Лагерьның һәр көне план нигезендә үтә. Бүген балалар иртәнге аштан соң "Бие әле, бие әле..." тамашасын карадылар. Балалар уку елы дәвамында өйрәнгән биюләрен биеделәр. Иң актив катнашкан балалар билгеләп үтелде. "Зиреклек чишмәсе" янындагы болында хәрәкәтле уеннар уйнадылар. Көн бик күңелле үтте.

Сегодня в районном Доме культуры состоялось чествование победителей и призеров  республиканских, международных конкурсов, олимпиад. Среди них и наши победители. Это  Гатиятуллина Аделина  и Асхадуллина Ильнара. Поздравляем!

Бүген лагерь тормышының 10 нчы көне. Балалар бүген "Витаминнар иле"нә сәяхәт иттеләр. Яшелчә һәм җиләк- җимешләрдәге витаминнар турында белемнәрен ныгыттылар. Һәркемнең  сәламәтлеге  үз  кулында  икәнлеген  аңладылар. Кунакка авыл китапханәчесе килде. Ул "Әдәпле балачак - бәхетле киләчәк" дигән темага кичә үткәрде.  Төшке  аштан  соң  "Алло!  Без  талантлар  эзлибез!"  дигән  җыр  конкурсы  уздырылды.  Балалар  үзләренең  җырга осталыкларын  күрсәттеләр.

Бүген лагерь тормышы тагын да җанланды. Балалар өчен бик күп уеннар, ярышлар оештырылды. Һәр бала да уенда актив катнашты.   Ике  команда арасында  "Кабиләләр  ауда"  спорт- күңел  ачу  программасы  үткәрелде. Көн сизелмичә дә үтеп китте.

Лагерьның 8 нче көне төрле конкурслара бай булды: шашка ярышында кызлар арасында Мөхәмәтханова А., малайлар арасында Әгъзәмов А., шахмат ярышында кызлар арасында Сафина А., малайлар арасында Рәхимов Р. беренче урынны яуладылар, "Мисс Убырлы Карчык" конкурсында төрле биремнәр үтәделәр, "Минута славы" конкурсында укучылар үзләренең сәләтләрен күрсәттеләр. Көн бик күңелле үтте.

Бүген лагерьның 7 нче көне. Иртәнге аштан соң балалар татар халкының милли бәйрәмнәре, йолалары белән таныштылар, җырлы-биюле уеннарын уйнадылар. "Көйне таны" уены балаларга бигрәк тә ошады. Алар көйне танып кына калмадылар, караокега кушылып җырладылар да. Кызлар командасына тиңнәр булмады. Саф һавада "Үрдәк атыш", "Бетереш" һ.б. төрле уеннар уйнадылар. Балаларга бүгенге көн бик кызык һәм күңелле үтте.

Ученица 8 класса, Асхадуллина Ильнара И. - победитель Международной олимпиады по русскому языку среди учащихся 8, 10 классов. Поздравляем победителя!

Бүген лагерьның алтынчы көне. Көн салкын, яңгырлы булуга карамастан лагерь балаларның шат авазларыннан гөрләп торды. Төшкә кадәр балалар рәхәтләнеп ял иттеләр, төрле конкурсларда катнаштылар, спортзалда хәрәкәтле уеннар уйнадылар. Төшке аштан соң А.С.Пушкин әкиятләре буйлап сәяхәт иттеләр. Көн бик күңелле үтте.