Бүген, татар халкының бөек улы, герой шагыйрь Муса Җәлилнең туган көне уңаеннан, 4 нче сыйныф укучылары белән башлангыч сыйныф укытучысы Низаметдинова С.И. әдәби чара уздырды. Бу чараның беренче өлешендә укучылар шагыйрьнең тормыш юлы, үлемсез иҗаты белән таныштылар, презентация карадылар, белгәннәрен искә төшерделәр, шигырьләрен укыдылар. Икенче өлештә укучылар белемнәрен сынадылар, үзара ярыштылар. Балалар сорауларга тиз һәм төгәл җаваплар бирделәр. Чара ахырында җиңүче укучы да билгеләнде.

Ел саен 15 февральдә татар халкының бөек каһарман шагыйре Муса Җәлилнең туган көне билгеләп үтелә. Ул – ялкынлы шигырьләр язган шагыйрь дә, илнең азатлыгы өчен көрәшкән курку белмәс, үлемне ирләрчә каршылаган каһарман да. Бүгенге класс сәгатендә Венера Рөстәм кызы укучыларга шагыйрьнең тормыш юлы, иҗаты, Бөек Ватан сугышындагы батырлыгы турында сөйләде. Укучылар герой-шагыйрьнең үлмәс шигырьләрен сәнгатьле укыдылар, җырларын тыңладылар.

15 нче февраль - татар халкының батыр улы, патриот-шагыйрь Муса Җәлилнең туган көне. Быел аның тууына 120 ел була.Ул бүген дә тиңдәшсез батырлыгы һәм мәңге үлмәс шигырьләре белән безнең күңелләрдә яши. Без аның тормыш юлы, иҗаты белән кызыксынабыз, шигырьләрен яратып укыйбыз, кайберләрен көйгә салып  җырлыйбыз. Бүген Д.Г. Хәкимов исемендәге Түбән Мәтәскә урта гомуми белем мәктәбенең 8 нче сыйныфында Габдрахманова Наилә Шайнур кызы “Гасырларга сузылган җыр” исемле кино-дәрес үткәрде. Дәрес ахырында укучылар шагыйрьнең батырлыгы турында фикер алыштылар.

Бүген 1 нче сыйныфта герой-шагыйрь Муса Җәлилгә багышланган класс сәгате үткәрелде. Укытучы Йосыпова Р. К.  укучыларны шагыйрьнең тормыш юлы, балалар өчен язылган шигырьләре, батырлыгы белән таныштырды.

"Д. Г. Хәкимов исемендәге Түбән Мәтәскә урта гомуми белем бирү мәктәбе"нең 6 нчы сыйныф укучысы Рәхмәтуллина Нурзилә (җитәкчесе Рәхмәтуллина А.Р.) "Татарстан Республикасының халык шагыйре, драматург Фәнис Яруллин" исемендәге төбәкара фәнни-гамәли конференциясенең "Батырлык көче " юнәлешендә катнашып, "Җиңүче" дипломы белән бүләкләнде.

С целью профилактики правонарушений, агрессивного поведения, скулшутинга среди обучающихся в 3 классе был проведён классный час по теме "Скулшутинг". В ходе беседы ученики познакомились с такими понятиями как "скулшутинг", "колумбайн". Также они узнали, что делать и какие меры предпринимать, если в школе начался скулшутинг.

Бүгенгесе көндә махсус хәрби хезмәттә катнашучы авылдашыбыз - Саттаров Равилнең әнисе Рафилә апага көчебездән килгәнчә, укучылар белән ярдәм итеп, ишегалдын һәм капка төбен кардан чистартып кайттык.

Хәзерге вакытта белем бирү учреждениесендәге эшне әти-әниләрнең катнашыннан башка күз алдына китереп булмый. Каты бураннардан соң әтиләр мәктәпнең түбәсен кардан чистарттылар.  Бу эштә актив катнашкан Саттаров Ленар, Гафиуллин Илнар, Сәгъдиев Илсир, Иванов Илфат, Хәйретдинов Зөлфәт, Әхмәтов Ренат, укытучылар һәм  техник хезмәткәрләргә бик зур рәхмәт. 

Бүгенге көндә террорчылык иң куркыныч проблемаларның берсенә әйләнде. Террорчылык белән көрәшү генә түгел, аны алдан кисәтү мөһимрәк. 4 нче сыйныфта үткән бүгенге тәрбия сәгатендә укучылар «терроризм», «колумбайн» төшенчәләре белән таныштырылды. Укучылар терроризмның килеп чыгу сәбәпләрен ачыкладылар, аның төрләре турында белделәр, террорчылык акты вакытында янаган төрле хәлләр турында фикер алыштылар. Укучыларга террорчылык вакытында үз-үзеңне дөрес тоту кагыйдәләре дә аңлатылды. 

Сегодня в 8 классе прошёл классный час. В ходе классного часа были разъяснены: ответственность за участие в террористических сообществах по типу колумбайна; о запрете проноса на территорию школы запрещенных предметов и ответственность за нарушение данных требований; о недопустимости травли и пренебрежительного отношения  группы лиц по отношению к одному или нескольким участникам образовательного процесса.