Физик культура фәне буенча республика олипиадасының йомгаклау этабында гимназиябезнең 6-7 сыйныф укучылары Имамразыева Әминә, Харрасов Илмар, Әмирҗанов Роман призер исеменә лаек булды. Укытучылары Харрасова А.Р., Исламов И.Р. Афәрин! Котлыйбыз!

Интернатта яшәүче кызларыбыз тәрбиячеләре Зөлфия Мазгар кызы белән беренче илбашыбыз Минтимер Шәрип улы Шәймиевның тормыш һәм хезмәт юлына күзәтү ясадылар.

Сөенәбез, шатланабыз,

Күңелле утә кышлар. 

Чангы, чана, тимераяк - 

Безнең иң якын дуслар. 

Сәламәтлек - зур байлык. Сәләт төркеменең күңелле ял вакытлары.

Тормыш иминлеге нигезләре фәне буеннча Бөтенроссия укучылар олимпиадасының региональ этабы призеры исемен яулаган укучыбыз Габдуллина Алинәне зур җиңүе белән котлыйбыз! Укытучысы - Сибгатуллин Ришат Тимершәех улы. Афәрин!

Татар теле фәне буенча КФУ галимнәре үткәргән олимпиадага әзерлек дәресләре дәвам итә. Бүгеннән башлап укучылар ике төркемдә шөгыльләнәләр.

Башлангыч сыйныфларда "Кайсы очракларда "Юк!" дип әйтә белергә кирәк" темасына сыйныф сәгатьләре үтте. Укучылар яхшыны яманнан аерырга өйрәнделәр, сәламәт булу өчен зарарлы гадәтләрдән тыелырга кирәклеген үзләренә тагын бер кат искәрттеләр.

"Мин сәламәт булырга телим! Мин сәламәт була алам! Мин сәламәт булырга тиеш! Начар гадәтләргә -ЮК!!!" Шушы шигарь астында 2 нче  сыйныфларда саф һавада класс сәгатьләре үтте.

Егетләр интернаты ягында ашау сыйфатын бәяләр өчен ата-аналар кичке ашка килә башлады. 6в сыйныф укучысы Газизов Инсафның әти-әниләре "Кичке аш бик тәмле, туклыклы, алдагы көннәрдә дә уңышлар" дип теләп, канәгать булып киттеләр. Барыбыз да сәламәт булыйк!

21 гыйнвар көнне 1 нче сыйныф Сәләт төркеме укучыларына китапханә белэн таныштыру максатыннан экскурсия оештырылды һәм укучылар кулларына беренче китапларын алып укыды.

Җомга чарасы кысаларында интернатта торучы укучылар тәрбиячеләре Зөһрә Спартак кызы җитәкчелегендә "Физкультура һәм спорт иленә сәяхәт" ясады. Соңыннан интернат җитәкчесе аларны чәй тәмнәре белән сыйлады.