10 сыйныф укучылары бүген район үзәк китапханәсендә  2022 ел - Халык сәнгате һәм мәдәни мирасны саклау елына багышланган чарада катнаштылар.

Гимназиябез кызлары Алинә Габдуллина, Айзилә Арсланова(10 А), Таңсылу Фәррахова(10 В) волейбол командасы районның хатын-кызлар җыелма волейбол командасы составында уйный башлады. Башкортостанның Илеш районының Югары Яркәй авылында 15 март көнне узган волейбол ярышында район данын яклап, җиңүгә иреште алар. Афәрин! Кызларыбызны, тренерлары Ленар Ибнеевны җиңүләре белән котлыйбыз! 

Сыйфатлы бию кую, сәхнәгә әзерләп чыгару өчен күпме вакыт кирәк дип уйлыйсыз? Үзегез исәпләп карагыз: Актаныш гимназиясенең 10-11 сыйныф укучылары хореограф Миләүшә Солтанова җитәкчелегендә инде бүгеннән үк "Соңгы кыңгырау" бәйрәмендә вальс биергә әзерләнә.

5А, 5В, 5Г сыйныфы укучылары бүген “Адымнар нык, юллар имин булсын!” викторинасында юл йөрү кагыйдәләрен белүдә үз белемнәрен сынадылар. “Куркынычсыз юл” өстәмә дәресләр укытучысы Айзилә Әмирова укучыларның белемнәрен һөнәри яктан бәяләү өчен жюрига “Юл хәрәкәте иминлеге” Дәүләт бюджет учреждениесенең Актаныш районындагы профилактика бүлеге җитәкчесе Лена Фазлыеваны чакырган иде. 

Һәр бирем укучылар өчен мавыктыргыч итеп төзелгән, һәр дөрес җавап өчен командага фишкалар бирелде. “Юл билгеләре”, “Светофор”, “Шоферлар” командалары - һәр кайсы бик актив булды. “Шоферлар” командасы җиңү яуласа да, “Юл билгеләре”, “Светофор”лар да алардан азга гына калышты. Молодцы, булдырдыгыз, нәни юлчыларыбыз!

Тәрбия һәм өстәмә белем бирү буенча һөнәри конкурста катнашучы хезмәттәшләребез Әмирова Айзилә Наил кызын, Аграпова Миләүшә Рәдис кызын, Хәсәнов Рәмис Илгиз улын, Халиуллина Мария Владимировнаны җиңүләре белән тәбриклибез!

Зилия Мансурова бүген Казан шәһәрендә иҗади бәйгенең ярымфиналында катнаша.  "Тархан" тарихи-мәдәни конкурсында уңышлар телибез, Зилия!

Гимназиядә 10 марттан 21 мартка кадәр укучылар үзләренең еллык күзәтү һәм тикшерү алымнарына нигезләнгән шәхси проектларын 10 секциядә яклыйлар. Бүген, 15 нче март көнне укучылар психология, физкультура, тормыш иминлеге фәне секцияләрендә үз эшләрен тәкъдим итә.

"Пушкин картасы" билетлары белән,  82 укучыбыз бүген "Онытмаска иде үткәннәрне" спектаклен тамаша кылып кайтты.

Бүген егетләр интернатында 10 класс укучылары "Оливье" салаты эшләп, иптәшләрен сыйлады.

Чаллы шәһәрендә узган "Музыкальный звездопад" конкурсында 9а классы укучысы Загертдинова Гөлия 1 дәрәҗә лауреат булды. Котлыйбыз!