Мәктәптә 25 нче ноябрьдән 2 нче декабрьгә кадәр җәмгыятъ белеме һәм тарих  фәннәре атналыгы үткәрелде. Атналык башында укытучы Г.Р.Газизова  укучыларны атналык программа белән таныштырды. Программада : "Тамчы-шоу",  җәмгыятъ белеменнән сораулар, "Иң оригиналь карта ясаучы" бәйгесе, "Кемдә теләк-шуңа бүләк" исеме астында кызыклы сораулар, тестлар, кроссвордлар тәкъдим ителде. Укучылар шулай ук "Тарих эзләре буйлап" һәм "Республика символлары" исеме астында үткәрелгән рәсем бәйгеләрендә бик теләп катнаштылар, Атналыкка йомгак ясап 2 нче декабрьдә 7,8,9 класс укучылары катнашында "Хәтер көне" дип аталган ачык чара күрсәтелде. Укучыларның бәйгедә катнашкан эшләренә йомгак ясап җиңүчеләр билгеләнде, бүләкләр бирелде.  Күп еллар буена балаларга тарих фәненнән белем биргән Ф.И.Ахметов катнашу  кичәгә ямь өстәде.

Хезмәттәшебез З.М.Гибадуллина Экология һәм табигый ресурслар министрлыгы тарафыннан оештырылган  республикакүләм "Земля моя-Татарстан" иҗади конкурсының "Татар телендә иң яхшы шигырь һәм проза " номинациясендә җиңү яулап, мактаулы 1 нче урынга лаек булды. Хезмәттәшебезне әлеге зур җиңүе белән ихлас котлап  иҗади уңышлар телибез.

          29 нчы ноябрь көнне 1 нче санлы Актаныш урта мәктәбе базасында  техник хезмәт буенча "Я-мастер" республика конкурсының район этабы узды. Безнең мәктәптән 8 нче класс укучылары Гарданов Дилфас, Газизов Илнур технология укытучысы Шаймарданов Рөстәм Шаехтимерович җитәкчелегендә уңышлы чыгыш ясадылар. Афәрин!

Балалар иҗат үзәге тарафыннан оештырылган "Могҗизалы мизгелләр" конкурсында мәктәбебезнең 5 нче сыйныф укучысы Әминова Эльмира (тәрбиячесе А.Н.Петрова) 2 нче дәрәҗә дипломга һәм кыйммәтле бүләккә лаек булды.Эльмираны  әлеге уңышы белән котлыйбыз һәм тагын да зуррак уңышларга ирешүен телибез.

  19-21 нче ноябрь көннәрендә мәктәбебездә Туган көн кичәләре узды. Җәй һәм көз айларында туучы укучыларның туган көн бәйрәмнәре барлык 4 группада да билгеләп үтелде. Әлеге бәйрәмнәр тәрбиячеләр тарафыннан укучыларның күңелләрендә  калырлык матур итеп оештырылды. Бәйрәм кичәләрендә укучылар өчен төрле кызыклы, мавыктыргыч уеннар, логик фикерләүне үстерүгә мәсьәләләр, табышмакларга җаваплар табу кебек уеннар һәм җыр-биюләр оештырылды.

       20 нче ноябрь көнне Чаллы шәһәрендэ уткән "В.В.Давыдов мәктәбе:педагогнын профессиональ эшчәнлегендә үсеш идеясы "Бөтенрәсәй фәнни конференциясендә Амирова Р.С.  "Акыл усешендә кимчелекләре булган балалар усешенең диагностикасы" дигән темага  чыгыш ясады. Хезмәттәшебезне әлеге уңышы белән котлыйбыз, киләчәктә дә иҗади уңышлар телибез.    Әлеге конференция кысаларында үткәрелгән мастер-класс конкурсында  катнашкан  А.Н.Петрова, Л.И.Нуриева, Г.М.Мухаметшина, Л.Ф.Галиева шулай ук сертификат белән бүләкләнделәр. Хезмәттәшләребезгә нык сәламәтлек, иҗади уңышлар телибез.

    Бүген укучылар көзге каникулга озатылды. Ата-аналар өчен классларда җыелышлар булды. Каникулга кайтарыр алдыннан укучыларга көзге каникул вакытында үз-үзеңне тоту, куркынычсызлык  кагыйдәләре аңлатылып, имзалар алынды. Шулай ук, ата-аналарга  да балаларның юлдагы хәвефсезлеге, иминлеге , каникул вакытындагы иминлек-сәламәтлекләре өчен җавап бирүләре турында  аңлатылды.

   24 нче октябрь көнне мәктәбебездә  һәр елны билгеләп үтелүче Уңыш бәйрәме узды. Уңыш бәйрәменә һәр класс, һәр группа зур әзерлек белән килгән. Укучылар көче белән әзерләнгән һәр чыгыш жюри һәм укучылар, килгән кунаклар күңеленә хуш килде. Кичә барышында укучыларның класс җитәкчеләре белән әзерләнгән чыгышлары да, тәрбиячеләр белән әзерләнгән иҗади чыгышлары да тамашачыларга бик ошады. Стена газеталары һәм укучыларның ясаган рәсемнәре шулай ук югары бәяләнде. Көзге муллыкны, көзге матурлыкны чагылдырган күргәзмә  презентация аша күрсәтелеп, һәр группа тарафыннан "якланды" .Чара барышында бакча мөдире Г.Ф.Шайхенурова бакча уңышларын саннарда күрсәтте, бакчада тырыш хезмәтләрен куйган укучыларны бүләкләп үтте.  Бакчадагы күңелле хезмәтне, өмәләрне чагылдырган видеопрезентацияне тамашачылар яратып карадылар. Кичә ахырында жюри һәр чыгышны уңай бәяләп, истәлек бүләкләре тапшырды.

  Бүген мәктәбебездә һәр елдагыча Корбан ашы мәҗлесе зурлап үткәрелде. Әлеге чарада авылыбызның имам-хатибе Шәфигулла хәзрәт, Актаныш районы имам-мөхтәсибе Руслан хәзрәт, барлык хезмәткәрләр, мәктәбебездә эшләп лаеклы ялга чыккан хезмәткәрләребез, барлык укучылар катнашты. Чара барышында килгән кунаклар  вәгазь укыдылар, хаҗ сәфәре турында аңлаттылар, табын әдәбе турында сөйләделәр.  Халкыбызның  милли-дини йоласы Корбан    ашы мәҗлесенең барлык шартлары үтәлде. 

      Һава торышы көзге бакча эшләренә уңайсыз килүгә дә карамастан, мәктәп бакчасын, мәктәп яны территориясен чистарту эшләре  үз вакытында башкарылды.