Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Конституция көне” дигән темага фикер алыштылар.

Дәреснең максаты укучыларда Россия Федерациясенең Төп Законы булып Конституция торганлыгын аңлау булды. Россия Федерациясе Конституциясе конституциячел корылыш, кеше һәм гражданның хокуклары һәм иреге нигезләре, Федератив корылыш, дәүләт хакимияте органнарының үзара мөнәсәбәтләре кебек мөһим иҗтимагый мөнәсәбәтләрне җайга сала; илебезнең һәр гражданы тормышында Россия Федерациясе Конституциясенең ролен һәм әһәмиятен күрсәтергә.

Бүген гимназиядә Конституция көненә багышланган шигырь укучылар бәйгесе үтте. 5-8 сыйныф укучылары туган ил, туган җир, туган як турында матур, эчтәлекле шигырьләр сөйләделәр.

Бүген 9 сыйныф укучылары “Барысын да белем хәл итә: белгеч белән тикшерик “ региональ акциясендә катнаштылар. Математика фәненнән имтихан яздылар.

Акциянең максаты: имтиханнарга әзерлекнең сыйфатын бәяләү һәм укучылар җибәргән типик хаталарны анализлау.

#ГИА2023 #сдаемвместетатарстан #сдаемвместе2023 #готовимсявместерт #готовимсякГИА

Бүген 3в сыйныфында Ватан Геройлары көненә багышланган “21 гасыр геройлары. Кемнәр алар?” исемле сыйныф сәгате үтте. Укучылар сүзлекләр ярдәмендә герой, батырлык сүзләренең мәгънәләрен ачтылар. Шулай ук Бөек Ватан сугышы ветераннары, батырлыклар күрсәткән табиблар, янгын сүндерүчеләр, коткаручылар турында сөйләделәр, рәсемнәр ясадылар.

Бүген гимназиябездә Билгесез солдат һәм Батырлар көне уңаеннан “Герои на все времена” дип исемләнгән радиотапшыру үтте. Эфир барышында алып баручылар истәлекле даталарның тарихы, кызыклы фактлар, Яңа татар бистәсе батырлары турында сөйләделәр, укучылар әлеге темага патриотик җырлар җырладылар.

Бүген 10-11 сыйныф укучылары Бөтенроссия хокукый юридик диктант акциясендә катнаштылар. Укучылар үз көчләрен сынап, сертификатлар алдылар.

Бүген гимазиябездә үзидарә утырышы узды. Укучылар Яңа ел бәйрәменә караган чаралар турында фикер алыштылар. Актлар залын бизәү, сыйныф бүлмәләрен тәртипкә китерү, стена газеталары чыгару турында да киңәшләштеләр.

Декабрь аенда Россия Банкы тарафыннан гомуми һәм урта белем бирү оешмалары укучылары өчен финанс грамоталылыгы буенча онлайн-дәресләр үткәрелә.

Дәресләр үсеп килүче буында финанс грамоталылыгы нигезләрен, рациональ Финанс үз-үзен тотышы җайланмаларын, финанс инструментларын дөрес итеп сайлап алу һәм финанс хезмәтләреннән файдаланучыларның хокукларын яклау нигезләрен формалаштыруга юнәлдерелгән.

Бүген “Ел укытучысы – 2023” бәйгесенең дәрес бирү этабы узды.  Гимназиябезнең инглиз теле уытучысы Алсу Рамилевна “Минем гаиләм “ темасына ачык дәрес күрсәтте. Кызыклы биремнәр һәм дәрес форматы укучылыларга бик ошады. Алсу Рамилевнага алга таба да уңышлар телибез!

Бүген Казан шәһәренең БДД  бүлеге белгече Зөлфия Вагыйзовна Мозаффарова катнашында, башлангыч сыйныфларда куркынычсызлык дәресләре үтте. Зөлфия Вагыйзовна укучыларга юл йөрү кагыйдәләре, төрле ситуацияләрдә үз-үзеңне тоту турында сөйләде.