Безнең балалар бакчасында «Һәр җәүһәрдә – халкым тарихы» дип исемләнгән музей эшли. Анда күптән булган, үткән заманнардан калган һәм безнең заманда зур тарихи һәм мәдәни кыйммәткә ия булган әйберләр саклана. Бу безнең бакчада  тәрбияләнүчеләрнең яраткан урыны. 
          Бүген мәктәпкә әзерлек төркемендә тәрбияләнүче балалар төрле экспозицияләр белән танышып, музей  буйлап кызыклы һәм танып белү экскурсиясе уздырдылар. Алар музей экспонатлары ярдәмендә  ата-бабаларыбызның көнкүрешен аңларга һәм күрергә тырыштылар. Балалар рәхәтләнеп тыңладылар, экспонатларны кызыксынып карадылар һәм сораулар бирделәр. Музей белән танышу балаларга бик ошады. Экскурсияләр тәмамлангач, балалар Гөлназ Рәис кызына күргәзмә эшләре турында җентекләп сөйләгәне өчен рәхмәт белдерделәр һәм тагын килергә вәгъдә иттеләр.

Бүген зурлар  төркемдә “Россия Федерациясе Конституциясе" темасына әңгәмә уздырдылар. Балалар гражданлык хисе һәм Ватанга мәхәббәт, Россия тарихы белән кызыксындылар. Флаг, герб, гимнны искә төшерделәр.

            Россия Федерациясе Конституциясе көненә багышлап, бүген уртанчылар группасында Россия флагы темасы буенча аппликация ясадылар.

             Шашка уены – мавыктыргыч һәм кызыклы уеннарның берсе.Безнең балалар бакчасында тәрбияләнүче балалар да шашка уены уйнарга яраталар.Бу уен балаларның логик фикерләү сәләтен, игътибарлылыгын үстерә һәм иң мөһиме – хәтерне яхшырта.

            Балаларны төркем бүлмәсендә чисталык һәм тәртип сакларга, хезмәт эшчәнлегенә кызыксыну уятырга өйрәтү. Иң гади хезмәт күнекмәләренә өйрәтү уенчыкларны юарга, уенчыкларны сөлге белән сөртергә, аларны пөхтә итеп киштәләргә урнаштырырга. Балаларда эшкә, аның нәтиҗәләренә уңай мөнәсәбәт формалаштыру, башкалар өчен эшләргә теләк тудыру.   Эштән соң сөлгене элеп куярга. Башлаган эшне ахырына кадәр җиткерергә өйрәтерү Хезмәткә кызыксыну тәрбияләү.

           Юл йөрү кагыйдәләрен һәрдаим кабатлап тору мөһим. Бүген зурлар төркеме балалары "Җәяүлеләр өчен кагыйдәләр" темасына әңгәмә үткәрелделәр. Светофор, җәяүле сукмагы, тротуар төшенчәләрен кабатладылар; рәсемнәр карадылар, өстәл уеннары уйнадылар.

             Икенче иртә яштэге балалар төркемендә әвәләп ясау шөгыле Тема: "Машина өчен тәгәрмәчләр". Балаларда бу шөгыль  эшчәнлеге аша транспортка кызыксыну формалаштыру. Транспорт турындагы белемнәрне киңәйтергә булышу. Пластилин белән эшләү күнекмәләрен формалаштыруны дәвам итәргә. - «түгәрәк», «зур-кечкенә»төшенчәләрен ныгыту.

                     Арча педагогия көллияте студенты Нәргизә Нәфис кызы  уртанчылар төркеме балаларына   әкият укыды. Балалар бик кызыксынып тыңладылар, рәсемнәр карадылар, сорауларга дөрес итеп җавап бирделәр. Физик күнегүләр ясап ял да итеп алдылар. Балалар әкиятләр аша дус, тату, бердәм, ярдәмчел булырга  өйрәнәләр.

          Бүген  зурлар төркемендә "Фән сәгатьләре" дигән темага кызыклы, мавыктыргыч әңгәмә үткәрелде. Балалар һава белән тәҗрибә ясадылар. Балалар һаваның урынын алып торуын һәм үзлекләренә ия булуын (күренми, җиңел, исе юк) күз алдына китерделәр. Балалар һаваның үзлекләре турындагы белемнәрен киңәйттеләр

          Сегодня в подготовительной к школе группе прошла беседа на тему «День неизвестного солдата». Воспитанники познакомились с историей возникновения праздника, который отмечается в нашей стране 3 декабря и посвящается он подвигу Неизвестного Солдата – защитника Отечества.