ГИМНАЗИЯБЕЗ УҢЫШЛАРЫ РЕСПУБЛИКА КИҢЛЕКЛӘРЕНДӘ:

Татарстан радиосында, республика Рәисе каршындагы телләр комиссиясе ярдәме белән әзерләнә торган "Фидакарьләр" проектында гимназиябез  укучылары һәм аларның мөгаллиме Чулпан Рәмзил кызы Шәрипова. Дәрес  темасы: "Батырлык матур була".

ММСО.ЕХРО-2025: "Мәгариф киләчәк икътисады өчен"

Гимназиябез директоры Венера Хәмәтнәсыйх кызы Хәева-Хәмәтҗанова җитәкчелегендә, директорның методик-инновацион эшчәнлек буенча урынбасары Юлия Валентин кызы Әмирҗанова,  директорның тәрбия эшләре буенча урынбасары Ленар Зөфәк улы Шәвәлиев Мәскәү шәһәрендә эшлекле семинарда. Имин сәфәрләр һәм уңышлар телибез үзләренә!
5-6 март көннәрендә узучы  Мәскәү халыкара мәгариф салоны быел "Мәгариф киләчәк икътисады өчен" темасы астында уза.
Мәгариф салоны - дәүләт структуралары, белем бирү һәм эксперт оешмалары җитәкчеләре, педагогик һәм ата-ана җәмәгатьчелеге вәкилләре өчен бик дәрәҗәле һәм абруйлы аралашу киңлеге. Биредә мәгариф өлкәсендәге әйдәп баручы экспертлар белән аралашу мөмкинлеге тудырылган. Мәгариф өлкәсендәге идарәчеләр, педагоглар һәм ата-аналар өчен 100 дән артык секция һәм панель дискуссияләр эшли.
Мәскәү халыкара мәгариф салоны –  Россия белем бирү өлкәсендә иң зур чара: ачык форум һәм илдәге яңа белем бирү технологияләре, инновацион проектлар күргәзмәсе.  Чаралар көндезге һәм онлайн-форматта да узачак.

"Йолдызлык-2025" фестивалендә гимназиябез Гран-при яулады!
Әлеге җиңүгә үз өлешен керткән укучыларга һәм аларны әзерләгән җитәкчеләргә, әти-әниләргә бик зур рәхмәт!
Алга таба да уңышлар телибез йолдызчыкларыбызга!

Гимназиябезнең 7А  сыйныф укучысы Әхмәдгалиев Самир
“Илһам чишмәсе” исемендәге V төбәкара җыр бәйгесендә катнашып, Рәхмәт хаты белән бүләкләнде.

4В класс укучылары районның "Туган як " музеенда булдылар. Алиса  апалары балаларга туган ягыбызның табигате, анда яшәүче күренекле шәхесләребез, халкыбызның борынгы көнкүреше, яшәеше турында кызыклы мәгълүмат бирде.
Бик эчтәлекле, кызыклы очрашу булды. Экскурсияне оештыручы әти-әниләребезгә, музей коллективына зур рәхмәтебезне   җиткерәбез.

18-19 февраль көннәрендә гимназиябездә
Татарстан Республикасы Мәгариф һәм фән министрлыгының өстәмә һөнәри белем бирүне үстерү бүлеге җитәкчесе
Шәяхматова Роза Искәндәр кызы җитәкчелегендә, Актаныш, Әгерҗе, Мөслим һәм Сарман районнары мәгариф идарәсенең мәгълүмати-методика бүлекләре җитәкчеләренең һәм методистларының семинар-киңәшмәсе узды.
Укучыларның
гимназиябезнең брендына әйләнеп баручы иҗади-шәхси проект эшләре үрнәк методик күргәзмә буларак тәкъдим ителде.
Укучыларның һәм укытучыларның, сыйныфларның, профильле уку сыйныфларының, ата-ана һәм укучының проект эшләре республика югарылыгында яңа ачышлар буларак бәяләнде.

ХӘРБИ-ПАТРИОТИК АЙЛЫК:15 февраль – Әфганчылар көне!Гимназиябез укучылары район мәдәният йортында узган район чарасында катнашып, әфган сугышында катнашкан сугышчы-интернационалистлар белән очрашты.

Гимназиябездән директорның укыту эшләре буенча урынбасары Рәйхан Флүс кызы Галимҗанова, инглиз теле укытучылары Сания Мөдәрис кызы Гыймранова, Фәйрүзә Филарис кызы Ганиева, Румия Данис кызы Темел, Рузилә Айдар кызы Мусина «Адымнар - Казан» полилингваль белем бирү комплексында узучы "Полилингваль белем бирү шартларында укытуның интерактив ысуллары һәм алымнары ярдәмендә функциональ грамоталылык формалаштыру" төбәкара семинарында катнаша бүген.

Инглиз теле атналыгы кысаларында, бездә практика узучы - НДПУның 5 курс студенты Фәрдиева Алисә Нәзим кызы 8Б сыйныфында «Һөнәрләр» темасына дәрестән тыш ачык дәрес үткәрә.