28 нче декабрь көнне мәктәбебезнең Чыршы бәйрәмендә Полиция Кыш бабае кунакта булып, укучыларга төрле -төрле күчтәнәчләр, бүләкләр өләште,  балаларның җыр-биюгә, нәфис сүзгә осталыкларына сокланды.

   28 нче декабрь көнне   “Мәктәп һәм гаилә бердәмлеге”  темасы астында  гомуми ата-аналар җыелышы үткәрелде.  Классларда ата-аналар белән очрашу вакытында класс җитәкчеләренең методик чыгышлары тыңланды, уку буенча  I яртыеллык йомгаклары, каникул вакытына куркынычсызлык кагыйдәләре аңлатылды . Гомуми өлештә мәктәп директоры А.С.Хазиев "Мәктәп һәм гаилә бердәмлеге" темасына методик чыгыш ясады, ата-аналарның сорауларына җавап бирде. Соңыннан барлык балалар һәм ата-аналар мәктәпнең Чыршы бәйрәмендә катнашты.

      28 нче декабрь көнне мәктәбебездә барлык укучылар, ата-аналар, өйдә укучы укучылар өчен  Чыршы бәйрәме уздырылды. Чыршы бәйрәмендә балалар бик актив булды, Кыш бабайга үзләренең һөнәрләрен күрсәттеләр, җырладылар, биеделәр, шигырьләр сөйләделәр. Бәйрәмдә буласы конкурсларга да бик җитди әзерләнгәннәр, һәр конкурста да барлык укучыларның да эшләрен Кыш бабай уңай бәяләп бүләкләрен бирде, рәхмәтләрен җиткерде.

    17 нче декабрь көнне мәктәбебездә Саба муниципаль районы мәгариф бүлеге начальнигы урынбасары Билалова Ләйсән Ракиповна, шул ук раон Завод-Нырты урта мәктәбе директоры Шаймиев Илнур Илшатович эшлекле очрашуга килделәр. Очрашу вакытында кунакларны кызыксындырган сорауларга җаваплар, интернат-мәктәп тормышы, балаларның яшәү-көнкүреш шартлары турында мәгълүмат бирелде, укучылар көче белән әзерләнгән концерт-тамаша күрсәтелде.

  13 нче декабрь көнне тәрбияче А.Н.Петрова II группа укучылары белән "Яхшы сүз-шәфкатьле гамәлгә тиң" исеме астында ачык тәрбия сәгате үткәрде. Әлеге чараның төп максаты - укучыларга яхшы сүзнең дә тәэсир итү көче зур икәнен, яхшы гамәлгә тиң булуын аңлату,  үзара һәм өлкәннәр белән аралашканда бары тик яхшы сүзләр генә куллануларына ирешү.Тәрбия сәгатендә укучыларны уйланырга, эзләнергә мәҗбүр иткән проблемалы сораулар да, эчтәлекле әңгәмә, практик гамәлләр дә уңышлы файдаланылды. Мультимедиалы презентация тәрбия сәгате вакытында шулай ук урынлы кулланылды.

    Мәктәбебезнең 14 укучысы  2012 елның 14 нче декабре көнендә Актаныш авылы Игелек  үзәгендә   инвалид укучылар арасында оештырылган “Әнием-иң якыным” рәсем конкурсының йомгаклау этабында катнашып призлы урыннар яуладылар һәм кыйммәтле бүләкләр белән бүләкләнделәр. Укучыларыбызны  котлыйбыз һәм тагын да зуррак уңышларга ирешүләрен телибез.

     Бүген мәктәбебездә "Финансирование научных и образовательных программ безопасности дорожного движения" дәүләт учреждениесының Актаныш бүлекчәсе җитәкчесе Р.З.Саетова, юл хәрәкәте күзәтчелеге инспекторы Р.Галләмов кунакта булып, балалар белән юл хәрәкәте куркынычсызлыгы  кагыйдәләре буенча  төрле  кызыклы уеннар,  викторина оештырдылар. Балалар 4 командага бүленеп  ярышларда көч сынаштылар, сорауларга җаваплар эзләделәр.  Кунакларга укучылар көче белән әзерләнгән концерт күрсәтелде.Кунаклар  елдагыча  бик күп бүләкләр белән килгәннәр.  Мәктәп дирекциясе әлеге изге гамәлне оештыручыларга  чын күңелдән ихлас рәхмәтләрен җиткерә!

   Инвалидлар декадасы кысаларында     район мәдәният йортында үткәрелгән  "Игелек" марафоны вакытында "Вамин" ААҖ филиалы директоры Ф.Ш.Гиздатуллин мәктәбебез балаларын  спорт җиһазлары  бүләк итеп сөендерде. Аңа бу изге гамәле өчен мәктәбебез коллективы ихлас күңелдән рәхмәт белдерә,

   Балалар иҗат үзәгендә оештырылган оригами конкурсында укучыларыбыз быел да уңышларга ирештеләр. Әлеге конкурста мәктәбебезнең 24 укучысы катнашты һәм 6 укучыбызның эше грамота һәм кыйммәтле бүләк белән билгеләнде, калган укучылар рәхмәт хатына һәм истәлек бүләкләренә лаек булдылар. Укучыларыбызны бәйгедә җиңүләре белән ихлас котлыйбыз, яңа конкурсларда да уңышка ирешүләрен телибез.