"Наркотиксыз яшәү" акциясе кысаларында "Сәламәт бул!" дигән исем астында мәктәпкүләм чара узды. Чара линейка белән башланып, стадионда төрле ярышлар, уеннар белән дәвам итте. "Хәзинә эзләүчеләр" биреме укучыларның күңеленә аеруча хуш килде. Чара асфальтта "Сәламәт яшәү рәвеше" дигән рәсем конкурсы белән төгәлләнде. Ахырдан чарага нәтиҗә ясалды, җиңүчеләр билгеләнде. Укучылар күтәренке күңел белән таралыштылар.

 7-8 сыйныф укучылары Казан шәһәренә II милли чемпионатына экскурсиягә бардылар...

12 майда мәктәбебездә "Бердәм экология дәресләре" узды. Башлангыч сыйныфларда "Экология һәм без" темасына асфальта рәсем конкурсы, 5-8 сыйныфларда "Табигатьне һәм әйләнә-тирәне саклыйк" темасына әңгәмә узды. 9, 11 сыйныф укучылары авыл янындагы чишмәне чистарттылар.  

9 майда Зур Тигәнәле халкы Бөек Ватан сугышында Җиңүнең 69 еллыгын бәйрәм итте. 9 май -  шатлыклы да, сагышлы да көн. Ветераннар 1941 елның 22 июнен, әлеге дәһшәтле елларның авырлыгын, яуда ятып калган якыннарын искә төшерә. Ул елларның бердәнбер сөенечле вакыйгасы исә - сугыш беткән көн. Быел бу көн безгә тагын бер сөенеч алып килде. Районыбыз  администрациясе, авылыбыздан чыккан күренекле шәхесләребез,  Зарипов Р.К. һәм Заббарова Р.Ш. тырышлыгы белән яңа обелиск ачылды. Авылдашлар һәм килгән кунаклар бу көнне озак хәтерләрләр, чөнки авылдашларның чыгышы бик матур һәм нәтиҗәле, ә мәктәп укучыларының чыгышлары аеруча үзенчәлекле, моңлы, сагышлы булды.

Яз җитү белән озын кыш айларында җыелган чүп-чар күренә башлый. 23 апрель көнне 6-8 сыйныф укучылары мәктәп бакчасын чүп-чардан чистарту максатыннан эшкә чыктылар. Укучылар бик тырышып эшләделәр.

Шулай ук 30 апрельдә  5-11 сыйныф укучылары  мәктәп янын чистарттылар. Мәктәп яны участогы чистарып, ямьләнеп китте. Мәктәбебез чиста булсын!

29 апрельдә районда, Балалар иҗат үзәге оештырган, "Балачак көйләре" дигән музыкаль конкурс узды. Бу конкурста безнең мәктәптән 3 укучы катнашты. 5 сыйныф укучылары Галимова Алсинә һәм Халилова Ризәләгә, 6 сыйныф укучысы Шубина Аленага һәм җитәкчеләре Асфандиярова Г.Н. уңышлар телибез. 

29 апрель көнне бөтен сыйныфларда "Без-бергә" дигән исем астында Парламент дәресләр узды. Сыйныф җитәкчеләре сыйныф сәгатьләре, әңгәмәләр, диспутлар үткәрде.

8 сыйныф укучылары Казанга экскурсиягә бардылар. Төп максат: Бөек Җиңүнең 70 еллыгы уңаеннан Казан кремеле территориясендә урнашкан "Бөек Ватан сугышы" музей-мемориалына бару һәм халкыбызның бөек уллары турында тулырак мәгълүмат алу һәм авылдашыбыз С.Батталга багышланган "Очучы һәм язучы Сәлих Баттал турында истәлекләр" исемендәге китап авторы Р.Сәлмушев белән очрашу иде.

Шул ук көнне укучылар сыйныф җитәкчесе Зарипова Г.Р. белән ТР ның Милли музеенда булдылар. Укучылар музейның бай экспонатлары белән таныштылар. Укучылар экскурсиядән зур канәгатьләнү хисләре белән кайттылар.

Бүген "Бөтенрәсәй урман утырту көне" акциясе уңаеннан мәктәп укучылары мәктәп бакчасына һәм Бөек Ватан сугышы кырында ятып калганнар истәлегенә һәйкәл янында 35 әр төп нарат утырттылар. 

26 апрель - Татар халкының бөек шагыйре Габдулла Тукай туган көн. Тукай туган көн Татарстаныбызда Туган тел көне буларак билгеләп үтелә. Шушы уңайдан 9, 11 сыйныф укучылары Казан шәһәренә экскурсиягә бардылар...