Гимназиябезнең 7Б сыйныфы кызлары, технология укытучысы Лилия Глүс кызы Вәлиева җитәкчелегендә, "Созвездие-Йолдызлык" фестиваленә әзерләнә. Вокаль ансамбль өчен костюмнар әзерлиләр.

Гимназиябезнең 8-10 сыйныф укучылары белән КФУның педагогика фәннәре кандидаты, доцент Елена Ильдар кызы Әюпова рус теленнән онлайн дәрес үткәрә - олимпиадага әзерлек.

Гимназиябезнең 5-10 сыйныф укучылары татар теленнән республика олимпиадасына әзерләнә. Олимпиадага әзерлек буенча КФУ галимәсе - хәзерге татар теле һәм укыту методикасы кафедрасы доценты Рәмилә Камил кызы Сәгъдиева үткәргән чираттагы онлайн дәрес.

Бүген – 23 гыйнвар көнне, гимназиябездә "Разговоры о важном – Мөһим темага сөйләшү" сыйныф дәресләре "Медиа грамоталылык һәм санлы гигиена" мәгълүмати куркынычсызлык темасына багышланды. Әлеге фотода 4А сыйныфы укучылары класс җитәкчесе Илиза Энгель кызы Ахунова белән дәрес вакытында.

Бөтенроссия олимпиадасының төбәк этабында рус теленнән гимназиябезнең 9А сыйныфы укучысы Алинә Хәернасова призер булды! Укытучысы Энҗе Фирдәвис кызы Шагъзамова. Котлыйбыз!

Гимназиябезнең беренче сыйныфына укырга керәчәк балалар белән әзерлек дәресләре.

Атналык дүшәмбе линейкасы, гадәттәгечә, дәүләт флагларын кертүдән башланды. Уку, тәрбия, һәр төр юнәлештәге конкурслар, ярышлар, Бөтенроссия фән олимпиадаларының республика этабы, укытучыларыбызның һөнәри бәйгеләре, укучыларыбызның проект эшләре – өченче чирек шулай тынгысыз, киеренке уза бездә. Һәм без шул эш ритмына ияләнгән дә инде!
Атналык линейкада узган атнага нәтиҗә ясап, яңалыкларны белешеп, һәр кайсыбыз гимназиябезнең эш-уку мохитенә кереп чумдык. Һәр көн яңалыкларга бай, кабатланмас уза бездә.
Линейка барышында да үзебезнең традицияләрне саклыйбыз. Узган атнада дежур торган 5б сыйныфы хисап тотканнан соң, кизү торуны 5а сыйныфы кабул итеп алды. Бөтенроссия фән олимпиадаларының республика этабында, спорт ярышларында җиңүчеләрне дә хөрмәтләдек.

Йөзүче егетебез – 5В сыйныф укучысы Раяз Маликов та районыбызның “Дулкын” бассейнында максатчан шөгыльләнә. Район ярышларында үз яшьтәшләре арасында һәрчак беренче ул! Яңа ел турнирында да район йөзү ярышында 1 урын яулады. Молодец, Раяз!

Татарстан һәм татар халкы тарихы буенча республика олимпиададасының йомгаклау этабында гимназиябезнең 11А сыйныф укучысы Миләүшә Фәйзуллина призер булды. Укытучысы – Марат Илсур улы Гыйльметдинов. Котлыйбыз!

Интернатыбызда яшәүче балалар белән моң алиһәсе Әлфия Авзалованың тормыш һәм иҗат юлына багышланган "Могҗизалар кыры" уены узды. Суперфиналда Гәрәев Айбулат жиңүче булды. Котлыйбыз! Тәрбияче - Шәрифуллина Алия Вил кызы.