Бүгенге көнне иртәнге линейка һәм зарядка белән башлап җибәрдек. Иртәнге аштан соң “ Саклап калыйк җирне мәңгегә” дип аталган экологик әңгәмә үткәрдек. Аннан соң балалар  “Һәрвакыт булсын кояш” дигән тема астында үткәрелгән рәсем бәйгесендә бик матур һәм эчтәлекле рәсемнәр ясадылар. Ә инде төшке аштан соң саф һавада хәрәкәтле уеннар уйнадык.

        Бүген "Табышмаклар иленә сәяхәт" дип аталган   уен – ярыш үткәрелде. Аннан соң барыбыз бергә каенлыкка экскурсиягә бардык.  Ә төшке аштан соң , Бөек Җиңүгә 70 ел булу уңаеннан ,  “Беркем дә , берни дә онытылмый” дигән  альбомнарны  карадык, фикер алыштык.  

  Бүген иртән  музыка астында иртәнге зарядканы ясагач, иртәнге ашны ашаганнан соң, “Минем беләсем килә” дип аталган экскурсиягә бардык. Болында күбәләкләрне,бөҗәкләрне, кырмыскаларны  күзәттек. Ә инде төшке аштан соң,  “12 июнь – Россия көне” дигән темага әңгәмә үткәрдек һәм бик матур рәсемнәр ясадык.

+

    Бүген  дә көн иртәнге линейкага җыелудан башланып китте. Иртәнге аштан соң  “Светофорның өч күзе” дигән темага бик тә җанлы  әңгәмә кордык. Аннан соң өстәл уеннары( юл кагыйдәләре буенча) уйнадык.  Ә инде төшке аштан соң  татар халык уеннары белән таныштык  һәм бик күңелле итеп уйнадык.

   Бүгенге көн иртәнге линейкага җыелудан башланып китте. Иртәнге аштан соң “Чиста булыйк!” дигән темага әңгәмә үткәрелде. Аннан соң балалар ике командага бүленеп “Әкиятләр иленә сәяхәт” дигән брейн-ринг уен – ярышта  катнаштылар. Балалар үзләренең бик күп әкиятләр белүләрен, тапкыр һәм зирәк булуларын күрсәттеләр. Төшке аштан соң, лагерьга йөрүче балалар 1 сәгать чәчәк түтәлләрендә үскән чүп үләннәренә каршы “көрәш” алып бардылар, су сиптеләр. Алар артыннан чәчәкләр “елмаеп” калдылар. Бүгенге көнебез дә бик файдалы узуына балалар бик шатланышып таралдылар.  

    Барлык балалар да иртәнге линейкага тезелеп бастылар. Көн тәртибе аңлатылды. “Табигать – яшел аптека” темасына әңгәмә үткәрелде. 2015 – ел Әдәбият елы уңаеннан “Мәңге яши, яшьни яшь Тукай” дигән тема астында Г.Тукай сүзләренә язылган җырлар өйрәндек. 

Бүген, 8 нче июньдә, “Салават күпере” лагеренда “Сак йөрегез зур юлларда” исемле чара уздырылды. Балалар юл йөрү билгеләрен искә төшерделәр, табышмак-сорауларга җаваплар таптылар, җырлар башкардылар, шигырьләр сөйләделәр. Балалар юл йөрү кагыйдәләре буенча үзләренә тагын да күбрәк мәгълүмат тупладылар

     Бүген “Юк дип әйтергә өйрән!”дигән темага наркоманияга каршы рәсем конкурсы үткәрелде. Балалар бу рәсемнәрне бик теләп ясадылар. Конкурстан соң “Җәйге дискотека” да балалар бик рәхәтләнеп биеделәр. Бүген дә өйләргә күтәренке күңел белән таралыштык.