Каратэ белән һәрдаим шөгыльләнү балаларда физик үсешне арттыра, үз-үзеңне саклау күнекмәләренә өйрәтә, чыдамлылыкны һәм олыларга, дусларга хөрмәт хисен үстерә. Гимназиядә башлангыч сыйныф укучылары өчен каратэ дәресләре үтә. Укучылар бик теләп әлеге дәресләргә йөриләр.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар  тарихи вакыйга – Кырымның Россия белән берләшүе турында фикер алыштылар.

Гимназиядә урта һәм өлкән сыйныф кызлары арасында волейбол ярышлары уза. Бүгенге уенның нәтиҗәләре түбәндәгечә: 6б – 6в (2:0), 7в – 6б (2:6), 6б – 7а (2:0).

“Живая классика” Бөтенроссия шигырь укучылар бәйгесенең район этабы үтте. 7 нче сыйныф укучысы Ходярева Даниэла 3 нче урынга лаек булды. Ә 10 нчы сыйныф укучысы Кузнецов Даниил 1 нче урынны яулап, төбәк этабына үтте. Укучыларыбызны уңышлары белән котлыйбыз! Алдагы бәйгеләрдә дә җиңүләр юлдаш булсын дигән теләктә калабыз.

Бүген 1 нче Б сыйныфында, гимназия психологы катнашында, "Безнең әниләр иң яхшысы" дип исемләнгән сыйныф сәгате үтте.  Чара барышында укучылар үзләренең әниләре турында сөйләделәр һәм сурәтләрен ясадылар. 

“Сәләтле буын” бәйгесенең район этабы нәтиҗәләре билгеле булды. “Яшь шагыйрь” номинациясендә 6 нчы сыйныф укучысы Муллагалиева Зилә 1 урынга, “Нәфис сүз остасы” номинациясендә 5 нче сыйныф укучысы Садыйкова Ралинә һәм 9 нчы сыйныф укучысы Хәсәнов Данис 3 нче урынга лаек булдылар. Укучыларыбызны җиңүләре белән котлыйбыз һәм иҗади уңышлар телибез!

13 март көне 3 нче в сыйныфы укучысы Мальцев Данил һәм 5 нче б сыйныфы укучысы Садыйкова Ралинә  “Йөрәкләрдә, уебызда, күңелләрдә Г.Тукай мәңгелек” дип аталган яшь шагыйрьләр һәм шигырь укучылар бәйгесендә катнаштылар. 

 Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

«Мөһим әйберләр турында сөйләшүләр»нең бүгенге дәресе совет язучысы һәм шагыйре, СССР гимны һәм Россия гимны сүзләре авторы С. В. Михалковның тууына 110 ел тулуга багышланган иде.

“Ягез әле, кызлар!” бәйгесе дәвам итә. Бүген чарада 6 сыйныф кызлары катнашты. Кызлар төрле бәйгеләрдә көч сынаштылар, кызыклы биремнәр үтәделәр. Һәр сыйныф беренчелекне алырга тырышты.

Бүген Казанда «Ел укытучысы – 2023» Бөтенроссия һөнәри осталык конкурсының шәһәр этабы тәмамланды.

Казан Ратушасында узган тантанада җиңүчеләрне тәбрикләделәр. Гимназиябезнең туган (татар) теле һәм әдәбите укытучысы Җәләева Гөлүзә Азат кызы «Татар теле һәм әдәбияты укытучысы» номинациясендә 3 урынга лаек булды.

Хөрмәтле Гөлүзә Азатовна! Сезне җиңүегез белән кайнар котлыйбыз. Алга таба да иҗади, фәнни уңышлар телибез!