ГИМНАЗИЯ-ПОБЕДИТЕЛЬ ГРАНТА "ФИЗИКО-МАТЕМАТИЧЕСКИЙ ПРОРЫВ В ШКОЛЕ-2025"

Список номеров «горячей линии» в Республике Татарстан:

8(843)294-95-06 – отдел общего образования и итоговой аттестации обучающихся Министерства образования и науки Республики Татарстан (вопросы, касающиеся единого государственного экзамена);

8(843)294-95-62 – отдел общего образования и итоговой аттестации обучающихся Министерства образования и науки Республики Татарстан (вопросы, касающиеся основного государственного экзамена, государственного выпускного экзамена);

8(843)237-74-36 - Департамент надзора и контроля в сфере образования Министерства образования и науки Республики Татарстан.

Режим работы телефонов «горячей линии» в Республике Татарстан: с 9.00 часов до 18.00 часов (понедельник - пятница, за исключением нерабочих праздничных дней).

Список номеров муниципальной «горячей линии» в Актанышском муниципальном районе:

8(85552) 3-44-70 - "Управление образования" Исполнительного комитета Актанышского муниципального района Республики Татарстан;

8(85552) 3-44-29 – информационно – методический отдел "Управления образования" Исполнительного комитета Актанышского муниципального района Республики Татарстан.

Режим работы телефонов муниципальной «горячей линии» в Актанышском  муниципальном районе: с 7.30 часов до 16.15 часов (понедельник - пятница, за исключением нерабочих праздничных дней).

ҺӨНӘРИ ОСТАЛЫК: «Кеше тәрбияләргә», «Йөрәгемне балаларга бирәм» тәрбия өлкәсе хезмәткәрләренең һөнәри осталыгы Бөтенрәсәй конкурсының район этабында катнашып, “Сыйныф җитәкчесе” номинациясендә гимназиябезнең 6В сыйныф җитәкчесе – инглиз теле укытучысы Рузилә Айдар кызы Мусина, “Өстәмә белем бирү педагогы” номинациясендә табигый фәннәр юнәлеше буенча инглиз һәм төрек теле укытучысы Румия Данис кызы Темел 1 урын яулаган иделәр. Бүген – 24 март көнне алар Яр Чаллы шәһәрендә узучы зона этабында чыгыш ясыйлар.
Рузилә Айдар кызына һәм Румия Данис кызына һөнәри осталык бәйгесенең зона этабында уңышлар телибез!

"Физик-химик алгарыш: мәктәпләрдә табигый-фәнни белем бирүнең үсеш ноктасы" республика проектын гамәлгә ашыру кысаларында, гимназиябезнең физика укытучысы Резеда Тимергази кызы Маликова Чаллы шәһәренең 77 нче гимназиясендә физика укытучылары өчен ИРО квалификация күтәрү курсларының республика стажировка мәйданчыгында укуда.

“Китаплар шәһәре”

Китапханәгә беренче килү беренче сыйныф укучылары өчен бик мөһим вакыйга. Бүген гимназиябезнең 1 “Б” сыйныф укучылары сыйныф җитәкчесе Сөмая Тәлгать кызы, озайтылган көн тәрбиячесе Фәнилә Фирдәвис кызы белән экскурсиядә булдылар. Китапханә хезмәткәрләре балаларны «Китаплар шәһәре» урамнары буйлап сәяхәткә чакырды, анда урамнар урынына — стеллажлар, этажлар урынына — китап киштәләре, ә шәһәр йортлары урынына — китап томнары. Һәр йортның үз исеме бар. Сәяхәт барышында яшь укучылар китапның барлыкка килү тарихын белделәр, яңа сүзләр белән таныштылар: абонемент, уку залы, формуляр, стеллаж һ.б. Шулай ук алар кирәкле китапны ничек табарга икәнен белделәр, китапханә кагыйдәләре, китап белән эш итү серләренә төшенделәр.

Беренче сыйныф укучылары уку залындагы балалар өчен булган журналларны һәм китапларны зур кызыксыну белән карадылар. Интерактив экрандагы, өстәлдәге мавыктыргыч уеннар укучыларның белемнәрен, зирәклекләрен “сынады”.

Шулай ук укучыларга бердәм уку билетлары тапшырылды.

Беренче сыйныф укучыларына сәяхәт бик ошады, алар китапханәгә кабат килү теләге белән таралыштылар.

