Мәктәбебездән  ике укучы Габдулла Тукайның иҗади мирасын өйрәнүгә багышланган Республикакүләм  IV нче  Тукай укуларында катнашып, зур уңышлар яулап кайттылар. Йосыпов Рәсим “Г. Тукай фотографияләрдә” исемле эзләнү эше белән 1 урын яулады (җитәкчесе: А. М. Җамалиева). Йосыпова Кадрия “Сабыйларның канатланыр вакыты мәктәпләрдә укыр чак булыр” темасына иҗади эше белән 3 урын алды (җитәкчесе: Г. Р. Җәләлетдинова). Афәрин, укучылар, сезне зур җиңүегез белән котлыйбыз. Киләчәктә дә  югары уңышларга ирешүегезне теләп калабыз.

  Г. Тукай көннәре кысаларында татар теле һәм әдәбияты укытучысы А. М. Җамалиева “ Г.Тукай  безнең күңелләрдә” исемле интеллектуаль уен уздырды. Анда 7 нче сыйныф укучылары Г.Тукайның тормыш юлы һәм иҗаты буенча булган белемнәрен күрсәттеләр. Әлеге уенның җиңүчесе булып Ибраһимова Динара калды. Укучыларыбызга киләчәктә дә яраткан шагыйребез иҗатын өйрәнергә, аны онытмаска  дигән теләктә калабыз

Арча сәнгать мәктәбендә Г.Тукай исемендәге конкурс кысаларында сәнгатьле укучылар бәйгесе үтте. Бу бәйгедә мәктәбебезнең 6 нчы класс укучысы Ногманова Регина Г.Тукайның "Мияубикә" шигырен, 8 класс укучысы Юсупов Рәсим "Бер татар шагыйренең сүзләре" шигырен тәкъдим итте. Җитәкчеләре татар теле һәм әдәбияты укытучысы Гөлфания Раифовна. 

Мәктәбебездә "Тукай көннәре" уңаеннан "Без - Тукайлы халык" исеме астында почмак булдырылды. Монда шагыйрьнең китаплары, тормышы һәм иҗаты турында мәгълүматлар урын алды. Бу эштә китапханәче Ф.Р. Әхмәдуллина, татар теле һәм әдәбияты укытучысы А.М.Җамалиева актив катнаштылар. 

Тукай көннәре, татар теле һәм әдәбияты атналыгы кысаларында, “Сабыйларга Тукай сүзе” исеме астында шигырь укучылар бәйгесе үтте. Бәйгедә 2-9 нчы сыйныф укучылары Г. Тукай шигырьләрен бик матур һәм сәнгатьле итеп сөйләделәр.  Нәтиҗәдә 6 нчы сыйныф укучысы Ногманова Регина 1 урын, 8 нче сыйныф укучысы Йосыпов Рәсим 2 урын, 7 нче сыйныф укучысы Фазылҗанов Айтуган 3 урын алдылар. Бәйгене татар теле һәм әдәбияты укытучылары А. М. Җамалиева, Г. Р. Җәләлетдинова уздырды.

Бөтенроссия "Язгы мәрхәмәтлелек атнасы" бара. Аның кысаларында мәктәбебездә бәйгеләр, акцияләр, класс сәгатьләре уза. Изгелек җирдә ятмый! Һәрберебез һәрвакыт изгелекләр генә кылып яшик!

Мәктәбебездә язгы өмәләр даими булып тора. Шимбә көнне шундый өмәләрнең чираттагысы булды. Мәктәбебез укучылары һәм укытучылары бу чарада актив катнаштылар.  Мәктәпнең тирә-юнендәге карлар таратылды, чүпләрне җыеп төяделәр.

8 нче класс укучысы Юсупова Кадрия "Казан арты" тарих-этнография музее оештырган "Моңлы сазым" әдәби-музыкаль кичәдә катнашып кайтты. Җитәкчесе татар теле һәм әдәбияты укытучысы Г.Р. Җәләлетдинова. 

13 нче апрель көнне мәктәптә "Һаваларда якты йолдыз" исеме астында Космонавтика көненә багышланган кичә үткәрелде. Укучылар Ю.А. Гагарин турында эчтәлекле чыгышлар сөйләделәр. Галәм турындагы сораулар белән укучыларның белемнәре тикшерелде. Иң күп белүче укучылар билгеләнде. Кичәне оештыручылар: Галимҗанова Л.Б,, Ибрагимова Г.Р., СәләхиеваМ.Р.

География һәм биология атналыгы кысаларында Галимҗанова Л.Б. 7 нче класста географиядән "Төньяк Американың климаты" темасы буенча ачык дәрес күрсәтте. Укучылар ике төркемдә эшләделәр. Дәрес укытуның яңа алымнарын кулланып уңышлы булды.