7-9 сыйныф укучылары белән "Яшүсмер һәм закон" дип аталган дәрес узды. Дәрес тарих һәм җәмгыять белеме укытучысы Зарипова Г.Р. кереш сүзе белән башланып китте. Укучылар һәм укытучы арасында әңгәмә презентация карау белән үрелеп барды. Укучылар группаларга бүленеп проект төзеделәр һәм аны якладылар. Дәрескә йомгак ясалып, нәтиҗә чыгарылды.

Мәктәбебездә һәр елдагыча Фәрит Баттал белән очрашу узды. Укучылар бу очрашуны гадәттәгечә көтеп алалар.Укучылар каршында кунагыбыз бик эчтәлекле, кызыклы чыгыш ясады, Фәрит Баттал әтисе Фоат Батталдан калган һәм үзе тулаган истәлекләрнең  кулъязмасын музейга тапшырды. Бу истәлекләр шулай ук Республикабызда чыга торган “Безнең мирас” журналында (№8-9) кыскартылып бастырылган. Укучылар бу очрашудан канәгать калды һәм Ф.Батталга зур рәхмәтләрен белдерделәр, киләчәктә дә шундый эчтәлекле очрашуны көтеп калдылар. Укучыларыбыз Батталлар гаиләсенә кагылышлы өстәмә мәгълүматларны туплап баралар, уку һәм конкурслар,  мәктәп чараларында кулланалар.

 "Энҗе бөртеге" (җитәкчесе Зарипова Р.Р.) дип аталган түгәрәккә йөрүчеләр укытучыларны һөнәри бәйрәмнәре белән котлап шигырьләр, җырлар өйрәнгәннәр, "Оста куллар" (җитәкчесе Бәйрәмова Ф.К.) түгәрәгенә йөрүчеләр яраткан укытучыларына җан җылыларын куеп бүләкләр әзерләгәннәр. Һәм менә бүген, укытучылар бәйрәме уңаеннан яраткан укытучыларын бәйрәм белән котлап сыйныфтан-сыйныфка кереп  йөрделәр.

Хөрмәтле укытучылар!!! Сез – безнең иң кадерлеләребез, үрнәк алырлык кешеләребез. Сез биргән белемнәр, сезнең үгет-нәсихәтегез безгә бүгенге авыр тормышта да дөрес юлдан тайпылмыйча, гел алга барырга ярдәм итә. Сезгә  укучыларыгызның рәхмәтләренә төренеп, аларның ярдәмен тоеп яшәргә насыйп булсын. Атачак таңнарыгыз – аяз, туасы көннәрегез – кояшлы, төннәрегез - тыныч, сәламәтлегегез нык булсын.

Икенче ел  мәктәптә "Робототехника" (җитәкчесе Яруллина Р.Д.) түгәрәге эшләп килә. Башлангыч сыйныф укучылары бу түгәрәкнең көннәрен бик түземсезлек белән көтеп алалр. Аларның быел,  беренче уңышлары...
 

Бүген мәктәбебезгә "Өлкәннәр көне"н билгеләп үтәргә күп еллар буе мәктәптә эшләп, хәзерге вакытта лаеклы ялда булган пенсионерлар килде. Аларны  мәктәп укучылары һәм укытучылары концерт номерлары белән котлады...

2 сыйныф укучылары урыннан сикерү һәм "челночный бег" күнегүләрен үтәделәр

Мәктәптә укучылар ГТО нормалары үти башладылар. 4 сыйныф укучылары йөгереп килеп сикерү һәм урыннан сикерүне үтәделәр. 

Гөлсинә Сөләйман кызын

һәм Асия Бәдертдин кызын

    бәйрәмнәре  белән ихластан тәбриклибез.

Теләкләрнең бары изгесен, бары яктысын чын күңелдән сезгә юллыйбыз.

Илленче көз сезнең бусагада
Илленчесе, түгел йөзенче.
Узсын әйдә, картайсыннар еллар
Картайтмагыз бары күңелне.
Һәрчак шулай яшьлек дәрте сездә
Янып торсын җәйге учактай.
Саулык, байлык, күп шатлыклар
Чиксез булсын язгы офыктай.

Тормыш күге кайгыларсыз, аяз булсын,

Һәр иртәдә сезне бәхет көтеп торсын,

Һәр туар көн муллык-шатлык бүләк итсен,

Гомер юлы еракларга дәвам итсен.

Иң  изге  теләкләр белән мәктәп коллективы.

"Экстремизмга - Юк! Спортка - Да!" дигән девиз астында мәктәбебездә көзге кросс үтте. 1-9 сыйныф укучылары барысы да бу ярышта бик теләп катнашты. Призлы урыннар билгеләнде. Җиңүчеләрне уңышлары белән котлыйбыз.