16-21 нче гыйнвар көннәрендә мәктәбебездә башлангыч сыйныфлар атналыгы булды. Атналык барышында 1 нче һәм 2 нче сыйныф укучылары арасында рәсем ясау бәйгесе уздырылды. 3 нче 4 нче сыйныф укучылары "Кыш" темасына инша яздылар. Барлык сыйныф укучылары да каллиграфик дөрес язуда катнаштылар. "Иң-иң зирәкләр" табышмаклар кичәсендә билгеле булды. Сәламәтлекләрен ныгыту максатыннан, чаңгы ярышы үткәрелде. Педагогик осталыкларын үстерү максатыннан,1-4 нче сыйныф укытучылары ачык дәресләр күрсәттеләр. Һәрбер дәрескә тирәнтен анализ ясадылар. Тәнәфесләрдә җырлы-биюле уеннар оештырылды, милли уен-җырларга өстенлек бирелде. Үткәрелгән чаралар дирекция тарафыннан югары бәяләнде.

Бүген Казанда Татарстан Республикасы Спорт министрлыгының йомгаклау коллегиясе узды. Биредә, район башкарма комитет җитәкчесе Рөстәм Ильясов җитәкчелегендә район вәкилләре дә катнашты. Районыбызның танылган көрәшчесе, мәктәбебездә укучыларны милли көрәш серләренә төшендерүче остазыбыз Ришат Әбүдар улы Нургалиевка Россия Федерациясенең атказанган спорт остасы исеме бирелде. Аны, тантаналы рәвештә Россия Федерациясе Спорт министры Олег Матыцин тапшырды. Ихластан котлыйбыз!

Мәктәптә "Без сезнең белән горурланабыз!" дип исемләнгән китап күргәзмәсе оештырылды. Хөрмәтле махсус операциядә катнашучы якташларыбыз! Сезнең һәр көнегез, аегыз - гомерегез туган илебезнең бәйсезлеген саклауга багышланган. Рухи ныклы, сәламәтлек сезне ташламасын. Исән-имин туган ягыбызга әйләнеп кайтыгыз! #исәнлек #тынычлык #сәламәтлек

27 нче гыйнвар - Ленинградның камалыштан чыккан көне. Мәктәптә, шушы көн уңаеннан, сыйныф сәгатьләре үтте. Ленинград блокадасы 871 көн дәвам иткән.

"Балалар иҗат үзәге" кулланылышта булган консерв банкаларын, шәмнәр җыю буенча #шәмяктысы акциясенә кушылырга чакырды. Безнең мәктәп укучылары, укытучылары, әти-әниләр бу акциядә актив катнаштылар. Акциянең асылы - махсус хәрби хезмәттә булган егетләребезгә күңел җылысын бүләк итү.

17 нче гыйнвар көнне мәктәбебез волонтерлары Фидания Яhудә кызы җитәкчелегендә Зәкиева Галия апага ярдәм итәргә бардылар. Алар хуҗалык эшләрендә булыштылар, утын бушаттылар. Мәктәбебездә волонтерлык эшчәнлеге даими алып барыла. Өлкәннәребез алар ярдәменнән бик канәгать калалар hәм рәхмәтләрен әйтәләр. Укучыларда кешелеклелек, әхлак сыйфатлары тәрбияләү, хезмәт тәрбиясе бирү - безнең төп максатыбыз.

С 1 сентября 2020 года в России запущена совместная горячая линия Общероссийской общественной организации «Народный фронт «За Россию» и Минпросвещения России. С момента начала работы горячей линии было получено более 17 000 обращений, из которых сформированы более 6 500 жалоб. Поступившие жалобы рассматриваются в том числе на оперативных штабах Министерства просвещения Российской Федерации по организации горячего питания. Минпросвещения России информирует, что в связи с технической необходимостью изменился номер телефона для приема сигналов по школьному питанию.

Бүген 2 нче сыйныфның ата-аналар комитетыннан Мирзагитова Айсылу ашханәдә укучыларның туклануы белән танышты.

Яңа Әлем мәктәбендә ачылган "Үсеш ноктасы" үзәгенең Талантлар Университеты белән эшчәнлек алып бару буенча килешү төзелгән иде. Декабрь башында мәктәп директоры Илназ Илшат улы белән Талантлар Университетының проеклар иҗат итү лабораториясе координаторы Рөстәм Айрат улы эшчәнлекне арттыру буенча күрешеп сөйләштеләр. Бүген исә 7-9 сыйныф укучылары Талантлар Университетының төп юнәлешләре белән, укуда һәм укудан тыш вакытта кулланып була торган чаралары, төрле бәйгеләр турында видеоочрашуда таныштылар. Үзләренең лидерлык сыйфатларын, сәләтләрен үстерәсе килгән, проект эшчәнлеге белән шөгыльләнәсе һәм фәннәр буенча белемнәрен арттырасы килгән укучылар өчен бу менә дигән мөмкинлек!

Мәктәптә Яңа елга әзерлек бара. Шул уңайдан, укучыларыбыз класс җитәкчеләре, әти-әниләр белән берлектә, бәйрәмгә багышлап, стендгазеталар чыгардылар.