“Кешегә бетмәс-төкәнмәс иҗат чыганагы салынган. Менә шул чыганакны ачарга, иреккә чыгарырга, кешегә иҗтимагый тормышта урынын табарга булышырга, аңа үсү өчен тиешле шартлар тудырырга кирәк” дип язган бөек рус язучысы Л.Н.Толстой. Шушы гыйбарәне искә алып, тәрбиячеләр лагерь балалары белән бергә “Сәләтләр көне” уздырдылар. Һәр бала булдыра алганча үзенең нинди дә булса сәләтен күрсәтте.  

Бүген лагеребызда районыбызның “Космос” кинотеатры балалар өчен эшләнгән “Хәвефле каникуллар” исемле кинофильм күрсәтте. Әсәрнең эчтәлеге тормыш белән бәйле булган фактларга нигезләнгән иде, вакыйгалар барышында терроризмга корылган эпизодлар  бар иде. Балалар кинофильмны кызыксынып карадылар. Әлеге фильмдагы хәфевләр кабатланмасын һәм булмасын иде. Балаларыбызның киләчәге матур һәм имин булсын!

Ә бүген лагерь балалары Алабуга шәһәренә сәяхәт кылдылар. Шәһәрнең матур һәм истәлекле урыннары бик күп. Быел  Алабуга шәһәре үзенең 1010 еллыгын бәйрәм итә икән. Шәһәрнең борынгылыгы һәм бай үткәне уникаль тарихи һәм археологик һәйкәлләрдә чагылыш таба. Сәяхәт балаларга бик ошады. Экскурсияне оештыручыларга һәм тәрбияче Фатихова Гүзәлия Рамил кызына зур рәхмәт!

3 нче июль көнне “Йолдыз” лагере  изге Болгар жиренә сәяхәт кылды. Экскурсия барышында балалар Җәмигъ мәчете, Хан төрбәсе, Кече Манара, Кара пулат, Ак пулат, Хан мунчасында булдылар. Бу биналар – борынгы архитектура һәйкәлләре. Болар барысы да һәркемдә кызыксыну уятты. Изге җирдә алган кичерешләрне сөйләп бетерерлек түгел, алар балаларның күңелләрендә матур хатирә булып уелып калыр. Алып баручыларга, балаларны барлап йөрүче Нигматуллина Дания Риф кызына, әти-әниләргә зур рәхмәт белдерәсе килә!

Спорт залында балаларның иң яраткан уеннары - эстафета. Ике командага бүленеп ярышуда балалар сынатмыйлар: узышалар, куышалар, җитезлекләрен күрсәтәләр. Балаларга хәрәкәтле уеннар бик ошый. 

Табигать биргән байлыклар күз явын алырлык! Урманнары, инеш-сулары, болын-кырлары, тау-калкулыклары! Алардагы муллыклардан  ни генә ясап булмый! Без ясаган сувенирлар нәкъ менә шул табигатебез байлыкларыннан - бака кабыкларыннан ясалган.  

Авылларда сабантуйлар башлана. Шул уңайдан бүген лагерь балалары да халкыбызның төрле милли уеннарына басым ясадылар. 

Мәктәпнең яшелчә бакчасында балалар чөгендер, кишер түтәлләрен чүпләрдән чистарттылар, рәт араларын йомшарттылар. Чәчәклеккә су сиптеләр.

Спорт белән шөгыльләнү сәламәтлекне ныгыта. Лагерьдагы  иртәбезне зарядка белән башлыйбыз да көне буе рәхәтләнеп эшлибез, уйныйбыз. Бүген спорт залында эстафета уйнадык, обручлар белән төрле ярышлар оештырдык. 

Мәктәбебез бакчасында эш кайный. Бүген балалар белән берлектә чәчәклектә чүп утау, чәчәк күчерү һәм башка шундый эшләр башкарылды.