26 августта узган укытучыларның пленар конференциясенә мәктәбебез укытучылары тырышлыгы белән Россия кино елына багышланган композиция әзерләнде.

В последние дни августа Министр образования и науки Российской Федерации Дмитрий Ливанов проведет Общероссийское родительское собрание с участием родителей, учителей, а также представителей общественности, которых волнуют перспективы развития системы школьного образования. Для Минобрнауки России Общероссийское родительское собрание – это возможность получить обратную связь, услышать мнение родителей, узнать о наиболее волнующих их вопросах, оценить эффективность реализуемых проектов и программ.

2016-17 уку елына мәктәпнең әзерлеге комиссия тарафыннан уңай бәяләнде.

Зур Тигәнәле һәм Әшнәк авыллары күл, буа һәм инеш буйларында "Су коену тыела!" диелгән махсус элмә такталар, билгеләр урнаштырылды.

Бүген 30 июнь көнне бездә гомуммәктәп ата- аналар җыелышы булып үтте. Җыелышка ата-аналар белән берлектә укучылар да чакырылган иде. Җыелышның төп максаты: -"Җәйге чорда су буенда куркынычсызлык кагыйдәләре белән таныштыру" иде. Кагыйдәләр белән 8 нче сыйныф җитәкчесе Насыйхова Ф.А. таныштырды, "Летний отдых на водоемах" исемле  кинофильм күрсәтелде. Ата-аналар һәм балалар фильмны бик игътибар белән карадылар, бирелгән сорауларга төгәл җаваплар бирделәр...

Насыйхова Ф.А. ата-аналарга һәм балаларга "Су буйларында гади генә кагыйдәләрне дә истән чыгармаска, махсус тиешле урыннарда гына су коенырга һәм дә өлкәннәр күз астында гына коенырга яраклыгын искәртте. Сак булырга өндәде."

Бүген көнебез һәрвакыттагыча башланды: гимнастика, инструктаж, иртәнге аш... Барысы да лагерьнең эш планы буенча. Тик шулай да нигәдер бераз моңсуырак , чөнки бүген лагерьнең соңгы көне. Вакыт сизелмичә дә үтеп китте.

"Без ялыбызны күңелле һәм файдалы итеп үткәрдек. 21 көн буена безнең өчен төрле чаралар, бәйгеләр, викториналар, экскурсияләр һәм  спорт уеннары оештырган апаларга , тәмле ризыклар белән сыйлаган пешекче апаларга, мәктәп директоры һәм лагерь эшчәнлеген оештыруда өлеше тигән һәркемгә бик зур Рәхмәт. Сау бул Лагерь!" - барлык балалар исеменнән шундый матур рәхмәт сүзләре җиткерде Зарипова Г.

          Шулай итеп без мәктәп яны ял һәм сәламәтләндерү лагерен исән - имин тәмамладык.

            Илләребез тыныч, күгебез һәрвакыт аяз булсын! Сау бул лагерь!

Бүген тәрбиячеләр мәктәп яны ял һәм сәламәтләндерү лагеренә йөрүче балалар белән "Сулыкларда куркынычсызлык кагыйдәләре"  турында әңгәмә уздырдылар. Җәй көннәрен кайда гына үткәрсәгез дә, бу кагыйдәләрне беркайчан да  истән чыгармаска өндәделәр. Ахырдан "Безопасный отдых на водоемах" исемле өйрәтүче-видео карадылар. Тәрбиячеләр балаларны кызыксындырган һәрбер  сорауга җавап бирделәр.

Бүген лагерьда балалар болын чәчәкләреннән бик матур  "Гаҗәеп букет " исемле композиция ясадылар.

Буген мәктәп яны ял һәм сәламәтләндерү лагерендә "Йолдызлар яңгыры" исемле концерт оештырылды. Концерт җыр - биюләр, шигырь сөйләүләр  белән үрелеп барды. Концертта барлык балалар да бик актив булдылар, теләп катнаштылар.

22 июнь – Бөек Ватан сугышы башланган көн. Хәтер һәм кайгы  көне. Истәме ул, онытылмаганмы? Олыларның үзәген өзгән бу көнне яшь буын искә аламы, беләләрме алар аны?

Бу дата сугыш афәтен кичергәннәрнең яраларын кузгата, хатирәләрне яңарта... Сугыш вакыйгалары бездән ерагайган саен ветераннар сафы да сирәгәя бара. Шул уңайдан бүген лагерьда балалар игътибарына Бөек Ватан сугышын чагылдырган  "Пятерка отважных" исемле нәфис фильм тәкъдим ителде. Тәрбиячеләр ачы язмышның бар авырлыгын күтәргән сугыш чоры балалары хакында да сөйләп үттеләр. Сугыш чоры балалары - герой - пионерларның каһарманлыклары тарихка мәңгелек кереп калды. Олылыр белән берлектә Ватанны саклауга күтәрелгән бу балаларның күбесе җиңүне күрә алмады....

Барысы да истә... Йөрәкләрнең түрендә бу көн. Гел сыкрап, тыныч көннәрнең, гомернең кадерен белеп яшәргә өйрәтә. Кабат сугышлар булмасын! Дөньялар тыныч булсын!