3 декабрь көнне  “Билгесез Солдат көне” билгеләнеп үтелә. Шул уңайдан мәктәбебездә төрле чаралар үткәрелде.  “Беркем дә онытылмый, берни дә онытылмады!” дигән исем  астында сыйныф сәгатьләре үткәрелде.  7 сыйныф укучылары Бөек Ватан сугышында һәлак булучылар истәлегенә һәйкәлгә чәчәк куйдылар .

"Билгесез солдат" көне - яу кырларында башларын салып, исемнәре ачыкланмый калган сугышчыларны - Ватаныбыз улларын искә алу, аларның батырлыгы алдында баш иеп, хәтерләрне яңарту ул. 

Бүген мәктәбебездә укучылар белән янгын куркынычсызлыгына  багышланган – өйрәнү эвакуациясе үткәрелде.  Гадәттән тыш хәл репетициясе. Алдан өйрәнелгән  мәктәп эвакуация планы буенча укучылар һәм укытучылар санаулы минутларда мәктәп бинасыннан чыктылар. Барысы мәктәп каршындагы мәйданда тезелде. Өйрәнү тревогасы төгәл һәм бердәм үтте. "Безгә янгын кирәкми, ләкин без аңа әзер булырга тиеш".

"Билгесез солдат" көне уңаеннан "Тимурчылар отряды"  активистлары зур хөрмәт белән батыр якташларыбыз истәлегенә салынган һәйкәл тирәсен кардан чистарттылар. Мондый эш киләчәктә дә дәвам итәр, тимурчыларга башка укучылар да кушылыр дип уйлыйбыз.

"Билгесез солдат" көне уңаеннан китапханәдә "Синең исемең билгесез, батырлыгың үлемсез!" исемле күргәзмә оештырылды.  

Бүген балалар бакчасында "Бәйрәм белән Әнием!" исемле бәйрәм иртәсе үткәрелде.

Кадерле әниләребез!!!
   Сезне чын күңелдән Әниләр көне белән котлыйбыз!
   Бары тик аналарга гына гомер,ярату һәм яшәү шатлыгы бүләк итә алу кебек искитмәле табигать бүләге бирелгән. Сез булган җирдә һәрчак җылы һәм шатлыклы халәт хөкем сөрә.
   Һәммәгезгә дә иминлек һәм рухи бөтенлек телибез. Бу көнне сезнең хөрмәткә иң җылы сүзләр, матур котлау-теләкләр яңгырасын, кайгы-борчуларыгыз онтылып торсын иде. Һәм бәйрәм генә түгел, ә һәр гадәти кән сезгә бары тик шатлыклар гына китерсен. Якыннарыгызның җылысын , яратуын тоеп яшәгез , сәламәт һәм бәхетле булыгыз!

Мәктәбебезнең татар теле һәм әдәбияты укытучылары укучылар белән берлектә "Әниемә бүләгем!" исемле стенгазета әзерләделәр. Анда укучыларның иң кадерле, иң газиз кешеләр, әниләр темасына  багышланган, күңел түрләреннән чыккан иң изге һәм  иң матур теләкләрен сыйдырган инша һәм шигырьләр урын алды.

2016 елның 14 ноябреннән 25 нче ноябренә кадәр наркотикларга каршы “Кайда үлем саталар – хәбәр ит!” дигән  Бөтенроссия акциясе игълан ителде. Мәктәбебездә шул акция уңаеннан төрле класстан тыш чаралар оештырылды.

22 ноябрь - "Сүзлек көне" уңаеннан безнең мәктәптә төрле чаралар үткәрелде.