Бүген, IX Россиякүләм Махсус Олимпиадасының  армрестлинг буенча  ярышларына әзерлек максатыннан мәктәпкүләм ярышлар уздырылды. Ярышта җиңүче укучыларыбызның  18 нче апрель көнне мәктәбебез базасында узачак зона этабы ярышларында да сынатмауларын телибез.

     Авыл хуҗалыгы хезмәте укытучысы Шәйхенурова Гөлчәчәк Флүс кызының 6нчы класс укучылары белән 10 нчы апрельдә үткәргән ачык дәресе йорт хайваннарының азык төрләрен өйрәнүгә багышланган иде. Укучылар көндәлек тормышта кирәк булган белем алды, аны практик биремнәр аша ныгытты. Дәрестә бик күп күрсәтмәлелек кулланылды.

    10 нчы апрель  көнне технология укытучысы Шаймарданов Растам Шаехтимер улы 6 класста "Яртылаш каплап эшләнгән шип белән тоташтырып рамка ясау" темасына ачык дәрес күрсәтте. Укучылар дәресләрдә алган  теоретик белемне  практик эш белән ныгытты. Практик эш вакытында куркынычсызлык кагыйдәләрен саклауга зур игътибар бирелде.Дәрес катнашучылар тарафыннан уңай бәяләнде.

  Бүген, балалар иҗат үзәге базасында еоштырылган   I Республикакүләм техник иҗат фестиваленең  муниципаль этабында мәктәбебез "Туган ягым-яшел бишек" исемле торцевание ысулы белән эшләнгән  панно  белән катнашты.

     20 нче март көнне мәктәбебездә татар халкының милли йолаларын искә алу максатыннан чираттагы зур бәйрәм-Нәүрүз бәйрәме үткәрелде. Әлеге кичәне IV группа тәрбиячесе Ф. А. Галиева  үткәрде. Кичә дәвамында укучылар Нәүрүз бәйрәме , татар халкының милли йолалары турында мультимедиалы презентация аша таныштылар. Халкыбызның җырлы-биюле уеннары белән үрелеп барган тамаша үз югарылыгында үтте.

      19 нчы март көнне IV группа укучылары белән тәрбиячеләре С.Г.Смирнова "Дару үләннәре" исемле ачык чара үткәрде. Кичә барышында укучылар 2 командага бүленеп көч сынаштылар:  проблемалы сорауларга җавап эзләделәр. дару үләннәре турында шигырьләр сөйләделәр. аларны нинди авырулар вакытында һәм күпме микъдарда файдаланырга мөмкин булуы турында аңлаттылар. Кичә дәвамында укучыларга дару үләннәре турында мультимедиале презентация аша кызыклы мәгълүматлар бирелде.

    18 нче март көнне тәрбияче Д.А.Шаймарданова I группа укучылары белән "Һәркемгә дә юлда дөрес йөри белергә кирәк" дип исемләнгән ачык чара үткәрде. Кичәнең максаты укучыларга урамда. юлда. җәмәгать транспортында дөрес . тәртипле йөрергә күнектерү. юл билгеләрен танып әйтә белүләренә ирешү. Кичә барышында балалар кызыклы уеннар уйнадылар. табышмакларга җавап таптылар. шигырьләр сөйләделәр. юл билгеләре белән таныштылар. Чара укучыларның "Туган ил"  җырын күмәк башкарулары белән тәмамланды.

   Мөслим районы Тойгелде VIII төрдәге махсус (коррекцион) интернат-мәктәбе базасында  Россия Махсус Олимпиадасы программасы  буенча   үткәрелгән     IX Республика мини-футбол ярышының зона этабында мәктәбебез егет-кызлары III урынны яулап кайтты. Укучыларыбызны һәм тренерлары А.С.Хазиевны, Н.А.Сибгатуллинны  призлы урынны яулаулары белән ихлас котлыйбыз, киләсе ярышларда да җиңүләргә ирешүләрен телибез..