Белем көне үзе белән зур яңалыклар да алып килде. Бүген мәктәбебезнең 13 укучысын "Россия укучылар хәрәкәте" сафларына кабул иттек. Мәктәбебез киләчәк лидерларын тәрбияләү өчен старт алу мәйданчыгына әйләнде. Бездә кунакта тәрбия эшләре буенча  район мәгариф бүлеге начальнигы  урынбасары Шакирова Миләүшә Ниязовна, районның  балалар оешмасы буенча кураторы Прахов Эдуард Радиславович булдылар. Алар мәктәбебезгә яңа аяк баскан укучыларны шушы зур бәйрәм белән котлап киттеләр.

Бүген укытучыларыбыз ярминкәдә катнашты. Республика көне уңаеннан чәчәк композицияләре дә төзелде.

Бүген тәрбия эшләре буенча директор урынбасарларының  секция утырышы булды. Утырышта Муллагалиева Г.Н. Россия укучылар хәрәкәте турында чыгыш ясады. Эшчәнлек юнәлешләре белән таныштырды.

"Үз мәктәбеңә ярдәм ит" акциясе кысаларында туризм белән шөгыльләнүче балаларны   шәхси эшмәкәрләр Сабиров А.Ф.  2000 сум, Төхбәтуллин Д.И. 2.600 сум күләмендә  спорт инвентаре белән тәэмин иттеләр. Үз җирлегебездәге яшьләрнең спорт үсеше белән кызыксынуларына теләктәшлек белдергән эшмәкәрләргә рәхмәтебезне җиткерәбез.

Ике көн дәвамында проектта катнашучыларга үз эшләренең осталары булган белгечләр Россия укучылар хәрәкәте эшчәнлегенең юнәлешләре турында мастер-класслар күрсәттеләр.

Бүген укучылар Лаеш муниципаль районында үтә торган пленар утырышта катнашалар

    Билгеле булганча, 2015 нче елның 29 нчы октябрендә Россия  президенты  Владимир Владимирович Путин Россия балалар хәрәкәтен булдыру турындагы Указга кул куйды. 2016 нчы елның 16 нчы апрелендә гамәлгә куючылар тарафыннан Россия балалар хәрәкәтенең Уставы төзелде. Дмитрий Анатолиевич Медведев Күрсәтмәсе буенча Россия балалар хәрәкәте оешмасы  федераль дәүләт бюджет оешмасы буларак яши башлады .Балалар хәрәкәтенең эшчәнлеген киңәйтү максатында,  регионнарда эш алып баруны күздә тотып ,Татарстан мәктәпләрен дә бу проектта катнашырга чакырганнар. Мәгариф министрлыгы 50 мәктәпне тәкъдим иткән. Безнең мәктәп укучылары эшчәнлеккә кушылып, район мәктәбе укучыларына үз тәҗрибәләрен таратырга тиеш булалар.

17 нче августтан 19 нчы августка кадәр Россия укучылар  хәрәкәтен Татарстан Республикасы мәктәпләренә кертү буенча"Костер"лагерена оештыру укуларына җыйдылар. Бу укуда безнең мәктәптән 7 нче класс укучысы Бариева Эльвина катнашачак .

Мәктәбебездән 3 укучы "Без-Тукай оныклары " лагеренда ял итте. Нәбиуллина Камилә, Җиһаншина Дилбәр һәм Шәяхмәтова Сафия яшьтәшләре белән аралашып күңел ачтылар