Мөндеш башлангыч мәктәбе укучыларына дзюдо буенча ун дәресле курсларны тәмамлауны раслаучы "Мой первый пояс дзюдо" сертификатлары тапшыру тантанасы үткәрелде. Әлеге чарада мәктәбебез директоры Гайнетдинов Илдар Борхан улы, тренер Манапов Ленар Рөстәм улы һәм Татарстан Республикасының дзюдо буенча баш тренеры Нефедов Алексей Андрей улы катнашты.

Бүген Арчаның 5 нче номерлы Гимназиясендә педагогларның һөнәри осталыгын ачыклаучы “Тәрбия һәм өстәмә белем бирү өлкәсендәге иң яхшы хезмәткәр” республика конкурсы кысаларында педагог – оештыручылар арасында “Кеше тәрбияләү” дип аталган республика конкурсының муниципаль этабы узды. Әлеге конкурста педагог-оештыручы Сәгьдиева Халисә Камил кызы 3 нче урынга лаек булды. Хезмәттәшебезне чын күңелдән зур җиңүе белән котлыйбыз!

Бүген иртәләребез бәйрәм алдыннан, бик матур итеп укучы кызларыбызны, укытучы, пешерүче, җыештыручы апаларны каршы алудан башланды. Укучыларга, укытучыларга бәйрәм атмосферасы көне буена дәрт, илһам өстәде.

Язның беренче бәйрәме 8 март - Халыкара хатын-кызлар бәйрәме уңаеннан, 5-11 нче сыйныф укучылары өчен уен-бәйге рәвешендә бик матур чара булып узды. Укучы кызларыбыз үзләрен төрле яктан, җитезлектә, тапкырлыкта, осталыкта күрсәттеләр.

Мөндеш башлангыч мәктәбенең 1 нче сыйныф укучылары үзләренең яраткан дәреслеге - Әлифба белән саубуллашты. Укучылар матур җырлары, шигырьләре белән күңелне ачтылар. Бәйрәм күңелле үтте. Укуның әлеге баскычын беренчеләр уңышлы гына үттеләр. Киләчәктә дә алар безне матур нәтиҗәләр белән шатландырырлар, дип ышанып калабыз.

Гаилә - ул иң олы таянычыбыз, иң ышанычлы сыеныр урыныбыз. Анда бер- берсен яраткан, бер-берсе турында кайгыртучанлык күрсәткән кешеләр яши. Гаилә нык, тату икән, димәк, дәүләт тә, җәмгыять тә нык, тату дигән сүз. Әти-әни - гаиләнең тоткасы булса, балалар - гаиләнең көзгесе. Әти-әниләр гаиләнең иң хөрмәтле кешеләре.Чөнки алар бала турында уйлап, борчылып яшиләр. Һәр ата-ана үз баласы турында минем балам игелекле, шәфкатьле булып, таянычым булыр дип өметләнә. 

Бүген мәктәбебездә Гаилә бәйрәме булып узды. Башлангыч сыйныф укучылары үзләренең әти-әниләре, дәү әниләренә багышлап матур шигырьләр сөйләделәр, җырлар җырладылар, биеделәр, үз куллары белән ясаган бүләкләрен  тапшырдылар.

Җылы кояш нурларына, тамчылар чыңына төренеп март ае да килеп җитте.  Табигатьнең язгы үзгәреш кичергән вакытында без әлеге айның иң матур, иң олы бәйрәме — 8 Март Халыкара хатын-кызлар көнен билгеләп үтәбез. Шул уңайдан  5 нче класс укучылары әниләрен бәйрәм белән котладылар, һөнәрләрен күрсәттеләр, үзләре ясаган бүләкләрен тапшырдылар.

Бүген 8 нче сыйныфта янгын куркынычсызлыгы кагыйдәләрен искә төшерү өчен, класс сәгате үткәрелде. Укучылар янгыннарның сәбәпләрен, аларны булдырмау юлларын өйрәнделәр.

Газетабызның февраль аеның саны белән таныша аласыз.

Сегодня классный руководитель 7 класса Набиуллина Г. Р. провела беседу с учащимися по пожарной безопасности. Беседа была направлена на обучение правилам обращения с огнём, предотвращению пожаров и поведению в случае возгорания.