5В сыйныф кызлары технология дәресендә шоколадлы панкейк пешерде. "pancake" pan- сковорода, а cake-пирог дигән сүз. Табада пирог пешерүче кызларыбызга аш-су серләренә төшенүдә уңышлар телибез!

20 гыйнвар -Татарстан Республикасының беренче Президенты , РФ Хезмәт Каһарманы, Ватан алдындагы казанышлары өчен ордены кавалеры Минтимер Шәрип улы Шәймиевка 86 яшь! Шул уңайдан китапханәбездә китап күргәзмәсе оештырылды.

Гимназиябезнең 11 сыйныф укучылары инглиз теленнән бердәм дәүләт имтиханына әзерләнә. Бүген алар белән онлайн-дәрестә гимназиябездә эшләгән инглиз теле укытучысы - хәзер Мисырда яшәүче Рамил Марат улы Гарипов.

Юлай Низаев белән берлектә "Ак җилкән" гимназия газетасының тәүге редколлегия утырышы узды.

Гимназиябезнең “Адымнар” комплексын XXI гасыр таләпләренә җавап бирерлек зәвыклы, заманча төзүдә зур булышлык күрсәтүче, гимназия биналары арасында җылы күчү юлы төзүдә дә ярдәм итүче, һәр эш-гамәле, яшәү рәвеше, зирәк Кеше, Шәхес булуы белән дә безгә һәрчак үрнәк булучы - милләтебезнең зур хөрмәткә лаек шәхесе,Татарстан Республикасының беренче Президенты, Россия Федерациясе Хезмәт Герое, якташыбыз Минтимер Шәрип улы Шәймиевнең бүген туган көне!
Хөрмәтле Минтимер Шәрип улы! Сезне туган көнегез белән котлыйбыз! Алдагы көннәрдә дә сәламәт булып, балаларыгызның, оныкларның игелеген күреп, милләтебезнең горурлыгы булып, дәрәҗәле гомер кичерергә язсын!

Җәза үтәтү федераль хезмәтенең Татарстан Республикасы буенча идарәсе районда эшләүче вәкилләр һәм филиаллар аша, һәр елны, мәктәпне тәмамлаучыларга юридик белем бирүче уку йортларына керергә булыша. Россия Җәза үтәтү федераль хезмәтенең Самара шәһәрендәге юридик институты җәза үтәтү системасында режим һәм күзәтчелек оештыру белгечләре әзерли. Псковтагы институтта җәза үтәтү инспекцияләренең эшчәнлеген оештыру, Владимирдагы институтта җәза үтәтү системасында оператив эзләнү эшчәнлеге белгечлеге буенча белем бирәләр.
Бүген шундый очрашуларның берсе гимназиябездә 11 нче сыйныфны тәмамлаучы укучылар белән узды.

Гимназиябез укучылары Бөтенроссия экологик рәсемнәр конкурсының район этабында катнаша. Ашыгыгыз! Рәсемнәр 20 гыйнварга кадәр кабул ителә.

Шәфкать туташыбыз Нәбиуллина Клара Нәҗип кызы "Тәмәке һәм глицериннан эшләнгән аксымны тартуның зыяны" дигән темага, интернатта яшәүче балалар белән, тирән эчтәлекле әңгәмә үткәрде.

Гимназиябезнең 11 сыйныф укучылары профильле математика буенча бердәм дәүләт имтиханын тапшырырга әзерләнә. Бүген аларны Казан милли тикшеренү технология университетының югары математика кафедрасы доценты, техник фәннәр кандидаты Рөстәм Фахраддин улы Ахвердиев укыта. Рөстәм Фәхраддин улы укучыларга икенче өлеш мәсьәләрен чишү ысулларын аңлатты, сынау БДИнын тикшерү критерийлары белән таныштырды, үзенең киңәшләрен бирде һәм укучыларның күпсанлы сорауларына җавап бирде. Очрашу нәтиҗәле һәм динамик узды,  укучыларга һәм укытучыларга бик ошады. Чара ахырында Рөстәм Фәхреддин улы укучыларга математикадан БДИны уңышлы тапшыруларын һәм югары баллар теләде!

Математикадан «Олимпка юл» республика олимпиадасында гимназиябезнең 8В сыйныфы укучысы Румил Хаҗиев (фотода сулдан беренче) призер булды. Укытучысы - Земфия Гыйльфан кызы Вәлиева. Котлыйбыз!