Бүген көзнең матурлыгын, байлыгын, җиһанның сап-сары төсләргә кергән вакытын чагылдыручы иң матур бәйрәмнәрнең берсе "Сөмбелә" үткәрелде. Көз кызлары үзләрен таныштыру белән кичәне ачып җибәрделәр. Кичә төрле ярышлар белән үрелеп барды. Ә нәтиҗәләргә килгәндә кечкенәләр арасында: 1 урынга - "Тамчыкай" отряды; 2 урынга - "Күбәләк" һәм "Дуслык" отрядлары;  өлкән класслар арасында: 1 урынга - "Очкын" отряды; 2 урынга - "Йолдызлар" отряды; 3 урынга - "Кояшкай" отрядлары лаек булдылар. Афәрин!!!

Өлкәннәрнең хәлен белү - зур савап!  Һәр класс үзенә беркетелгән авылның хезмәт ветераннарына, ялгыз яшәүче әби-бабайларына бик теләп булышлык күрсәтә. Өлкәннәр ункөнлеге кысаларында да аларга тимурчылык эше оештырдылар. Укучылар ярдәмгә мохтаҗларга булышып , алар  белән аралашып, Өлкәннәр көне белән котлап кайттылар.

С целью выявления образовательных достижений учащихся 9 классов по математике и русскому языку в период введения Федерального государственного образовательного стандарта основного общего образования, 8-9 октября в школе будет проводиться тестирование по математике, а 10-11 октября - тестирование по русскому языку.

7 октябрь көнне якташыбыз, татар драматургы, Татарстан Республикасының атказанган сәнгать эшлеклесе, Татарстан Язучылар һәм Русия театр әһелләре берлеге әгъзасы, Саҗидә Сөләйманова премиясе лауреаты, Татарстан язучылар берлеге рәисе Данил Хәбибрахман улы Салихов үзенең гомер бәйрәмен - 60 яшен каршы алды. Актаныш районының атаклы улы юбилей уңаеннан беренче котлауларны үзенең туган туфрагында, газиз районында кабул итте. Данил Хәбибрахман улының туган авылы Кировта башланып киткән иҗат кичәсе район үзәге Актанышта дәвам итте. Якташыбызны иҗатташ дуслары, хезмәттәшләре белән бер сафта Актаныш үзе, аның халкы да тәбрик итте. Әлеге чарада безнең мәктәптән  мәктәп директоры, тәрбия эшләре буенча урынбасары, китапханәче һәм педагог-оештыручы катнаштылар.

Өлкәннәр ункөнлеге кысаларында кечкенә сыйныфлар арасында "Минем яраткан әбием. Минем яраткан бабам" исеме астында рәсем конкурсы, ә өлкән сыйныфлар арасында "Шәфкатьлелек бәйрәме" исеме астында газета конкурсы булып узды. Барлык сыйныфлар да актив катнаштылар. Иң яхшы рәсемнәр район этабына җибәрелде.

Гимназия укытучы-тәрбиячеләре тарафыннан “Иске Кормаш мәктәбе укучылары өчен шимбә мәктәбе” проекты башланып китте. Бу шимбәдә тәрбияче Хөсәинов Ленар Наил улы “Вакыт кадере” исеме астында тренинг үткәрде. 

Укытучылар көне уңаеннан мәктәптә "Укытучым!"  дигән музыкаль кичә үтте. Укучыларыбыз укытучыларны бәйрәм белән котлап шигырьләр, җырлар, биюләр, чәчәк бәйләмнәре бүләк иттеләр. Бәйрәмгә хөрмәтле өлкән укытучыларыбыз да чакырылган иде. Очрашу чәй табыны артында дәвам итте. 

Быел районыбыз мәктәпләрендәге мөгаллимнәр үзләренең һөнәри бәйрәмнәренә мәктәп тарихларын барлап, баннерлар ярдәмендә фотобәйгедә катнаштылар. Белем бирү йортларын төрле чорларда җитәкләгән бөек шәхесләрне чагылдырган баннерлар укытучылар бәйрәмендә  күргәзмә оештырылды. Фойеда урнашкан күргәзмәдә шулай ук мәдрәсәдән алып XXI гасырга кадәр булган уку-укыту системасы да бик эзлекле чагылдырылган иде. Әлеге укытучылар көненә багышланган фотобәйгедә безнең мәктәп баннеры мактаулы 2 нче урынга лаек булды, диплом белән бүләкләнде.Фотобәйге үз эченә түбәндәгеләрне алды:

1.Авылда беренче мәгърифәтчеләр.

2.Революция елларында укытучылар.

3.Сугыш чорында һәм сугыштан соң елларда укытучылар. 

4.Хәзерге заман мөгаллимнәре.

   Өлкәннәр көне уңаеннан мәдәният йортында узган бәйрәмдә безнең укучыларыбыз да үзләренең котлауларын җиткерделәр. Өлкәннәребез бик сөенеп калдылар.

30 нчы сентябрь көнне район үзәгендә "Өлкәннәр көне"нә карата ярминкә уздырылды. Безнең мәктәп коллективы да ярминкәдә. катнашты. 39 төр продукция алып төштек. Суган, сарымсак, кәбестә, гөлҗимеш, сөт, эремчек һәм төрле кайнатмаларны халык бик яратып алды.