Учащиеся 9 в класса Батреев А.,Гайнатуллин А., Зиганшин И., Исмагилова И. (учитель Гильмиева Г.Г.) приняли участие в Фестивале "Физмат Прорыв", который проходил 22 августа в Иннополисе.Он был посвящен науке и технологиям, с акцентом на математику, информатику и физику. В программе были научные лекции от ведущих специалистов, демонстрации инновационных проектов и робототехники, мастер-классы и дискуссии о развитии технологий и науки.

Наша ученица Исмагилова Ильдана( кл.рук.Гильмиева Г.Г.) , пройдя успешно  отбор среди 28 тысяч человек,приняла участие во Всероссийском молодежном форуме «иВолга».По итогам работы форума Региональный шатер Татарстана занял первое место,Ильдана завоевала первое  место в конкурсе «Каталог научно-популярных объектов». Поздравляем с такой большой победой и желаем дальнейших успехов.

“Энҗе бөртекләре” лагереньда Камал театры артистлары бик матур “Сабантуй” бәйрәме оештырдылар.  Бу бәйрәм төрле-төрле кызыклы уеннардан торды: кашыкка йомырка кабып йөгерү, капчык киеп сикерү, бүләк кисү, чүлмәк вату, таяк тартышу  һәм башкалар. Кунакка шүрәле үзе килгән иде! Балалар бик теләп бәйгеләрдә катнаштылар һәм бәйрәмнән күтәренке кәеф һәм бүләкләр белән отрядларга таралдылар. Халкыбызның күркәм милли бәйрәме шушы рәвешле узды.

Лагерьнең бүгенге көне Рәсәй  көненә багышланган иде. Тәрбиячеләр балалар белән «Тарих битләре буйлап сәяхәт», «Туган ягым, яраткан ягым», «Без тормышны сайлыйбыз!» дигән танып-белү уеннары, әңгәмәләр, рәсем ясау конкурслары үткәрделәр. Шулай ук илебез турында кызыклы мәгълуматлар тупланды. Балалар ватанпәрвәрлек хисе тәрбияләү максатыннан, «Туган илеңне беләсеңме?» дип аталган викторина оештырылды. Мондый чаралардан соң, балаларда үз туган илләре өчен горурлык хисе уянды.

Иртәнге аш ашаганнан соң, балаларны кызыклы остаханә көтә иде. Фән галиме аларга төрле кызыклы фактлар сөйләде. Балалар исә үз чиратында үзләрен кызыксындырган сорауларга җаваплар таптылар. Остаханә аралашу форматы белән генә чикләнмәде. Өй шартларында уздырып була торган экспериментлар барланды. Һәм аларны үткәрү куркынычысызлыгы турында да мәгълумат бирелде.

Көн бик күңелле башланып китте, чөнки лагеребезгә «Баобаб» күчмә театры килде. Төрле кызыклы фокуслар, чыгышлар һәр баланың күңелен күтәрде. Алар иллюзион тамашаны карап кына калмыйча, үзләре дә сәхнәдә төрле фокуслар күрсәттеләр. Соңыннан балалар уңышлы чыгыш ясау серләре белән таныштылар. Бүгенге көн аларның исләрендә һичшиксез калачак.

“Энҗе бөртекләре” лагере эшчәнлеген дәвам итә. Көннең беренче яртысында балалар тәрбиячеләр үткәргән иҗади остаханәләрдә катнаштылар. Көннең икенче яртысында  отрядлар арасында  "Мин  Туган илемне яратам!" дип исемләнгән  спорт ярышлары оештырылды, ә соңыннан шул темага багышланган рәсем конкурсы үткәрелде. Балалар тере гитара тавышына туган илгә багышланган җырлар җырладылар. Көн бик кызыклы һәм файдалы узды.

4 июнь көнне балалар УНИКС спорт комплексы бинасына барып, «Соня һәм Вованың виртуаль маҗаралары» исемле мавыктыргыч спектаклен карадылар. Балалар компьютер белән мавыгып, серле һәм куркынычлы виртуаль дөньяга эләккән укучыларның тарихын сокланып күзәттеләр. Матур декорацияләр, утлы кылычлар белән сугыш, дәртле биюләр һәм робот Лайк беркемне дә битараф калдырмады! Уен формасындагы спектакль балаларга интернетта куркынычсызлыкның мөһимлеге һәм челтәрдә үз-үзеңне тоту кагыйдәләре турында искә төшерде. Тамашадан соң балаларны тәмле төшке аш көтте. Бу көн бик күңелле һәм файдалы узды!

3 июнь саф һавада энергияле зарядка белән башланып китте. Ул балаларга уянырга һәм көнне яхшы кәеф белән башлап җибәрергә ярдәм итте. Көннең икенче яртысында балаларга квест уздырылды. Анда һәркем үзен катнашучы ролендә дә, әйдәп баручы ролендә дә сынап карый алды. Балалар кызыклы биремнәрне дәртләнеп үтәделәр, зирәклек һәм команда рухын күрсәттеләр. Бигрәк тә иҗади конкурслар һәм спорт сынаулары истә калырлык булды. Бу актив көн балаларга бик күп тәэсирләр бүләк итеп кенә калмады, аларга үзләренең лидерлык сыйфатларын күрсәтү мөмкинлеген дә бирде. Көн бик күңелле үтте!

2 нче июнь көнне лагерь балалары KazanMall кинотеатрында “Снежный человек” исемле фильм карадылар. Фильм яраланган Кар кешесе Еня һәм ишетү аппараты булган Мирон исемле малайның танышулары һәм дуслыклары турында иде. Караганнан соң балалар игелекле булырга, башкаларны алар нинди булса, шулай кабул итәргә һәм үзең булудан курыкмаска кирәклеге турында фикер алыштылар. Фильм белән илһамланып, балалар иң дулкынландыргыч мизгелләрне: Кар кешесе Еня белән беренче танышу, баскетбол матчы һәм гаилә белән очрашуның финал күренешен ясадылар. Бу көн балаларны дуслык һәм үзара аңлашуның кадерен белергә өйрәтте.