Бүген  укытучылар бәйрәме уңаеннан укучылар барлык укытучыларны бәйрәм белән котладылар.Иртән чәчәкләр, матур шигырьләр белән каршы алдылар.Күңелләрегез һәрчак күтәренке булсын,хөрмәтле укытучылар!

Г.Вәлиәхмәтова үзенең 6 сыйныф укучылары белән “Сезгә тиеш эле бик күп назлар” дип исемләнгән тамаша әзерләп үткәрде.Әлеге чара  барыбызның да күңеленә  хуш килде ,килгән кунаклар да югары бәяләде.Бәйрәм чәй табыны артында дәвам итте.

Озынайтылган көн төркеме җитәкчесе Хәмидуллина Г.үзенең укучылары белән лаеклы ялга чыккан ветеран  тәрбияче  Загидуллина Мәүзинә апаны һәм аның гаиләсен бәйрәм белән котлап,күчтәнәчләрен ,үз куллары белән  эшләнгән бүләкләрен тапшырып кайттылар.Мәүзинә апа куз яшьләре аша рәхмәтләрен әйтеп калды.

Педагог- организатор  Ф.Мухаметшина җитәкчелегендә бер төркем укучылар Әлмәндәр авылында яшәүче өлкәннәрне бәйрәм белән котлап,хәлләрен белеп йорделәр.Ә өлкәннәр үз чиратында олы рәхмәтләрен,ихлас  теләкләрен җиткерделәр.Изге гамәлегез өчен,афәрин,укучылар!

Хәмидуллина Г.җитәкләгән озынайтылган көн  төркеменә йөрүче балалар дәү –әти һәм дәү-әниләренә багышлап “Минем кадерлеләрем” дип исемләнгән фото-стенд әзерләделәр.Балалар алар турында иң матур, иң җылы сүзләрен һәм иң ихлас  теләкләрен  яздылар.Соңыннан өлкәннәргә хөрмәт һәм  игътибар турында  фикер алыштылар.

Саматова М.җитәкчелегендәге башлангыч класс укучылары авылдагы  әби – бабайларны бәйрәм белән котлап бәйрәм открыткалары ,чәчәкләр бүләк иттеләр  һәм өлкәннәрнең  үгет-нәсихәтләрен,олы рәхмәтләрен ,һәм әлбәттә изге теләкләрен кабул итеп алдылар.

Зарифуллина М.җитәкчелегендәге “ЮНАРМИЯ”хәрәкәте әгъзалары, беренчеләрдән булып,әлеге изге эшкә кушылдылар.Өлкән яшьтәге әби-бабайларның хәлләрен белештеләр һәм бәйрәм белән котладылар.

5-11 класс укучылары  2 км га  йөгеру буенча ГТО нормативлары тапшырдылар.

Участок инспекторы Мухамов И.И.укучылар белән очрашып профилактик әңгәмә үткәрде. Юлларда һәм автобуста йөрү кагыйдәләрен искәртте,киемнәрдә яктылыкны  кайтаручы элементларның зарурлыгына басым ясады,шулай ук 71 законны хөрмәт итәргә , интернет белән  эш иткәндә сак булырга чакырды. Закон алдында җаваплылык  турында да фикер алышты.

«Иминлек атналыгы» уңаеннан Сибгатуллина Л.җитәкчелегендәге ЮИД отряды әгъзалары чыгыш яадылар.Элеге чарада ГИБДД вәкиле Гафуров Р. катнашты.Балалар катнашында юл фаҗигаларын кисәтү максатыннан профилактик чыгыш ясады.Тормыштан аянычлы мисаллар китерде,балаларга төпле киңәшләрен бирде.