6 гыйнвар көнне район мәдәният йортында район башлыгының Чыршы бәйрәме узды.Бу бәйрәмгә уку алдынгылары, фән олимпиадаларында җиңүчеләр, спортта һәм мәдәният өлкәсендә уңышка ирешкән укучылар чакырылган иде.Безнең мәктәптән 5 класс укучысы Камалов Булат, 7 класс укучысы Муллаянова Зөһрә бәйрәмдә катнаштылар.Укучыларыбызга киләчәктә дә уңышлар телибез.

   Бүген, ягъни 5 нче гыйнвар көнне мәктәптә план нигезендә педагогик киңәшмә үтте.Киңәшмәнең көн тәртибе буенча рус теле укытучысы Ахметова Ч.И. "Роль классного руководителя в организации профориентационной работы с учащимися" , тәрбияче Магданова А.Г. "Мәктәп һәм балалар бакчасы арасындагы дәвамчанлык" дигән темага чыгышлар ясадылар.Шулай ук II чирек йомгаклары, чирек дәвамында үткәрелгән атналыклар, контроль эш, фән олимпиадаларының нәтиҗәләре турында укыту-тәрбия буенча директор урынбасары Диләфрүз Йосып кызы анализ ясады.Киңәшмәдә шулай ук алга бурычлар куелды, башка мәсьәләләр каралды. 

3.01.2017-4.01.2017 көннәрендә мәктәптә рус теленнән Төп Дәүләт имтиханына әзерлек консультацияләре үткәрелсә, 5.01.2017-6.01.2017 көннәрендә безнең мәктәп базасында Меңнәр, Югары Яхшый төп гомуми белем бирү мәктәбенең чыгарылыш сыйныф укучылары өч төркемгә бүленеп ТДИга әзерлек курслары үттеләр. Курсларны шушы ук мәктәпләрнең математика укытучылары: Д.М.Шәвәлиев -"ТДИны "5"легә", З.Хәмзина -"Урта төркем", Л.Хәбирова-"ТДИ "2"лесез" төркемнәрендә укулар алып бардылар.

  4 гыйнвар көнне Актанышта мәгариф хезмәткәрләренең кышкы спартакиадасы узды.Ярышлар "Бүләк" чаңгы-роллер трассасында, "Актаныш" спорт комплексында, Балалар иҗат үзәге биналарында оештырылды.Спартакиада программасына өстәл теннисы, шахмат, чаңгыда узышу, аркан тартышу кебек спорт төрләре кертелгән иде.

 3 гыйнвар көнне Актанышта укучылар арасында  шахмат турниры үтте.Район җирлекләреннән әлеге турнирда барлыгы 83 шахматчы бала катнашты.

      Безнең мәктәптән 3 класс укучысы Ихсанова Айгөл, 5 класс укучысы Камалов Булат, 6 класс укучысы Ихсанов Данил турнирда уңышлы чыгыш ясап кайттылар.

         29 декабрь көнне Актаныш муниципаль районы "Актаныш авыл җирлегара үзәк китапханә" "Яңа ел маскарады" костюмнары бәйгесе уздырылды.Безнең башлангыч укучылары да бу бәйгедә бик актив катнаштылар.Укучыларга, укытучыларга грамота, рәхмәт хатлары, истәлекле бүләкләр тапшырылды.Бәйгегә укучыларны әзерләделәр:А.Ф.Хисамова, Э.Ф.Гарипова.Аларны уңышлары белән котлыйбыз!

       24 нче декабрь көнне мәктәбебездә зарыгып көтеп алган Яңа ел бәйрәме узды.Бәйрәм кичәсе театральләштерелгән чара белән башланып китте.Кыш бабай белән Кар кызы килгәч, укучылар шигырьләр сөйләделәр, җырладылар.Бәйрәм концерт номерлары белән үрелеп барды.Төрледән-төрле кызыклы уеннар уйнадылар, кичә азагында лотерея уйнатылды, маскаларга урыннар чыгарылды.Кунак булып килгән әти-әниләр, укучылар бәйрәмнән бик канәгать калдылар.

     Бәйрәм кичәсен мавыктыргыч һәм кызыклы итеп 7 класс җитәкчесе Зөлфия Назиф кызы, педагог-оештыручы Ләйлә Наил кызы уздырды.

21-22 нче декабрь көннәрендә укучылар математика һәм рус теле фәннәреннән район мәгариф бүлеге тарафыннан җибәрелгән алдан биреп карау имтихан эшләрен яздылыр.   

19-21 декабря в рамках проекта SMS-дети отрядом "Ялкын" была проведена акция "Подари чудо".

16 нчы декабрь көнне татар теленнән Республика олимпиадасының муниципаль туры узды. Анда безнең мәктәптән 4 укучы катнашты: 4 нче класс укучысы Исламова Әдилә, 5 нче класс укучысы Камалов Булат, 6 нчы класс укучысы Госманова Гөлшат һәм 8 нче класс укучысы Фәррәхова Гөлсылу. Нәтиҗәдә 5 нче класс укучысы Камалов Булат призер булды. (Укытучысы: А.И.Шакирова). Булатны әлеге җиңүе белән котлыйбыз һәм киләчәктә дә уңышлар теләп калабыз!