10 октябрь көнне мәктәбебезнең 2 сыйныф укучылары мәктәп директоры И.И.Шәрипов, сыйныф җитәкчесе Ф.Д.Марданова һәм мәдәният йорты хезмәткәре Д.Р.Хуҗина җитәкчелегендә Яңа Әлем авылының танылган шәхесе Тәкый ага Зәкиев яшәгән йортка, улы Рөстәм Зәкиев белән очрашуга бардылар. Туган йортының нигезен сүрелдермичә, Рөстәм Зәкиев, әтисенең тормыш юлын, фронтовик, Татарстанның атказанган укытучысы Тәкый Зәкиев турында бик күп истәлекләрне укучыларга кызыклы, мавыктыргыч, тулы итеп сөйләде. 

"Укытучы - изге бер сүз ул. Укытучы бөтен көчен биреп балаларга аң-белем, тәрбия бирергә тырыша. Укытучы һөнәре җир йөзендә иң изге һөнәрләрнең берсе. Нәкъ менә без - укытучылар, тәрбиячеләр балаларда мөстәкыйльлек, җаваплылык, илебезнең матур киләчәге өчен иҗади хезмәт итүче шәхесләр тәрбиялибез. Бәйрәм белән Сезне, укытучылар.", - 7нче класс укучыларының сыйныф җитәкчесе Гөлшат Равил кызы Хамидуллина.

Өлкәннәр ункөнлеге кысаларында, 6 нчы сыйныф укучылары, класс җитәкчесе Айсылу Илдус кызы җитәкчелегендә, Зөбәйдә апага барып ярдәм иттеләр.

5нче октябрь көнне район мəдəният йортында укытучылар көне уңаеннан уздырылган чарада мəктəбебезнең тарих həм математика укытучысы Зөлфия Вил кызы район башлыгы Ленар Зарипов тарафыннан Мәгариф өлкәсендәге күпьеллык намуслы хезмәте, балаларга белем һәм тәрбия бирүдә зур казанышлары өчен Татарстан Республикасы Мәгариф һәм фән министрлыгының мактау грамотасы белəн бүлəклəнде.

5нче октябрь көнне район мəдəният йортында укытучылар көне уңаеннан бәйрәм чарасы уздырылды. Биредә мəктəбебезнең татар теле һәм әдәбияты укытучысы Лилия Әхнәф кызы Сәлимҗанованы, хезмәтендәге уңышлары өчен һөнәри конкурсларда югары күрсәткечләргә ирешкәне өчен Актаныш муниципаль районы Башкарма комитеты җитәкчесенең социаль мәсьәләләр буенча урынбасары Нурлыева Ләйсән Фоат кызы тәбрикләде.

Яшь хәбәрчеләребез һәм нәни иҗатчыларыбыздан "Актаныш-информ" редакциясенә хатлар язу дәвам итә. Чираттагы бер бик җылы эчтәлекле хат: "Әбиемнең күңел сандыгы. Әбиемнең күңел сандыгы Нинди серләр саклый икән ул? Гомер буе җыйган хазинәме, Әллә инде күңел бизәгеме, Нинди серләр саклый икән ул? Минем әбием бар. Мин аңа кечкенәдән “яшь әбием” дип эндәшәм.Чөнки әле яшь әбиемнең әнисе булган карт әбием дә бар. Мин аларның икесен дә тигез яратам. Ләкин бүген сезгә яшь әбием турында язасым килә.

Ризыкның сыйфатын һәм менюга туры килүен, балаларның туклануын барлау максатыннан бүген, 3 нче октябрь көнне, 3 нче сыйныф ата-аналары исеменнән Зәкиева Энҗе ашханәдә булды. Шикаять һәм тәкъдимнәр дәфтәренә үз фикерен язды.

Бүген үткәрелгән класс сәгатьләренең максаты: укучыларда хөрмәтле мөнәсәбәт тәрбияләү, укучыларда укытучы хезмәтенә карата кызыксыну уяту, һәр кешенең тормышында мәгарифнең мөһимлеген аңлауны формалаштыру иде. Укучылар социаль хезмәт итүнең кыйммәтләре турында белемнәрен ныгыттылар, остазлыкның мөһимлеге, укытучы һөнәренә хөрмәт белән карарга кирәклегенә инандылар.

Илебез буенча октябрь ае башында "Өлкәннәр көне" уздырыла. Төрле җирләрдә өлкәннәрне котлаулар, бүләкләүләр, искә алулар бара. Өлкән кешеләр - безнең әти-әниләребез, әби-бабайларыбыз. Алар бик күп авырлыклар күргән, дөньяның ачысы-төчесен татыган кешеләр. Бүген, ягъни 30 сентябрь көнне, укучыларыбыз өлкәннәребезнең хәлләрен белеп, бәйрәм белән котладылар.

26 нчы сентябрь көнне ата-аналар комитетыннан Имамова Римма Риф кызы ашханәдә укучыларның туклануларын күзәтте.