1 июль көнне ныклап төзекләндерелгәннән соң мәктәбебез кабат үзенең ишекләрен ачты. Бу тантанада Татарстан Республикасы премьер –министры урынбасары – мәгариф һәм министры Энгель Нәвапович Фаттахов,  Арча муниципаль район җитәкчесе  Илшат Габделфәрт улы  Нуриев катнашты.  Авылыбызда мәктәп ачылу безне генә түгел авылбыз халкын да сөендерде.Бу бәйрәмдә  ветеран укытучыларыбыз да үзләренең изге теләкләрен, җылы сүзләрен җиткерделәр.  

9 нчы класс укучылары, имтиханнарны уңышлы тапшырып, аттестатлы булдылар. Бу уңайдан бик матур чыгарылыш кичәсе үткәрделәр. Кичәдә әти-әниләр, укытучылар, мәктәп хезмәткәрләре катнашты. Шигырь юллары, матур җырлар аша укучылар үзләренең рәхмәтләрен җиткерделәр. Аларга киләчәккә булган хыялларының тормышка ашуын телибез. 

Укучыларыбыз мәктәп яны бакчасында тырышып эшлиләр. 

Мәктәбебез укучылары Симетбаш авылында уздырылган һәйкәл ачу тантанасында катнаштылар. Бу чарада укучылар  үзләренең физик яктан әзерлекләрен күрсәттеләр. Уңышлы гына ГТО нормалары тапшырдылар. 

5 июнь көнне  9 класстан 2 укучы сайлап алу фәне – биологиядән  ОГЭ тапшырдылар.

3 июнь көнне 9 класс укучылары русский языктан  ОГЭ тапшырдылар.

27 май көнне 9 класс укучылары математикадан  ОГЭ  тапшырдылар. Аларга алдагы имтиханнарында уңышлар телибез.