Безнең балалар бакчасында янгын куркынычсызлыгы кагыйдәләренә багышланган махсус тематик көн оештырылды. Бу көнне
балалар ни өчен шырпы, кабызгычлар һәм башка ут чыганаклары белән уйнарга ярамаганын белделәр, шулай ук янгын вакытында үзләрен дөрес тотарга: тиз эвакуацияләнергә, коткаручыларга шалтыратырга һәм куркыныч хәлләрдән качарга өйрәнделәр. Чарада мәдәният йорты җитәкчесе Фирдүс Габделхаевич та катнашты.

15 сентябрь - балаларның яраткан язучысы Абдулла Алишның туган көне! Без татар балалар әдәбиятына бик күп матур әкиятләр бүләк иткән талантлы язучыбызны искә алабыз. «Куян кызы», «Сертотмас үрдәк», «Чукмар белән Тукмар», «Нечкәбил» кебек әсәрләре аша Абдулла Алиш балаларны яхшылыкка, дуслыкка, хезмәт сөючәнлеккә, өлкәннәрне тыңларга һәм туган җирне яратырга өйрәтә. Абдулла Алишның якты исеме һәм бай иҗат мирасы мәңге яшәсен!

Балаларда юлда йөрү культурасы тәрбияләү максатыннан үткәрелгән чараларның әһәмияте бик зур. Мондый чараларны әзерләгән вакытта да, карап утырганда да балаларның кызыксынуы арта, өстәмә мәгълүмат алына. Бигрәк тә авыл җирендә – юл билгеләре, светофорлар булмаган урыннарда – балаларны шәһәр тормышына әзерләү зур игътибар сорый.

8 нче сентябрь көнне"Татарстан әкият көне" кысаларында мәктәпкә әзерлек төркемендә Тукай әкиятләре буйлап сәяхәт оештырылды.