Бүген гимназиядә опера җырчысы Ф. Шаляпинга багышланган радиоэфир узды. Алып баручылар озын тәнәфесләрдә җырчының тормыш юлы һәм иҗаты турында сөйләделәр. Радио тыңлаучыларга аның башкаруында җырлар тәкъдим ителде.

Бүген 4 сыйныфта күренекле опера җырчысы Федор Шаляпин тормыш юлы һәм  иҗаты буенча ачык дәрес үтте.  Укучылар җырчының тормыш юлы белән тирәнтен таныштылар , җырларын тыңладылар.

Бүген шәһәребезнең Горьки-Әмәт урманында Бөтенроссия чаңгыда узышу ярышы үтте. Әлеге чарада гимназиябез укучылары да катнашты.

Бүген гимназиядә “Алло, без талантлар эзлибез” бәйгесе үткәрелде. Һәр теләгән укучы актлар залында иҗади осталыкларын күрсәтте. Киләчәктә иң яхшы номерлардан концерт эшләнәчәк.

Бүген 10 сыйныф укучысы Әхәтова А.  И. Хәлфин исемендәге XVIII республика фәнни-гамәли конференциясендә катнашып, призер булды.

Алга таба да иҗади-фәнни уңышлар телибез.

8-9 февраль көннәрендә, башлангыч сыйныф малайлары арасында пионербол уены узды. Сыйныфларга урыннар бирелде.

1 урын – 3а һәм 4в сыйныфы;

2 урын – 3в һәм 4б сыйныфы;

3 урын – 3б сыйныфы.

Бүген гимназиябездә Россия фәне көненә багышланган радио эфир узды. 

Алып баручылар укучыларга фән дөньясы, тикшеренү эшләре, данлыклы галимнәр һәм кызыклы фактлар турында сөйләделәр.

Бүген тугызынчы сыйныф укучылары  өчен рус теле буенча йомгаклау әңгәмәсе узды. Рус теле буенча йомгаклау әңгәмәсе, төп гомуми белем бирү программалары буенча дәүләт йомгаклау аттестациясенә керү шарты буларак, белем бирү оешмаларының IX сыйныф укучылары өчен үткәрелә. 

Һөнәр сайлау – җаваплы эш. Сайлаган һөнәрең сине гомерең буена озата барачак. Мәктәп чорында дөрес, төпле киңәшләр, файдалы мәгълүматлар белән танышу бик мөһим.

 Гимназиябездә һөнәрләргә бәйле, рәсем, стена газетасы, видео бәйгеләре игълан ителде. Укучылар бик кызыксынып газеталар әзерлиләр.

Бүген  Казан технология һәм дизайн көллиятендә Казан шәһәре башкарма комитетының һәм  дәүләт думасы депутатларының эшчәнлеге турында халык алдында хисабы узды. Җыелышта гимназиябез укытучылары да катнашты.