Бүген бакчабызда Космонавтика көне үтте. Бу елны юбилей - кешенең галәмгә чыгуына 60 ел. Бәйрәмне билгеләп китү максатыннан бакчада мавыктыргыч, кызыклы, спорт уеннары белән аралаштырган күңел ачу чарасы оештырылды. Балалар космоска юл алдылар: аларга Космонавт булышты, юлда инопланетянин Бимбимны очраттылар.

Бакчабызда кешенең галәмгә очуына 60 ел булуы уңаеннан кул эшләре конкурсы бара. Балалар космик галәм темасына үзләре теләгән кул эшләрен ясыйлар.

Бүген бакчабызда "Тәрәз төбендә бакча" исемле акция башланып китте. Язга әзерлек эше итеп чәчәкләр үстерәбез. Суган утыртып,  үсемлекнең ничек үсүен күзәтәбез.

Уважаемые родители!

01 апреля 2021 года начинается комплектование детского сада на новый 2021-2022 учебный год.

Комплектование учреждения  осуществляется через республиканскую систему АИС «Электронный детский сад».

Запланирован прием в детский сад детей следующих возрастных категорий:

по адресу ул. Сары Садыковой,3 (основное здание)

по адресу ул. Нариманова д.70 (филиал)

Напоминаем о необходимости отслеживания очередности ребенка на Портале государственных и муниципальных услуг РТ.

Срок действия статуса «направлен в ДОУ№273»- 30 дней. 

Нәүрүз  – төрки һәм фарсы телле халыкларның бик борынгыдан килгән бәйрәме. Ул 21 мартта көн белән төн тигезләшкән көнгә туры килә.  Бу көнне авыл хуҗалыгы белән көн күрүче халыкларның Яңа елы башлана. Фарсы теленнән ул “яңа көн” дип тәрҗемә ителә.  Нәүрүз бәйрәме дөньядагы иң борынгы бәйрәм санала. Бакчабызда Нәүрүз бәйрәмен уздырдык. Балалар милли бәйрәмнәрне белергә тиешләр.

Бакчабызда 45 елдан артык хезмәт итүче тәрбияче Фирдаус Талгатовнаны зур юбилее белән котлыйбыз!!! Балаларны иң яратучан, иң иҗади һәм бөтенебезгә үрнәк педагог! Без сезгә уңышларның иң зурысын, гомернең иң озынын, киләчәкнең иң матурын, сәламәтлекнең иң ныгын телибез.

Бүген бакчабызга кунаклар килде Ахметов Марат Готович, Халиуллин Ильсур Гараевич, Закирова Минзалия Загреевна, Ахметов Альберт Мунирович безнең татар телендә бәйләнешле сөйләм үстерү системасы белән таныштылар.

Бакчабызда 10-12 март көннәрендә 8нче март Халыкара хатынкызлар көненә багышланган бәйрәмнәр уза. Һәрбер төркемнең бәйрәме үзгә, кызыклы. Кемгәдер Маша белән аю килә кунакка, кемгәдер усал Патшабикә, кемгәдер Убырлы...

Агач үстерү җиңел эш түгел! "Бергә үсәбез" проекты балаларга агач үстерүнең авырлыгын һәм кызыклыгын күрсәтә. Бөтеншәһәр проектында без дә катнашабыз. Кечкенә генә орлыктан зур агач үсәсенә балалар бик ышанып бетмиләр әле. Карарбыз,  уртанчылар төркеме чыгарылышта булганда агачлары күпме булыр икән?

Безнең уртанчылар төркеменә йөрүче Гатауллин Роберт һәм Гөбәйдуллина Диләрә "Яшь экскурсовод" конкурсының район этабында катнашып беренче урынга лаек булдылар. Алар үзләренең яраткан Бауман урамы һәм аның кызыклы урыннары белән таныштырдылар. Әфарин!!!