын көз! Аның кадере һәм күркәмлеге табигатьтәге буяу-бизәкләрдә генә түгел, ә көзнең муллыгында да. Нәкъ шуны истә тотып, Мөндеш башлангыч мәктәбе укучылары өчен   “Көзге уңыш”та кунакта исемле чара үткәрелде. Чараның максаты туган җиребезгә, туган телебезгә мәхәббәт, игенче хезмәтенә, икмәккә хөрмәт, халкыбызның милли йолаларына ихтирам тәрбияләү. Алтын көз кызы “Сөмбелә” килеп кергәч бәйрәмебез тагын да ямьләнеп китте. Балалар көзгә багышланган җырлар җырладылар, шигырьләр сөйләделәр, уеннар уйнадылар, рәхәтләнеп ял иттеләр.

Бүген бездә 2Г класс укучылары "Карлыгач" оешмасына  кабул ителде. Алар тырышып укырга, игелекле , мәрхәмәтле , ярдәмчел булырга, туган илне, туган телне сөяргә сүз бирде. Карлыгачларның өндәмәсе: "Көн саен яхшылык кыл!".