Мөндеш башлангыч мәктәбе укучылары конкурсларда теләп, актив катнашалар.  Рәхмәтуллина Нурзилә, Сираҗетдинова Лиана, Хәйретдинова Алисә, Нәбиуллина Нәфисә "Милли бизәлешле китапчык" конкурсында катнашу максаты белән халкыбызның милли бизәкләре ясалган  рәсемле китапчыклар әзерләделәр.  Кызларга уңышлар телибез.

Бүген мәктәбебездә 1-4 нче сыйныф укучылары катнашында көзге "Уңыш бәйрәме" булып узды. Бәйрәмдә укучылар рәхәтләнеп җырладылар, биеделәр, командаларга бүленеп, игътибарлылыкта, зирәклектә, җитезлектә көч сынаштылар. Төрле спорт уеннарында катнаштылар. Шулай ук "Шалкан" әкиятен дә сәхнәләштерделәр. Чара бик матур һәм күңелле үтте.

Бүген Мөндеш башлангыч мәктәбендә "Сөмбелә бәйрәме" узды. Мөндеш балалар бакчасының балалары һәм тәрбиячеләр тамашачыларыбыз булдылар. Бәйрәмебез  шигырьләр , җырлар , биюләр һәм кызыклы уеннар белән үрелеп барды. Көз кызы Сөмбелә бәйрәмне җанландырып җибәрде.

Юллардагы бәхетсезлек очраклары күп вакыт юл йөрү кагыйдәләрен бозган, үтәмәгәннән килеп чыга. Боларны булдырмау, балаларга иминлек кагыйдәләрен аңлату максатыннан, озынайтылган көн төркемендә тәрбияләнүче укучылар өчен класс сәгате үткәрелде.

Балачак - иң күңелле, иң бәхетле чак. Елның кайсы гына вакыты булмасын, балачакның һәрбер мизгеле рәхәт тә, күңелле дә булып истә кала. Без озынайтылган көн төркемендә тәрбияләнүче укучылар белән иң беренче яуган карны күзәттек, кар әвәләп кар бабай да ясап куйдык.

Очередное внеурочное занятие "Разговоры о важном" было посвящено Дню подразделений специального назначения. Цель занятия: знакомство обучающихся с видами подразделений специального назначения, воспитание уважения к людям, служащим в подразделениях специального назначения (спецназе), формирование чувства гордости за силовые структуры, обеспечивающие защиту суверенитета и ценностей нашего Отечества. 

Бүген мәктәп территориясен  җыештыру буенча өмә оештырылды.

Укучыларда китапка мәхәббәт тәрбияләү, китап укуга кызыксыну уяту, кеше тормышында китапның зур әһәмияткә ия булуын ачыклау, уку тизлекләрен арттыру максатыннан, озынайтылган көн төркемендә тәрбияләнүче укучылар белән көн саен матур китаплар укыйбыз. Китап укыган бала акыллы, белемле, чиста күңелле була.

 “Туган телем сагында” акциясен йомгаклап, Мөндеш башлангыч мәктәбендә “Кем  зирәк,  әйт  тизрәк” дигән табышмаклар кичәсе" үткәрелде. Балаларга  халык  авыз иҗатының  бер  төре булган табышмакларның килеп чыгу тарихы турында аңлатылды. Укучылар үзләренең  тапкырлыкларын күрсәттеләр, табышмакларга җаваплар таптылар. “Татар халык иҗаты” исемле  китап күргәзмәсе белән  таныштылар.

Без бүген Мөндеш башлангыч мәктәбе укучылары балалар бакчасына кунакка кердек. Алар безгә "Алтын көздә кунакта" исеме астында бик эчтәлекле, матур чара күрсәттеләр. Балалар бакчасы белән мәктәп арасындагы дәвамчанлык озак еллар буе уңышлы гына бара. Алга таба да шулай бергә-бергә дус-тату эшләргә насыйп булсын.