Районыбыздан Казан шәһәренә химияне тирәнтен өйрәнергә ике укучы китте. Алар анда 5 көн буе белемнәрен арттырачаклар. Укучыларның берсе -  мәктәбебезнең 11 класс  укучысы - Цыганова Альбина. Алар Республика олимпиада үзәгендә белем алалар, төрле экспериментлар уздыралар. Альбинага анда уку ошый. "Мине монда КНИТУ га укырга чакыралар инде,"- ди ул. 

Районның Балалар иҗаты йортында оештырылган шахмат ярышында мәктәбебездән дүрт укучы катнашты. Шуларның икесе - 8 нче класс укучылары Миннегалиев Рүзәл һәм Мингазова Чулпан икенче урын алып кайттылар. Афәрин, яшь шахматистларыбыз!

Бүген 2 класс укучылары рус теле буенча ВПР эшләделәр.

Мәктәп бакчасында көзге эшләр гөрли. Кайсылары чәчәклекне тәртипкә китерә, орлыклар җыя. Икенчеләре кишер, чөгендер ала, чүп җыя. Җирне язгы көннәргә яхшы итеп әзерлик.

Бүген Сарсаз Баграж авылында шашка-шахмат ярышы булып узды. Безнең мәктәп командасы - 2 урында. Афәрин, укучыларыбыз!

Башлангыч класс укытучылары укучылар һәм аларның әти-әниләре өчен "Безопасный интернет" исеме астында презентация күрсәттеләр. Әлеге чара балаларны интернетта булган кирәкмәгән мәгълүматлардан сак булырга, билгеле бер вакыт кысаларында гына интернетта утырырга кирәклеген ассызыкладылар. Компьютерда утыруның сәламәтлек өчен дә файдалы булмавын тагын бер кат исбатладылар.

Укытучылар көненә барлык класс укучылары да стенгазета ясадылар. Һәр классның да газета ясауга үз фантазиясе һәм идеясе бар.  Монда котлаулар, шигырьләр һәм төрле чәчәк бәйләмнәре урын алган. Бәйрәм белән, укытучылар!

Бүген 5 класс укучылары рус теленнән мониторинг эшләделәр.

Зәйдә Укытучылар көне бәйрәме уңаеннан төрле конкурслрда катнашып, яхшы нәтиҗәләр күрсәткән укытучыларны бүләкләү тантанасы булды. "Класс җитәкчесе" конкурсында район буенча  2 нче урын алган Гүзәлия Рамилевнаны чын күңелебездән котлыйбыз! Тагын да яңа үрләр яуларга насыйп булсын! Афәрин, Гүзәлия Рамилевна!!!