9 нчы класс укучылары белән уздырылган "Наркотикларга каршы" исемле класс сәгате булды. Әлеге чарада полиция полковнигы Вәлиев А.З., балигъ булмаган балалар белән эшләүче инспектор Нигматуллин М.К. катнашты. Укучыларга наркотикларның зарары турында әңгәмә уздырылды, көндәлек тормыштан мисаллар китерелде, законнар турында мәгълүмат бирелде. Укучылар әлеге очрашудан бик канәгать  калдылар.

Хөрмәтле Арчалылар!

Сезне "Арча шәһәре" муниципаль берәмлегендә  2017 елда үзара салым җыю мәсьәләсе буенча 2016 елның 20 ноябрендә узачак референдумга актив катнашырга чакырабыз.

Бу акчалар безнең шәһәрне төзекләндерү, шул исәпттән чишмәләр, урамнарны тәртипкә китерү, яткырткычларны ремонтлау һәм алыштыру эшләрен дәвам итү өчен тотылачак. 

Төзекләндереләчәк урамнар турында тулы мәгълүмат тавыш бирү бюллетенендә күрсәтелә.

Сезне сайлау участокларында көтәбез.

Белешмәләр өчен телефоннар: 3-12-35, 3-16-25

Татар теле һәм әдәбияты буенча "Беренчелек" дип исемләнгән халыкара дистанцион олимпиада уздырылды. 2 нче класс укучылары Әхмәтҗанова Алидә, Сафин Азат, 4 нче класс укучысы Гыйниятуллин Эмиль I дәрәҗәдәге дипломга лаек булдылар. Котлыйбыз!!!

Татар теленнән "Татар Теле. Инфо" VIII халыкара олимпиада уздырылды. 4 нче класс укучысы Николаева Эльвина I  дәрәҗәдәге дипломга лаек булды. Котлыйбыз!

На базе ГАПОУ "Арский педагогический колледж имени Г.Тукая" состоялась Международная научно-практическая конференция на тему "Национально-культурный компонент в контексте духовно-нравственногл воспитания". Учителя нашей гимназии Зарипова Ф.Р., Сибгатуллина Р.Ш., Гилязиева Л.Ф., Гильметдинова Г.В., Ибрагимова Э.М. приняли  участие в работе конференции.

"Уйлап табулар һәм башлангычлар" исемле гамәли район конференциясендә катнашканнары өчен физика укытучысы Гыйззәтуллина Ф.И., 9Б класс укучыларына рәхмәт белдерәбез!

II чирекнең беренче линейкасында укучылар өчен Мәгариф һәм фән министрлыгы тарафыннан килгән боз куркынычсызлыгы кагыйдәләре аңлатылды. Укучыларга республика күләмендә уздырыла торган "Боз өстендә сак бул!" исемле рәсем конкурсы игълан ителде.

I чирек нәтиҗәләре буенча төрле чараларда актив катнашып җиңүче укучыларга грамоталар тапшырылды. Уңышларыгыз белән котлыйбыз!

2002-2003 нче елгы яшүсмерләр арасында район күләмендә баскетбол ярышы булды. Ярышта гимназия командасы 2 урын алды. Тренер Илнур Җәләевны, баскетбол секциясенә йөрүче укучыларны җиңүләре белән котлыйбыз.

Мәктәпләрдә көзге каникуллар бара. Шуңа да карамастан, гимназия бинасы шау - гөр килеп тора: спорт секцияләре эшен дәвам итә, укучылар фән олимпиадаларының район этабына әзерләнә, 9,11 нче сыйныф укучылары бердәм дәүләт имтиханнары бирергә өйрәнә, укытучылар шулай ук кайбер фәннәрдән сынау узарга әзерләнә.