Профилактика гриппа и ОРВИ.

Волонтёр – кем ул? Ул нинди эшләр башкара? Волонтёр нинди сыйфатларга ия булырга тиеш? Мөндеш башлангыч мәктәбе укучылары бүген шул сорауларга җаваплар эзләделәр. Видеосюжет карап,  биремнәр эшләгәннән соң,   әңгәмә барышында  җаваплар тиз табылды.  Яхшы күңелле, ярдәмчел,  игелекле волонтёр булу теләге дә уянды балаларда. Тирә-юньдәгеләргә мөмкин кадәр күбрәк яхшылык эшләргә кирәк дигән нәтиҗә ясалды.

30 нчы ноябрьдә Арча укучылар сараенда эшләп килүче проект кысаларында медиафорум булып узды. Чарада 10 нчы сыйныф укучылары катнашып, бик матур чыгыш ясап кайттылар.

Озынайтылган көн төркемендә тәрбияләнүче укучыларның сәламәтлеген ныгыту, тышкы мөхитнең төрле шартларына каршы тора алу сәләтләрен формалаштыру максатыннан, көн саен дәресләрдән соң саф һавада рәхәтләнеп уйныйбыз.

Бүген "Казан арты" тарих-этнография музее хезмәткәрләре "Пушкин картасы" программасы кысаларында укучыларыбыз өчен "Бизәнгечләрдә - халык тарихы" дип исемләнгән мастер-класс күрсәттеләр. Укучылар үз куллары белән татар орнаменты белән муенса ясадылар.

Өлкән сыйныф укучылары Мөһәммәт Мәһдиевның "Без 41 нче ел балалары" дип исемләнгән әсәре буенча төшерелгән фильмын киноэкраннан карадылар.

Бүген башлангыч сыйныф укучылары Туфан Миңнуллинның "Әлдермештән Әлмәндәр" пьесасын карадылар.

Туган тел дип әйтүгә  Г. Тукай язган шигырь юллары искә төшә:

И туган тел, и матур тел,

Әткәм, әнкәмнең теле! Дөньяда күп нәрсә белдем

Син туган тел аркылы.

Безнең туган татар телебез чынлап та бик матур. Ул безнең өчен әткәбез-әнкәбез кебек үк якын. Туган телен югалткан милләтнең киләчәге юк дип уйлыйбыз без. Үз телен яхшы белгән кеше генә милләте белән горурлана, аның кадерен белә.

Укучыларны үз телендә аралаштыру, туган телне ярату тәрбияләү максатыннан  20 ноябрьдән  25 ноябрьгә кадәр бездә Татар теле атналыгы игълан ителде. Атна буе күп төрле эшләр башкарылды. Бүген атналыкны йомгаклап төркемнәр арасында "Тамчы шоу" интеллектуаль уены уздырылды.  Укучылар үзләренең тапкырлыкта, зирәклектә көчләрен сынадылар, үзләренең белемнәренең сыйфатын тикшерделәр.

Мәктәбебездә психология атналыгы бара. Атналык кысаларында 7нче сыйныф укучылары белән "Нәрсә ул шатлык?" дип исемләнгән акция үткәрелде. Укучыларның һәркайсы үзенчә "психология", "шатлык" атамасын ачыкладылар, үзара мөнәсәбәт кагыйдәләрен билгеләделәр, әлеге темага ясалган стенд буенча фикер алыштылар, үз фикерләрен язып та куйдылар.

Әни! Нинди назлы, нинди кадерле сүз. Бүген мәктәбебездә "Әниләр көне" нә багышланган бәйрәм чарасы булып үтте. Башлангыч класс укытучылары әниләргә матур бәйрәм чарасы әзерләсә, укучылар үз куллары белән матур бүләкләр ясап әниләрен сөендерделәр.