Укучыларның иминлеген саклау, кагыйдәләрне төгәл үтәү максатыннан 1-11 нче класс укучылары өчен гимназия күләмендә эвакуация үткәрелде. Һәрбер укучы үзендә зур җаваплылык хисе тойды.

9-11 нче класс укучылары өчен "Көзге бал" бәйрәмендә КВН бәйгесе уздырылды. Бәйге 2 турдан торды, һәр команда ныклы әзерләнгән, җитди караган. Бәйгедә мәктәп тормышын тасвирлаган күренешләр күрсәтелде, тамаша-шоу куңелле узды. Соңыннан укучылар өчен дискотека оештырылды. Һәркем канәгать калды. 

"Мәгариф" журналы хезмәткәрләре үткәргән "Интернет-укытучыларга" дигән программа нигезендә укулар үткәрде. Әлеге укуларда гимназиянең татар теле һәм әдәбияты укытучысы Сабирова Алсу Госман кызы катнашты, сертификатка лаек булды. Чара бик файдалы һәм эшлекле узды.

Әлмәт татар дәүләт драма театы артистлары Т.Миңнуллинның "Акбай һәм сарык малае" исемле әкиятен сәхнәләштерделәр. Спектакльне 5-7 класс укучылары бик яратып кабул иттеләр. Татар телендә барган спектакль һәркем күңелендә онытылмаслык булып калды.

Казана шәһәренең югары уку йортлары "Ачык ишекләр" көнен һәр елны укучылар өчен тантаналы төстә үткәрәләр. Ә бүген гимназиядә КХТИ дан килгән укытучы-педагоглар 11нче класс укучылары өчен "Түгәрәк өстәл" артында сөйләшү уздырды. Төрле факультетлар турында мәгълүмат бирделәр, Бердәм дәүләт имтиханнарында баллар күрсәткеченең мөһим булуын ассызыкладылар. Укучылар үзләрен кызыксындырган сорауларга җаваплар таптылар, соңыннан төрле юнәлешләр буенча буклетлар өләштеләр. Очрашу-сөйләшү файдалы һәм эшлекле узды. Рәхмәт Сезгә!

Фән һәм техника белән кызыксынучы укучыларыбыз укучылар йортында оештырылган конференциядә булдылар. Физика, математика, химия фәннәрен яратучылар үзләрен кызыксындырган сораучыларга җаваплар әзерләделәр, иҗадый уенда катнаштылар.

2-3 нче класс укучылары арасында уздырылган "Көзге бәйрәм" бәйгесе бигрәк үзенчәлекле булды. Ул күлмәкләр, көзге такмаза, биюләр, уеннар дисеңме?! Залда утыручы укучылар, әти-әниләр, класс җитәкчеләре зур түземсезлек белән, тын да алмыйча, җиңүчене көттеләр. 3Б - Хәбибуллина Зәлия, 3А - Евдокимов Данил - "Көзге бәйрәмнең" җиңүчеләре. Һәркемнең күңеле шат, кәефе күтәренке иде.

ТР мәгариф һәм фән министрлыгы һәм Казан федераль университеты белән берлектә "Рус теле - 2016-2020 елларда" программасы нигезендә укучылар һәм студентлар арасында узган бөтенроссия олимпиадасының регионара туры узды. Әлеге олимпиадада 10-11 класс укучылары арасында 485 укучы һәм 42 студент катнашты. Безнең гимназиядән Хәкимуллина Эльвина әлеге олимпиадада катнашып призлы урын алды, укытучысы - Сибгатуллина Р.Ш. Җиңуегез белән котлыйбыз!

Сегодня в рамках недели английского языка были проведены открытые уроки учителями – предметниками Садыковой Г.И. и  Сабировой А.И.  в 5-ых классах. Уроки соответствовали требованиям современного урока, особое внимание было уделено системно-деятельностному подходу, как методологической основе внедрения  ФГОС. Методической целью урока  являлся обмен опытом по проблеме развития УУД на уроках английского языка.