Бүген  Актанышта уздырылган "Ел укытучысы-2013" район бәйгесенең йомгаклау этабында мәктәбебез укытучысы Мансурова Юлия лауреат буларак  уңышлы чыгыш ясап   район мәгариф  идарәсенең Мактау  грамотасы ,кыйммәтле бүләк белән бүләкләнде. Хезмәттәшебезне әлеге уңышы белән ихлас котлыйбыз, сәламәтлек, иҗади уңышлар телибез!

“Юлда игътибарлылык кирәк!” дип өлкәннәр гел әйтеп торалар. Мәктәптән өйгә кайтканда да, өйдән мәктәпкә барганда да гел юл аша йөрергә туры килә. Юлда йөрү кагыйдәләре машина йөртүчеләр өчен генә түгел. Кайчак юл һәлакәтләрендә җәяүлеләр нәкъ үзләре гаепле булалар. Моның сәбәбе: я юл буенда куелган билгеләрне белмәү, яки игътибарсызлык. Мәктәп укучылары кечкенәдән үк юлда йөрү кагыйдәләрен яхшы белсен өчен I группа тәрбиячесе Г.М.Мухаметшина  укучылыры белән “Юлда йөрсәң бул өлгер, юл кагыйдәсен нык бел!” кичәсе үткәрде.Катнашучылар бик кечкенәләр булсалар да, бәйгегә зур тырышлык белән әзерләнгәннәр. Тырыш, зирәк балалар булып чыктылар.Кичәнең максаты: укучыларны юлда йөрү кагыйдәләренә төшендерү, аңлату, истә калдыру иде. Юлда йөрү кагыйдәләрен яхшы белгән өчен, укучылар грамота белән бүләкләнде.

Укучыларыбызга әлеге кагыйдәләрне белү тормышта да кирәк булыр дип ышанып, куркынычсыз юл теләп калабыз!

Мәктәбебез укучылары 9  февраль көнне "Яшьлек" милли-мәдәни үзәгендә оештырылган  «Без бергә- бер ил» республика фестиваленең район этабында катнашып, III урынны яуладылар. Бу җиңүләре белән аларны ихластан котлыйбыз, алга таба да зур уңышларга ирешүләрен телибез!

    "Ел укытучысы-2013" республикакүләм конкурсы  район этабының Тат.Суксу урта мәктәбендә оештырылган  II зона турында мәктәбебезнең укытучысы Ю.И.Мансурова "Ч авазы һәм хәрефе" темасына  мастер-класс   күрсәтте, "Мәктәпләргә логопедлар кирәкме?" дигән темага методик семинар оештырып, уңышлы чыгыш ясады.Хезмәттәшебезгә алга таба да уңышлар телибез!

   Бу атнада мәктәптә тарих һәм җәмгыять белеме  атналыгы үткәрелде. Атналык программада Татарстан тарихы буенча сканвордлар чишү, "Иң оригиналь карта" исеме астында укучылар иҗаты, "Тарих эзләре буйлап" дигән исем астында рәсем конкурсы, төрле кызыклы сораулар, табышмаклар чишү, үрнәк дәфтәр иясен ачыклау үткәрелде. Атналыкны йомгаклап  укытучы Г.Р.Газизова 1 нче февраль көнне 7-9 класс укучылары катнашында "Яшүсмерләр культурасы" дип исемләнгән кичә үткәрде.  Укучылар модельерлар, филологлар, спортсменнар, музыкантлар группаларына бүленеп яшүсмерләр, аларның кызыксынулар, яшәеше, культурасы турында фикер алыштылар.

 19 нчы январь көнне  район күләмендә үткәрелгән мәгариф хезмәткәрләренең кышкы спартакиадасында  мәктәбебез командасы төп белем бирү мәктәпләре арасында мактаулы I урынга лаек булып, кубок һәм кыйммәтле бүләк белән бүләкләнде.  Команда составындагы хезмәткәрләребезне  зур җиңү белән ихлас котлыйбыз, сәламәтлек, яңадан-яңа уңышларга ирешүләрен телибез!

      Мәктәбебездә матур традициягә әйләнгән Искечә Яңа елны каршылау бәйрәме быел да бик матур  үтте. Балалар  өчен төрле кызыклы, мавыктыргыч уеннар, чыршы янында күңелле җыр-биюләр оештырылды, бүләкләр өләшенде.

         Бүген педагог-организатор Р.Р.Гилязова җитәкчелегендә А.Галимуллин, И.Исмакаев, Л.Рәхимова Актаныш иҗат үзәгендә оештырылган "Янгынга каршы көрәш " буенча рәсем конкурсының йомгаклау этабында катнашып мактау кәгазе һәм истәлек бүләкләре белән бүләкләнделәр.

              8 нче январь көнне Актаныш муниципаль  районы хакимияте башлыгы вазыйфаларын башкаручы Ф.М.Камаев катнашында  алдынгы укучылар белән уздырылган Чыршы бәйрәмендә мәктәбебезнең 9 нчы класс укучысы Лотфуллин Илдар катнашып, Рәхмәт хаты   һәм истәлек бүләге белән  бүләкләнде..