Бүген гимназиядә әдәбият дәресләрендә истәлекле дата турында сөйләделәр: 1837 елның 10 февралендә бөек Россия шагыйре А. С. Пушкин вафат була. Шагыйрьнең исеме һәм иҗаты бөтен дөньяда билгеле. Балалар язучының тормышы, дуэль, аның соңгы көннәре турында кызыклы фактлар белделәр.

Ел саен 8 февраль көнне "Яшь герой - антифашистларны" искә алу көне билгеләп үтелә. Дөньяның төрле илләрендә фашизмга каршы көрәштә катнашучы яшь геройлар нәкъ менә шул көнне һәлак булган. 
 Бүген гимназиябездә «Яшь герой - антифашистлар көне» дигән батырлык сәгате үткәрелде. “Алдынгылар хәрәкәте “ активистлары укучыларга Бөек Ватан сугышы елларында башкарылган батырлыклары өчен Ватанның иң югары бүләгенә - Советлар Союзы Герое исеменә лаек булган малайлар һәм кызлар турында сөйләделәр. Укучылар үзләренең яшьтәшләре: Леня Голиков, Зина Портнова, Марат Казей, Валя Котик һәм башка герой-пионерлар турында зур кызыксыну белән тыңладылар. Мондый чаралар яшь буында патриотик хисләр тәрбияләүгә ярдәм итә, ил тарихы һәм узган сугыш вакыйгалары белән таныштыра, гаделлеккә, җаваплылыкка өйрәтә.

Бүген 2 февраль көнне гимназиябездә Казан Федераль университетының Төбәкара мәгариф хезмәткәрләренең квалификациясен күтәрү һәм һөнәри яңадан әзерләү үзәге белән берлектә  республикакүләм семинар узды. Темасы: "Милли гимназия шартларында рухи-әхлакый тәрбия". Семинар барышында уку-укыту һәм аеруча тәрбия бирү өлкәсенә караган проектларны, дәрес һәм дәрестән тыш эшчәнлекне тәкъдим итү максаты куелды. Укытучылар тирән эчтәлекле һәм мәгьнәле чаралар күрсәтте, үзләренең эш тәҗрибәләре белән уртаклашты. Республика укытучылары тарафыннан әлеге семинар бик югары бәяләнде. 

17 яшькә кадәрге категориядә катнаш һәм парлы разрядта «Зөбәрҗәт кубогы » Бөтенроссия рейтинг ярышларында призер булган 7 сыйныф укучысы Исмәгыйлева Илдананы котлыйбыз. Киләчәктә дә уңышлар телибез.

Яшел Үзән шәһәрендә узган “Онегин укулары” XIV республика фәнни-гамәли конференциясендә уңышлы чыгыш ясап, безнең гимназия укучылары призлы урыннарга лаек булды. «Сәнгать» секциясендә Самарина Дарья (1 урын), Мальцева Злата (2 урын) (укытучы Яруллина Г.Р.) һәм  «19-20 гасырлар әдәбиятында  Пушкин традицияләре» секциясендә Җәләлиева Азалия (2 урын) (укытучысы Р. И. Бикметова) яуладылар. Иҗади илһам һәм яңа казанышлар телибез!

Безнең гимназиядә кошларга җимлекләр ясау буенча «Җимлек» дип исемләнгән экологик акция узды. Акциянең максаты-укучыларда әйләнә-тирәлеккә һәм табигатькә сакчыл караш тәрбияләү. Әлеге акциядэ башлангыч сыйныф укучылары бик актив катнашты. Укучылар ясаган җимлекләр мәктәпнең әйләнә – тирәсендәге агачларга урнаштырылды. Укучыларга, укытучыларга, әти-әниләргә зур рәхмәт.

Бүген "Алдынгылар хәрәкәте" активистлары Алсу Маратовна җитәкчелегендә 24 нче балалар бакчасында кунакта булдылар. Укучылар балаларга кошлар, җимлекләрнең төрләрен, аларга нинди җим салырга яхшырак икәне турында сөйләделәр. Соңыннан бергәләшеп ишегалдына чыгып бергә җимлекләргә ярма салып, элеп тә куйдылар. Балалар бик кызыксынып тыңлап утырдылар. 24 нче балалар бакчасындагы коллективка һәм балаларга зур рәхмәтебезне белдерәбез.

28 гыйнварда 6 нчы сыйныф укучысы Залина Нәҗипова (җитәкчесе А.М.Каюмова) М.Җәлил исемендәге "Шагыйрь һәм музыка" музыкаль - шигъри фестивалендә катнашты, моның өчен оештыру комитетыннан Рәхмәт хаты һәм Н. Г. Җиһанов исемендәге Казан консерваториясенең концерт залында "Кызыл ромашка"шигыре белән концертта катнашырга чакыру алды. Залина 28 гыйнварда узган бу концертта уңышлы чыгыш ясады һәм диплом белән бүләкләнде.

Алинәне котлыйбыз һәм аңа киләчәктә яңа уңышлар телибез!

26 нчы гыйнвар көнне сыйныфларда Ленинград блокадасы өзелүгә 80 ел уңаеннан батырлык дәресләре узды. Сыйныф җитәкчеләре укучыларга Бөек Ватан сугышы вакытында Ленинград халкының тиңдәшсез батырлыгын укучыларга җиткерделәр.

1944 елның 27 гыйнварында Бөек Ватан сугышының иң фаҗигале эпизодларының берсе тәмамлана. 872 көн дәвам иткән Ленинград блокадасы тулысынча төшерелә. Дөнья тарихында 900 көнлек чолганышны саклап кала алган Ленинград-бердәнбер шәһәр. 
Бүген гимназиядә "Блокада икмәге" Бөтенроссия хәтер акциясе узды.Аның максаты - Бөек Ватан сугышы елларында Ленинградта яшәүчеләрнең батырлыгын искә төшерү. Акция кысаларында укучыларга Ленинград блокадасы турында сөйләнелде һәм "блокада икмәге" нең символик кисәкләре таратылды.