Әни, әнием, әнкәй! Кадерләп, назлап әйтәбез, күңелебездәге бөтен рәхмәтне шушы гади сүзгә салабыз, һәрвакыт яныбызда булган, уңышларыбыз өчен шатланып, кайгыларыбызны уртаклашып яшәгән әниебезгә дәшәбез. Бүген әниләр көне уңаеннан "Әниләр - дөньябызның яме!" дигән кичә булды. Кичәдә укучылар әниләренә үзләренең чыгышларын ясадылар һәм күңел җылысы биреп ясаган чәчәк букетларын бүләк иттеләр. Бәйрәмне оештырган укытучылар һәм укучыларга зур рәхмәт.

Арчаның КСМ призына 2003-2004 нче елгы кызлар һәм малайлар арасында үткәрелгән волейбол ярышында Казанбаш төп мәктәбенең волейбол командасы 2 нче урын алып кайтты. Аларны котлыйбыз. Молодцы!

Башлангыч сыйныфларда математика атналыгына йомгак ясалды. Иң актив  укучыларга  грамоталар  тапшырылды.

Бүген мәктәпнең SMS проектында катнашучы "PULS" отряды  "Сәламәт ана-сәламәт бала" акциясен уздырды. Алар әниләргә хөрмәт йөзеннән, сәламәтлек теләп үзләре ясаган кызыл йөрәк тапшырдылар һәм кояш, җылылык төсен белдергән кызгылт-сары тасма тактылар. Начар гадәтләрдән баш тартырга чакырып, бер көнлек контрактка кул куйдырдылар.

Ата-аналар җыелышының көн тәртибе.

1. Үрнәк авыл җирлеге башлыгы Камалетдинов Илгиз Рафаэлевич чыгышы.

2. Участковый уполномоченный полиции Бариев Марат Гаптелхаевич чыгышы: "Балалар куркынычсызлыгы".

3. Казанбаш төп гомуми белем мәктәбенең математика, информатика укытучысы Әгъзәмов Айрат Зөфәр улы чыгышы: "Дәүләт хезмәтләре порталы".

4. Укыту эшләре буенча директор урынбасары Гафурова Эльмира Рашатовна чыгышы: "Казанбаш төп гомуми белем мәктәбенең 2016-2017 нче уку елы нәтиҗәләре һәм яңа уку елына бурычлар".

5. Башлангыч сыйныф укытучысы Гатауллина Гөлия Фиргатовна чыгышы: "Уку эшчәнлегенең нәтиҗәлелеген күтәрүдә гаилә һәм мәктәп".