1 һәм 5 сыйныфларда дәвамчанлыкны өйрәнү буенча ачык дәресләр һәм җыелыш булды.Әлеге чарада балалар бакчалары тәрбиячеләре дә катнашты.

 Прошли открытые уроки на тему “Проблемы преемственности и пути их решения при переходе обучающхся из начальной школы в среднее звено”

Белем  бирү тирәлегендә психологик иминлекне  өйрәнү  максатыннан , 9-11 сыйныф укучылары онлайн режимда социаль-психологик тест үтәләр.

Икенче класс  укучылары ,  “Гадел яшәргә кирәк!”  дигән конкурс кысаларында ,коррупция күренешен кисәтү ,һәм аның законга каршы гамәл булуын күрсәтү максатыннан“Теремкәй” әкиятен яңача үзгәртеп уйнадылар.(җитәкчесе Хәмидуллина Г.Н.)

Озынайтылган көн төркеме җитәкчесе  Г.Н.Хәмидуллина теш табибы Радик Тәфкил улы Сөнгәтуллин белән очрашу әзерләп үткәрде.Табиб тешләрнең төзелеше,типлары белән җентекләп таныштырды,муляжда тешләрне дөрес итеп чистарту тәртибен курсәтте.Балалар өчен тешләр патшалыгына багышланган мультфильм тәкъдим итте,ә соңыннан тешләр гигиенасы буенча фикер алышу үткәрде,балаларның белемнәрен тикшереп карады.Дәрес бик кызыклы һәм файдалы үтте.

Тәхәвиеа Эльмира җитәкләгән 4 сыйныф укучылары, гомерен балаларга белем бирүгә багышлаган ветеран укытучы Закирова Сария апа белән кызыклы очрашу үткәрделәр.Сария апа балаларның әти-әниләренә генә тугел,ә дәү-әти, дәү-әниләренә дә математика фәненнән белем биргән.Ул балаларга үзенең балачагы,мәктәп еллары турында сөйләде,хәзерге мул тормышның кадерен белергә өндәде,яхшы киңәшләр бирде.

Өлкәннәр ункөнлеге уңаеннан башлангыч сыйныф укучылары Михайлова Ирина апа белән очраштылар.Ул балаларның укулары белән кызыксынды,уңышлары белән танышты,төпле киңәшләрен бирде.Әдәпле булырга,белемгә омтылырга,ялкауланмаска чакырды.

Миннебаева Альбина  үзенең 8 класс укучылары белән авылыбызның хезмәт ветераннары Флера апа һәм Кашаф бабай Галәветдиновларны бәйрәм белән котлап ,чәчәк бәйләмнәре һәм күчтәнәчләр тапшырып кайттылар.Өлкәннәр бик шат булып,рәхмәтләр әйтеп  озаттылар.Балалар  әлеге изге гамәлләреннән үзләре дә канәгать  калдылар.

М.Дәүләтҗанова үзенең 11 класс укучылары белән ,гомер буе терлекчелектә хезмәт куйган    Вәлиева Дания апа янында булдылар.Бәйрәм белән котладылар,хәлләрен сораштылар..Гади һәм күңеле гел изгелектә булган хезмәт ветераны белән аралашудан ,укучылар үзләре дә шатланып кайттылар.

Г.Хәмидуллина җитәкчелегендәге  озынайтылган көн төркеменә йөрүче балалар ,бәйрәм уңаеннан,бүген , әниләрен,дәү-әти,дәү-әниләрен кулдан эшләгән бүләкләре белән сөендерәчәкләр.Алар бу көнне зарыгып көттеләр бит!

Замалиева Алинә җитәкләгән 7 класс укучылары ветеран укытучы Гыймадиева Суфия апа өенә барып хәлен белделәр,бәйрәм белән котладылар.Изге гамәлләре өчен ветеран укытучы балаларга изге теләкләрен,рәхмәтләрен әйтеп калды.Афәрин,укучылар!