Гимназиябез укучылары "Йолдызлык" фестиваленең район турының гала-концертында чыгыш ясады. Район турында җиңүче йолдызчыкларыбыз бүләкләнде.
Быел фестивальдә гимназиябез 67 номер белән катнашты.
Нәфис сүз, конферанс, җыр, бию, вокал ансамбльләр чыгышлары соклангыч булды. Яңа йолдызчыкларыбыз барлыкка килде.
“Ак нур”, “Хәзинә” җыр һәм бию ансабльләре җитәкчеләре Миләүшә Робсон кызы Солтанова, Әлфинә Фердинас кызы Фәйзуллина һәр яшь төркемендә яңа чыгышлар әзерләде.
Сәхнә костюмнары әзерләүдә, тектерүдә әти-әниләребез, һәрвакыттагыча, гаҗәпләндерде дә, сокландырды да. Берсеннән-берсе матурлар! Рәхмәт сезгә!

Гимназиябез укучылары "Йолдызлык" фестиваленең район турының гала-концертында чыгыш ясады. Район турында җиңүче йолдызчыкларыбыз бүләкләнде.
Быел фестивальдә гимназиябез 67 номер белән катнашты.
Нәфис сүз, конферанс, җыр, бию, вокал ансамбльләр чыгышлары соклангыч булды. Яңа йолдызчыкларыбыз барлыкка килде.
“Ак нур”, “Хәзинә” җыр һәм бию ансабльләре җитәкчеләре Миләүшә Робсон кызы Солтанова, Әлфинә Фердинас кызы Фәйзуллина һәр яшь төркемендә яңа чыгышлар әзерләде.
Сәхнә костюмнары әзерләүдә, тектерүдә әти-әниләребез, һәрвакыттагыча, гаҗәпләндерде дә, сокландырды да. Берсеннән-берсе матурлар! Рәхмәт сезгә!

Гимназиябезнең 5А сыйныф укучысы Латыйпова Ясминә “Сакла” юл хәрәкәте иминлеге порталы үткәргән
«Минем мәктәпкә һәм өйгә куркынычсыз юлым» бәйгесендә катнашып, җиңү яулады һәм велосипед белән бүләкләнде.

МӘДӘНИ МИРАС: Гимназиябезнең 5-11 сыйныф укучылары бүген "Риваять" этно – төркеменең “Моң сандыгы” интерактив-программасын тамаша кылды.
Коллектив җитәкчесе Руслан Габитов – Актаныш егете. Актанышларга хас киңкырлы талант иясе. “Риваять” төркеме оешуга быел 15 ел була. Төркемдә үндүрт кеше эшли. Иң яшь артист Ильяска 18 яшь, ә иң олысы Айдар абыйга 52 яшь икән.
Артистлар тере тавышка җырлап, биеп, борынгы уен коралларында – кубыз, думбра, озын курайлар, бәрмә уен коралларында уйнап, укучыларны да моң патшалыгына алып кереп киттеләр.
Балалар курай, думбра, таш, сыбызгы, сорнай, кубыз, кыл-кубыз, музыкаль суган, дунгур һәм барабан кебек борынгы музыка кораллары белән танышты.
Уен коралларын танып белү викторинасы аша укучыларыбызны сәхнәгә дәшеп, уен коралларында уйнау тәртибен аңлатып, уйнатып карап, укучылардан торган “Алга” этно төркемен оештырып, аларның беренче чыгышларын да оештырдылар артистларыбыз. Сәхнәдә тоту күнекмәләренә өйрәтеп, мастер-класс күрсәттеләр.

Чаллы, Алабуга, Түбән Кама һәм Актаныш полилингваль мәктәпләре арасында узган КВН ярышында
гимназиябез укучылары “Түбәтәй” командасы белән катнашты.
Алабуга-"Пәрәмәч",
Түбән Кама-"Алга",
Чаллы-"Әрсезләр"
командалары белән көч сынашты алар.
Әлеге уен төренең үз кануннары. Шаянлыкта, тапкырлыкта юмор аша үз осталыгыңны күрсәтү - безнең өчен яңа жанр. Һәр биремгә әзерлек, киемнәр, атрибутика сайлау, сценарий язу, артистизм, шаян биюләр әзерләү укучылардан да, педагог-оештыручы Ильвира Валерий кызы Галиева, хореограф Миләүшә Робсон кызы Солтановадан да зур көч, тапталмаган яңа идеялар-фикерләр һәм зур җаваплылык сорады.
Визитка, разминка, өй эше кебек биремнәргә әзерлектә һәр сүзгә, һәр хәрәкәткә күп мәгънә салынды. Җор теллелек, тапкырлык, шаянлык мимик хәрәкәтләрдә дә чагылыш тапты.
"Түбәтәй" командабыз ярышта I урын яулап, гимназиябез данын яклады. Диплом һәм кубок белән бүләкләнде.
"Мунча ташы" театры артисты Гамил Әсхадулла истәлеккә театраль мендәр һәм китаплар да бүләк итте.
Афәрин, квнчыларыбыз!