Электронное образование Республики Татарстан

Ел саен 21 февральдә планетабыз халыклары туган тел көнен билгеләп үтә. 
       Бу бәйрәм 1999 елда, тел һәм мәдәният төрлелеге һәм күптеллелеккә ярдәм итү максатыннан, ЮНЕСКО тарафыннан гамәлгә куелган иде.
Бу дата уңаеннан тәрбия эшләре буенча директор урынбасары Вәлиева И.Ф. җитәкчелегендә башлангыч сыйныф җитәкчеләре үз укучылары белән чаралар, сыйныф сәгатьләре оештырдылар. 
      Укучыларыбыз бүген гимназиягә махсус милли киемнәр киеп килделәр, шигырьләр укыдылар, туган телдә халык җырларын җырладылар, халык биюләрен биеделәр, милли уеннар уйнадылар. 
     Безнең татар халкында бик яхшы әйтем бар - ,,Туган тел-хәзинә''. Тел милләт өчен мөһим. Ул кешеләрнең ничек уйлауларын, аралашуларын һәм үз фикерләрен һәм бурычларын белдерү чарасы булып тора. Балаларны туган телне кадерләргә һәм үз телләрен сакларга өйрәтү - бу безнең изге бурычыбыз.

5 нче сыйныф укучылары арасында "Математик ярыш" конкурсы үткәрелде, анда балалар рәхәтләнеп математик ребуслар һәм кроссвордлар чиштеләр, викторина сорауларына җавап бирделәр. Беренче мактаулы урынны 5б сыйныфы яулады. Икенче урында-5А сыйныфы укучылары, өченчедә-5в сыйныфы укучылары. Тамашачылар үз командаларына бөтен көчләрен биреп ярдәм иттеләр.

14 нче февраль көнне гимназиянең 10 нчы сыйныф укучылары "Мин Арча баласы" проекты кысаларында узган  медиафорумда катнаштылар.Укучыларыбыз 
Низамиев Д.,Гилязиев И., Зубаерова Д., Баширов И. осталык дәресләрендә катнашып,чараның алдагы этапларына әзерләнделәр,
бүгенге көндә районыбызның тарихын  саклау ,туган җирнең үткәнен өйрәнү  юнәлешендә үз проектларын төзеделәр,видеоролик ясадылар.Күп төрле эзләнүләр,архивлардан алынган материаллар аша белемнәрен ныгыттылар,алга зур ышаныч-өмет тудырдылар.Без сезнең белән горурланабыз,кадерле укучыларыбыз!