Бүген «Илһам» бөтенроссия яшь язучылар бәйгесенең зона этабы үтте. Безнең мәктәптән 7 нче сыйныф укучысы Рамазанова Алинә әлеге конкурста уңышлы чыгыш ясады. Алга таба зур уңышлар телибез.

Бүген педагог-организатор Рахимова Рузилә 8-9 нчы сыйныфлар өчен ачык тәрбия сәгате үткәрде. Чара элек булган комсомол оешмаларына багышланган иде. Укучылар Комсомол кем булган? Аңа ничек кабул иткәннәр? Аларның роле нинди булган? дигән сорауларга җавап эзләделәр. Әлеге сорауларга кайчандыр комсомол оешмасына кабул ителгән укытучыларыбыз җавап бирде.

15 не март көнне район күләмендә "Живая классика" дигән чәчмә әсәр уку конкурсы булып узды. Әлеге конкурста безнең мәктәп укучылар уңышлы чыгыш ясадылар. 5 нче класс укучысы Хисматуллина Гөлназ 2 нче урынга лаек булды.

Бүген 5 класста инглиз теленнән "Shopping for clothes" (Покупка одежды) дигән темага ачык дәрес күрсәттеләр.

Инглиз теле атналыгы уңаеннан инглиз теле укытучысы Загриева Гөлназ Мансур кызы 5-9 сыйныфлар өчен викторина үткәрде. Укучылар башта үзләре белән таныштырдылар. Моның өчен һәрбер команда инглиз телендә кызыклы видеолар күрсәттеләр. 

Бүген безнең 5-6 сыйныф укучылары Республика балалар китапханәсе оештырган "А.Алиш исемендәге премия лауретлары китапларын уку" акциясендә катнаштылар.

Хөрмәтле әбиләр, әниләр, апалар, сеңелләр! Һәммәгезне дә якынлашып килүче яз бәйрәме 8 март  белән котлыйбыз.

Бәйрәмегез котлы булсын,

Елмаеп, көлеп торсын.

Язгы кояш нурларыдай

Зур эшләргә рухландырсын.

Сәламәтлек юлдашыгыз,

Тату матур тормышыгыз,

Күңел сөйгән хезмәтегез –

Һәрбарчасы мулдан булсын.    

Бүген безнең мәктәптә 2006-2007 нче елгы кызлар арасында волейбол ярышы узды. Казанбаш, Кәче, Иске Чүриле, Арчаның 2,7 мәктәпләренең командалары катнашты.

1 урынны безнең Казанбаш кызлары алды. 2 урын - Иске Чүриле (1), 3 урын - Кәче, 4 урын - Иске Чүриле (2). Укучыларыбызны котлыйбыз.

Тарих, җәмгыять, МХК атналыгы уңаеннан тарих һәм җәмгыять укытучысы Фазлиева Резеда 5-6 класс укучылары арасында тарих фәне буенча викторина үткәрде.

Укучылар бәйрәмдә җырладылар, биеделәр, шигырьләр сөйләделәр. Алар, “Хәрефстан иле”нең «Әлифба», «Азбука», «Математика» һ.б. тукталышларында булып, төрле биремнәрне башкардылар. Шул рәвешле алган белемнәр гомумиләштерелде, кабатланды.

Бәйрәм бик күңелле үтте. Балалар, әлифбаны өйрәтүдә зур тырышлык куйган әти-әниләренә рәхмәтләрен җиткереп, башларын иделәр. Алар алдында тырыш булырга, ялкауланмаска, алдынгылар рәтендә булырга, "2"ле алмаска, "4"-"5"кә генә укырга, Туган илгә хезмәт итәргә сүз бирделәр. Ә без беренче сыйныф укучыларын бәйрәм белән котлап, тагын шундый бик күп хезмәт уңышларын бәйрәм итәргә насыйп булсын, дигән теләктә калабыз.