13 нче март көнне тәрбияче Төхвәтуллина Ф.Ф. III группа укучылары белән "Ш. Галиев шигырьләрендә кунакта" дип исемләнгән ачык чара үткәрде. Кичәнең максаты шагыйрь Ш. Галиев шигырьләре аша балаларда укуга мәхәббәт, әдәплелек, төгәллек, шәфкатьлелек, игътибарлылык тәрбияләү. Чара барышында укучылар шагыйрьнең балаларның кызыклы тормышыннан алып язылган шигырьләрен яттан сөйләделәр, табышмакларга җавап таптылар. Шигырь геройларында булган яхшы һәм начар сыйфатлар әңгәмә рәвешендә ачыкланды. Шигырьләрнең, табышмакларның эчтәлегенә карата балалар ясаган рәсемнәр күрсәтелде.

11 март көнне тәрбияче Нуриева Лилия Илсур кызы җитәкчелегендә II нче группа укучылары белән интеллектуаль уен "Тамчы шоу" үткәрелде. "Минем республикам Татарстан" темасы астында үткән бу ярышта балаларның әйләнә-тирә турында булган белемнәрен тагын да арттыру, фикерләү сәләтен үстерү һәм үзара килешеп фикер алышу максат итеп алынган иде. Кичә кызыклы сораулар белән, презентация белән үрелеп барды һәм йомгаклап татар халкының икенче гимнына әверелгән "И туган тел, и матур тел" җыры белән төгәлләнде

      4 нче март көнне мәктәбебезнең  4-9 класс кызлары тәрбияче Ә.Д.Разова үткәргән "Ягез әле, кызлар!" исемле кичәдә 2 командага бүленеп үзләренең уңган-булганлыкларын, осталыкларын сынадылар. Төрле кызыклы биремнәргә тапкыр җаваплар табып,  2 команда да җиңүче дип танылды.

     Мәктәбебез егет-кызлары командасы  тренерлары А.С.Хазиев һәм Н.А.Сибгатуллин җитәкчелегендә  Минзәлә шәһәрендә Россия Махсус Олимпиадасы кысаларында үткәрелгән IX  Республика өстәл теннисы ярышларының зона этабында катнашып мактаулы 3 нче урынны яулап кайттылар..  Укучыларыбызның киләсе ярышларда да сынатмауларын,  тренерларына һәм үзләренә сәламәтлек , уңышлар телибез.

      Бүген мәктәбебез укчылары чын мәгънәсендә әкиятләр илендә сәяхәттә булдылар.1 нче квалификацион категорияле тәрбияче Д.Д. Мурзина җитәкчелегендә әзерләнгән ачык тәрбия чарасында кечкенә төркем укучылары әкият геройлары белән дуслаштылар, хәйләкәр төлкенең әкияти биремнәрен үтәгәндә, үзара дус-тату яшәргә кирәклегенә төшенделәр. Начар гадәтләргә иярмәскә,әниләрне беркайчан да рәнҗетергә ярамаганлыкны аңлап,яхшы күңелле булырга өйрәнеп,үзләрен сәхнәдә нәни артистларча тотып,тамашачыларның ихтирамын яуладылар.Яшь үзенчәлекләрен исәпкә алып әзерләнгән бу чара һәркемнең күңелендә соклану уятты.

    Спорт-сәламәтлек һәм хәрби-патриотик айлык кысаларында үткәрелгән ярышларда җиңүчеләргә бүләкләр  атналык линейкада тантаналы төстә  тапшырылды.

    21 енче февральдә әлеге көн уңаеннан мәктәбебездә зур бәйрәм узды. Бәйрәмдә укучылар Туган илгә, Туган телгә багышланган шигырьләр сөйләделәр, җырлар башкардылар, гармун-курай моңнары яңгырады. Ай дәвамында барган "Тел күрке-сүз" бәйгесенә йомгак ясалып, җиңүчеләр бүләкләнде. "Туган телем-иркә гөлем" стенгазетасын укучылар кызыксынып укыдылар. Әлеге бәйрәм чараларын татар теле һәм әдәбияты укытучысы  З.М.Гибадуллина әзерләде һәм үткәрде.

    Бүген мәктәбебездә матур традициягә әйләнгән "Ягез әле, егетләр!" кичәсе үтте. Кичә дәвамында 5-8 класс егетләре "Тапкырлар" һәм "Зирәкләр" командасына бүленеп көч сынаштылар. Педагог-оештыручы Р.Р.Гилазова егетләрне төрле яклап сыный торган биремнәр әзерләгән. Кызларның кичә дәвамында егетләрне котлап җырлавы ямь өстенә ямь булды. Жюри нәтиҗәләре буенча мәктәбебез егетләре сынатмыйча, бертигез очколар җыеп 1-2 урыннарны бүлештеләр.

     15 нче февраль көнне Түбән Кама шәһәрендә үткәрелгән  "Туган телем-серле тел" дип исемләнгән республикакүләм шигырь уку бәйгесендә мәктәбебезнең 6 нчы сыйныф укучысы Гарипова Гөлшат (җитәкчесе Л.И.Нуриева)  Р.Валееваның "Туган тел" шигырен сөйләп III дәрәҗә дипломга лаек булды.Гөлшатны һәм Лилия Илсуровнаны әлеге уңышлары белән котлыйбыз, киләчәктә дә иҗади уңышлар  юлдаш булуын телибез.

     Бүген,  спорт-сәламәтлек һәм хәрби патриотик-айлык планы нигезендә физкультура укытучысы А.С.Хазиев   ярышларның чираттагысын үткәрде.  Әлеге ярышларда егетләр турникта тартылу буенча, кызлар отжимание ясау  һәм егетләр кызлар пресс ясау буенча  үз көчләрен сынадылар. Жюри биремнәрне үтәгәндә  техник камиллеккә дә зур игътибар бирде.