Бу уку елында мәктәбебез укучылары өчен укытучы-тәрбиячеләр  тарафыннан түгәрәкләр оештырылды. Укучыларыбыз "Кул эшләре",  "Бию",  "Музыка",  "Полиглот",  "Сувенир",  "Театр",  "Яш спортчылар", " Гөлләр- өй бизәге", "Иң матур тел-туган тел" кебек түгәрәкләргә яратып йөриләр.

       14  нче октябрь көнне мәктәбебез укытучысы Ю.И.Мансурова   "Белем җәүһәрләре" IV бөтендөнья файдалы интернет-проектлар бәйгесенең Г.Камал театрында үткәрелгән  йомгаклау тантанасына чакырылып, диплом һәм кыйммәтле бүләк белән бүләкләнде.  Әлеге конкурста  ул үзенең "Татарча логопедия" сайты белән  катнашып җиңү яулады. Хезмәттәшебезне әлеге уңышы белән котлыйбыз, алга таба да иҗади уңышлар телибез.

         Елдагыча, мәктәбебездә өлкәннәр ункөнлеге матур эшләр белән билгеләнде. Укучыларыбыз мәктәбебездә эшләп лаеклы ялга чыккан апа-абыйларның өйләрендә булып, аларны бәйрәм белән котладылар, бәйрәм чәенә дәштеләр, хуалык эшләрендә булыштылар. Халыкара Укытучылар көне һәм Өлкәннәр көне мәктәбебездә матур бәйрәм булып үтте. Чакырылган кунаклар өчен укучылар  көче белән әзерләнгән концерт күрсәтелде, яшьлек еллары кайтавазы булып әзерләнгән видеопрезентация күрсәтелде. Бәйрәм тантанасы чәй табыны янында өлкәннәребезнең, укытучы-тәрбиячеләребезнең үзара аралашуы, хатирәләр алмашуы булып дәвам итте. Әлеге чарада Актаныш муниципальрайоны башкарма комитетының опека һәм попечительлек бүлеге җитәкчесе Г.Н.Хаертдинова катнашты. Ул өлкәннәрне, укытучы-тәрбиячеләрне бәйрәм белән котлап, изге, матур теләкләр теләде. Бәйрәм бик күңелле үтте.

  Мәктәп яны тәҗрибә участогында көзге эшләр дәвам итә. Хезмәт дәресләрендә һәм дәресләрдән соң вакытларда кишер алып урнаштырылды.

   Мәктәбебездә  төрле  җәмгыятькә файдалы хезмәткә киң урын бирелә. Укучыларыбыз көче белән 4 ц миләш җыеп тапшырылды.

        Мәктәбебезнең яшелчә бакчасында үстерелгән мул уңышны алу, кышка әзерләү дәвам итә. Бәрәңге уңышы балаларга ел буена тукланырга җитәрлек итеп базларга салынды, язгы чәчүлек орлыгы итеп кышкы саклауга куелды.

                Мәктәбебез коллективы барлык укучыларыбызны, ата-аналарны, хезмәттәшләребезне Белем бәйрәме белән котлап саулык-сәламәтлек, шатлык-куанычлар, бәхет-шатлыклар һәм зур уңышлар тели!

           Район хакимияте тарафыннан оештырылган "Өй алдыбыз гөлбакча-2013" конкурсында авыл җирлекләрендәге мәктәпләр арасында традиция буенча  I урынны яуладык!

             "Өй алдыбыз гөлбакча-2013"  район бәйгесенең  "Иң яхшы чәчәкләр күргәзмәсе " номинациясендә узган елдагыча I урынны яуладык!

             "Өй алдыбызг өлбакча-2013" район бәйгесендә  мәктәбебезнең тегү хезмәте укытучысы Гәүһәрия Зәки кызы Мусина авыл җирлекләрендә урнашкан шәхси хуҗалыклар арасында мактауга лаек булып, кыйммәтле бүләк һәм Мактау кәгазе белән бүләкләнде! Хземәттәшебезне һәм барлык коллективыбызны әлеге җиңүләр белән ихлас котлыйбыз һәм киләчәктә дә зур уңышлар, саулык -сәламәтлек, бәхет-шатлыклар телибез!

     Мәгариф хезмәткәрләренең август конференциясендә "Хыялларны чынга ашырыйк" күргәзмәсе белән катнашып, мәктәбебез  төп белем бирү учреждениелары арасында мактаулы I урынны яулап, Мактау кәгазе һәм акчалата премия белән бүләкләнде.

          Мәктәпләрне яңа уку елына әзерләү нәтиҗәләре буенча мәктәбебез районда алдынгылар исәбенә керде һәм район хакимияте тарафыннан балаларга ял беседкасы бүләк ителде.

  Пленар утырышта шулай ук, мәктәбебезнең  агач эшкәртү  хезмәте укытучысы, алтын куллы остабыз Рөстәм Шаехтимер улы Шаймарданов район хакимияте башлыгының Мактау кәгазе һәм акчалата бүләгенә лаек булды. Шлеге уңышы белән хезмәттәшебезне ихлас котлыйбыз һәм киләчәктә дә сәламәтлек,  шатлык-куанычлар гына телибез!

      Мәктәпләрне яңа 2013-2014 нче уку елына әзерлеге йомгаклары  буенча нәтиҗәле  хезмәте өчен мәктәбебез директоры Хазиев Алмаз Сәяф улы Татарстан Республикасы  фән һәм мәгариф министрының Рәхмәт хаты белән бүләкләнде.   Хөрмәтле  Алмаз Саяпович! Мәктәбебез коллективы Сезне  әлеге уңайдан ихлас котлап, алга таба да көчле рухлы, аек фикерле, зирәк акыллы, булдыклы җитәкче булып калуыгызны тели.